**احببتك خارج الوطن**

الحلقة السادسة و العشرون

**احببتك خارج الوطن**حلقة 26
للكاتبه *سونيا ايلين*

سلاف ...كان رقمه... رقم قصي.. كان قلبي زي الدربوكه كان يتصل ويعاود فتحت الخط وسمعت صوته بعد غياب طويل
قصي :السلام عليكم
سلاف......
قصي ..فتحت الخط وكنت متوقع انها مش حتتكلم بنت عمي وعارفها
قصي :كيف حالك
سلاف...
قصي طبس راسه وهو مقعمز وحط يديه ع جبهته: بالله سامحيني راني تعبان
طووووط
قصي... اول مرة ننهار نبكي حسيت بشوق بلهفه حسيت بالغربه الحارقه لا ام ولا بو لاناس زيني طلبت منها السماح لاني حاسس ان دعاها يوصل للسماء

سلاف...ليا وقت على سماع صوته قداش ما كان خاطري نسمعه اكتر زي ماكنت نحب سماعه زمان بس توا خاطري مكسووور منه لانه مع غيري اني منسيتاش بس نحاول نتناساه طلب السماح...

**اهناك قلب عاشق يغضب من قلب حبيب له.**..

فاتت هديكا الفتره عليا تقول سنه صح نكلم في امي كل يوم بس مشتاق طبعا مرتي حكم بالسيف تكلم فيهم باش يبان الوضع طبيعي ...شفت العجب في حوش عمي ...طلع سامويل بلا شخصيه مش قادر يحكم في بنته ورايح زي الكبش في جرة سامانثا

اسماعيل: وين طالع
قصي: مع صاحبي
سامانثا :take sivana with you
قصي: سيفانا توا راقده تحب تطلع في الليل😠
اسماعيل :باهي اطلع غير جوك

وسيم :اهلين
قصي سكر باب السيارة :هلا بيك وين بنمشو اليوم
وسيم: بنرفعك لحوشي اهلي عازمينك على الغداء
قصي: لا فكنا نطلعو البرا لاش انتعبهم
وسيم: سك فمك شوف منظرك كيف من ماكله المرمده
تقول مومياء
قصي بحزن :صدقت والله

في ليبيا العشيه....
كريمه: واااك قايله من الاخير
سهام :صح النوم
جداي: بايره بدل ماتنوضي اطيبي العشاء
كريمه: من توا
جداي: لا من غدوة
سهام :اليوم اصلا دور سلاف وينها راقده
جداي :لا يا كبدي هوني تسرح بالنعجات
ترن ترن
كريمه: اا هدا قصي
قصي: السلام عليكك
كريمه: وعليكك السلام كيفك
قصي :ماشيه كيف امي وبوي والباقين
كريمه: تمام الحمد لله
قصي: اعطيني امي
كريمه: اني عند جداي مش في الحوش
قصي :باهي اعطيهالي خير ماتنكدها عليكم
كريمه: ها جداي يبي يكلمك
جداي :وينك يا وليدي لا تتصل لا تنشد
قصي :جداي امس كلمتك😓
جداي: وكان مفروض كل شويه
قصي يضحك: به كيف حالكم الكل اليوم
جداي: الحمد لله اسأل.. على شويهاتك😎
قصي مبتسم: خيرهم
جداي: هوني النعجه سلاف تسرح بيهم مش هاينات عليها شويهات ولد عمها😄
قصي: بارك الله فيها💔
جداي :بنت اصل
قصي: اي بالله هيا سلام

سلاف كنت نعطي في نعجات قصي علفه رغم انه وجعني بس غاليات عليا 😓الحق انسم في ريحته عليهم😂 ...
سلاف.... اااخ يا جمانه ااخ منك بس .خداته منك الفانص كاترينا وانت ياصايع يا ضايع خليت نعجة بلادك ومشيت لرومانيه صايعه نسرافه شن الفايده من الكلام توا كترينا حامل وانتي تستني دورك
سهام مطربقه ضحك :😂😂تقولي تحكي في قصه حياتك
سلاف :😒بسم الله
سهام :والله مش سويهل هالقصي خلاها تحمل طووول
سلاف😨😨
سهام:لاااا مش ولدعمنا قصدي ع الكبش😂
سلاف😒صايع زي مولاه
سهام نخصتها من كتفها: باهي فكينا من الصايع شن صار في الدكتور
سلاف :شي قاعد يبي الرقم واني متردده
سهام :اعطيه الهم خير مانعطيهوله

