**احببتك خارج الوطن**

الحلقة الثانية عشر

لا احلل النشر ابدا
**احببتك خارج الوطن**حلقة 12

للكاتبه *سونيا ايلين*
امي :وين سلاف
سهام :فوق تنوح
محضيه: شن هو
سهام :ااشي😅

جداي :اااه نسمه ترد الروح
محضيه :اي مش زي نسمة الحوازه
صبحيه :يميم والماكله الحلوة بالله
حطو العشاء مكرونه صالصله وشواء وسلايط
سامانتا: سامويلi love it
اسماعيل :😍😍
محضيه: جمعة وووك وك وك هدا شن عطه كسره في يديه تجنن
جمعه: زمري ع الاسلوب
سيفانا:eat it pleasوعطاته الشوكه
قصي :تسلمي
قصي...ع قد ماكانت السفره تجنن ع قد ماكانت ناقصه حاجه قلبي فاقدها
سلاف... فتحت tv نتفرج ع فلم اجنبي نحاول انلهي روحي لين الساعه٢ دخلو العيله
محضيه: نموت ونعرف خيرك
سلاف: شي
محضيه: بووومه بومه بومه زي جداك
سالمه: تحشمي خالتك راهو
محضيه: خلخل كل ضروسك
الكل :هههه
فرشنا وارقدنا واني طبعا ملقيتش ع شن نرقد فلصقت عند ماما
سلاف : امي
محضيه: اممم
سلاف :نبي فلوس
محضيه: فلوس ينقب عينك
سلاف:😓 يااام
محضيه: علاش بتحرقي ولا شنو😊
سلاف: لا نبي نشري لبس
محضيه :حق بتحي الخرقه يلي تلبسي فيها
سلاف؛ اي
محضيه :ياما انت كريم يارب

رقدنا واني كنت مغمضه عيني بالسيف بس مافيش نوم وقفت ع البلكونه نشوف للبحركيف كان حلووو ويجنن خطر عليا العومان خديت منشفي ونزلت

قصي... ما جانيش نوم بكل كسدت لوطه طلبت ارقيله رغم ان عمري ما ارقلت بس قلت نجرب كنت نشوف للبحر لين شفت وحده ماشيه لابسه عبايه قلت مش غريبه عليا شفتها ماشيه جهة البحر وبتدخل
قصي: ااااا هدي سلاااف شكلها بتنتحر غرقا نضت نحيت كتي وطووول جري
سلاف: ااااوف بارده تجنن اااه كنت نعوم ومنسجمه ع الاخير راقده ع ظهري ورافعني الموج للداخل طبعا اني سباحه شاطره مخفتش كنت مستمتعه لييين حسيت بحد ظامني عنده ويجبد فيا
سلاف: واااك منووو حول
قصي كان ضامها في حضنه :متخافيش تو نطلعك متخافيش
سلاف ...كان صوت قصي شن جابه واني شن ندير في حضنه وخرت من عنده بس قاعد محاوط خصري
سلاف :قصييي خيرك
قصي: شفتك تمشي للبحر قلت اكيد تمشي راقده
سلاف :مش للدرجه هادي
قصي :خفت تغرقي
سلاف 😍😍
قصي: بعدين يتأجل عرسي
سلاف :حول ترا يافالح كنت نعوم
قصي: حاق خوفتيني😎

كنا قراب هلبه اول مره نكون في حظن راجل حظن يلي نحب

قصي... كانت بين يديا رغم انها بنت عمي بس حسيت بأحساس غير احساس صعب وصفه كأني منبيش نطلقها
سلاف.. كان قلبي يدق بقوة حسيت لحضتها انه ليا قلبه وروحه ليا لييين رخاني
سلاف... قعدت نبل في وجهي بالميه رغم اني داخل البحر بس عرقت بجد
قصي :شن خيرك تعومي بروحك
سلاف: هكي منبيهمش يضحكو عليا لما نطلع بالعبايه وبعدين عومان الفجر كويس
قصي: من بيضحك.عليك
سلاف: هلبه واولهم انت
قصي وخر شعره التالي :الستر باهي من قال بنضحك
سلاف في خاطرها مانا لاش قاعد لاصق في سيفانا😒
كملت عومان وهو جنبي بس معاش تكلمنا
قصي :هيا بنطلع اني
سلاف: هي
قصي :ههه اضحك العبايه كيف لاصقه عليك
سلاف😶
قصي: تعالي قعمزي ع الكرسي كيف بتدخلي هكي
سلاف: به ...قعمزت ع الكرسي وهو جنبي كنا نشوفو للشروق كيف حلو طبعا عيوني كانو دموع لان تمنيت لو قلبه ليا ونعيش لحظات حلوة معاه
قلبي واجعني بجد
قصي: نسألك سؤاا
سلاف: شنو
قصي: توا انتي فرخه معقوله يوم تحبي تحبي واحد مش شايفك
سلاف... كان سؤاله زي السيف في قلبي قصدي يعرف اني انحبه علاش هكي يجرح فيا
قصي: غير كان نعرف منو بس
سلاف... ااا طلع مش عارف الحمد لله
قصي: هاااي معاي
سلاف: اي
قصي: من امتى تحبيه
سلاف: يمكن من يوم تولدت
قصي شافلها :للدرجه هادي
سلاف: اي ...هو اول من زار قلبي نحب كل شي فيه حب بريء عفوي
قصي ابتسم: وشواشه
سلاف ماسكه دموعها: نعم
قصي :لو نعرفه والله لما نقتله
سلاف :علاش
قصي: لان لخبطتلك قلبك
سلاف: اااه عادي
قصي: تو تكبري وتنسيه وتدخلي للجامعه وتتعرفي ع حد يستاهلك

سلاف نزلت دمعتها قصدي ماحولش يعصر دماغه ويعرف من هو يلي نحبه من الولاده
سلاف :نعست بنرقد
قصي :بري اني بندخل نعوم تاني توا الطروف قريب يطلعو😎
مشيت من بحداه واني كان نلقى نولع في روحي

**صعب داك الحب الدي يزهر داخلنا ينمو ويكبر تم يهدى لغيرنا**

قصي ...كانت جنبي واول مرة نكونو برواحنا خدودها الحمر وبشرتها البيضاء كاني اول مرة نشوفها كان في شي في داخلي يكبر بس معرفتش شن هو.....يتبع