هدا ياسيدي دكتور bio عندناشاب خلوق وحلو يعني يلبس في مرايات وشخصيته حلوة بنات القاعه طايحات عليه مش الكل بس يعني اغلبهم😍

وسيم :السلام.عليكم
امه :وعليكم السلام وينه ضيفنا
قصي :اهلين عمتي
امه: اهلين وليدي انستنا تفضل
بوه عمي عبد المطلب: مرحبتين بيك
قصي :وبيكم
وسيم :هادم الحاج والعزوز
قصي: يضحك
امه: عزوز ركبتك
قصي: العمر كله
وسيم: وين البنات
امه: في ديارهم يقرو
وسيم: الحوش حووشك
قصي: تسلم
وسيم: شن مدايره غدا
امه: يلي يحبه قلبك كله
وسيم: تاكل في العصبان
قصي ابتسم: روحي وعقلي كانت ادير فيه الغاليه(سلاف) يجي كيف العسل
وسيم: ربي يخليهالك
قصي:💔 تسلم

شويه وحطو الغداء تغدينا يا ناس نحيت الحشمه البرا وكليت كليت كليت بمعنى الكلمه الحق لاع قلبي من التمرميد يلي ادير فيه سامانتا ماشاء الله مافيش ماكله ليبيه مش مدايرتها تقول تعرف اني جعااان
وسيم: غير زيد
قصي: تحشم لحست السفره
وسيم :تو نقوللها تلفلك عشاء
قصي :لا هلبه هكي
وسيم :سك فمك وانت قريب اتزغرد في شلامتك
قصي :يشوفله
وسيم :خيرك تقلب في عيونك هكي
قصي: تعرف اول ماشفتك في تونس ماحبيتكش قلت منظرك صايع
وسيم يضحك: علاش
قصي: هكي لما شفتك كيف تسلم ع سيفانا
وسيم :متفكرنيش يومها خديت هزايب من الوالد لين عيت
قصي باستغراب :علاش
وسيم: شاف وحده لابسه ميو في حظني السكر ركبله
قصي :طبس راسه
وسيم: معليشي مش قصدي
قصي :عادي.. هيا خلي انوض
وسيم: لا اقعد
قصي: هو هداكا
وسيم :ع راحتك هيا

سلمت عليهم بجد حسيت اني مع اهلي بدات بعد عبيت بطني😂

طلعت من عندهم درت دوره تمنيت لو اني كنت مع مرتي نتفرجو ونتعرفو ع البلاد طلعت هاتفي وبديت انصور وطووول للحوش

ساره :شنو وين راجلك
سيفانا: متكيه ع السريرi do n't know
سارة :متخافيش يكون مع بنت تانيه توا
ساره :لا هو اني قدامه ومقربنيش خلي يقرب وحده مش مرته ومسيحيه
سارة :ع اساس انتي مسلمه😒
سيفانا: اوووف فددني طول الوقت نوضي صلي قتله خليني براحتي
سارة :بس يستاهل تسلمي ع خاطره
سيفانا: هو حلو و sexy اي بس مش نغير ديانتي هو dad مغيرتهاش ع خاطره
ساره قعمزت جنبها: بس بجد مسهفكش
سيفانا: اووو كدا مره بس راسه حيط حاولت نخدره بس سبحان الله مايشربهاش مني تقولي حاس
ساره :يعني قاعد ميعرفش انك مش بنت
سيفانا: اي اصلا معاش فارق عندي احتمال نطلب الطلاق ونرجع لي جورج
ساره :جورج تاني
سيفانا :yes طلعنا مع بعض مرتين يجنن
ساره :خلاص خودي جورج واعطيني قصي
سيفانا: ههه
قصي😳😳😳.....يتبع