**احببتك خارج الوطن**

الحلقة الثانيه والثلاثون

لا احلل النشر
**احببتك خارج الوطن**حلقة32
للكاتبه *سونيا ايلين*

في العشيه....
مشينا عند جداي الكل زي العادة تقعميزة عائليه كان الجو مغيم وامي مقعمزه ع العاله اتوتي في الشاهي وجداي اتقشر في الكاكويه واني عيني ع الباب نستنى في سلاف تجي تعرفو من وقت روحت بيهم كل ما نتفكر الموقف نبتسم توا نوعا ما ارتحت ان عرفت انها تحبني مازال نقول لاهلي اني طلقت و مازال نقنعهم ان نخطب سلاف
محضيه :واك الشتاء دخل بكري
صبحيه: اي والله
محضيه: زعما حتى في امريكا يشتوا 😎
قصي:😒 لا يقعدو صيف طول السنه
محضيه: مطول لسانك مش جاي لامك وبوك
جداي :عطك قصه في لسانك تبي الكل سكوتي
محظيه:😂 والله طالع لجداك
قصي: هه باهي شن صار في الشاهي
سالمه: اهو طاب نوضي كريمه اعطيهم
قصي بشويه: سهام سلاف وين قوليلها تجي تاخد كاكاويه
سهام: راقده قلها انت😄
قصي ..سكت طلعت هاتفي شفتها لقيتها غير متصل بالنت طلعت قلت نكلمها

ترن ترن..
سلاف غمة وجها شن يبي هدا
قصي: الو
سلاف: مرتبكه ايوة
قصي واقف البرا في الفيراندا وحاط يديه في جيوبه والمطر تبشبش: تعالي اشربي شاهي
سلاف: تسلم
قصي: به كاكويه انتي تحبيها
سلاف :كليت مبكري
قصي بهمس ووخر شعره: باهي تعالي مستاحشك
سلاف كان قلبي يدق ولما قالها خلاص معاش لحقت على قلبي ..هو حسيته مولي مرتاح بعد يلي صاربس اني لااااا ندمت ان بسته لان غلط وتحشمت ولانه متزوج ولان حنتعب ولان ولان ولان
قصي: الوووو
سلاف: ايوا
قصي :تعالي استاحستك اني
سلاف ...وقفت قدام الروشن وكنت نقدر انشوفله ياربي راهو مش طرف راهو صاروخ نووي :قصي يلي صاربكري غلط
قصي مبتسم :شن صار هو
سلاف تراقب في حركاته: بالله خلاص انت متزوج واني مش ليك باش يصير هكي
قصي: اولا متزوج تو نحلها وتانيا مش ليك تو تولي ليا ويصير اكتر من هكي😎
سلاف😨😨😨
قصي: باهي بجد هيا تعالي ومش حنديرلك شي وعد
سلاف: سلام

سكرت منه واني خلاص حسيت ان في حاجه غلط في الموضوع يا اما يحبني بجد يااما يلعب بجد
ممشيتش يومه لجداي ومن غدوه عرفت ان هو بيرفعنا ممشيتش للجامعه قعدت يومين حابسه روحي بسبله القرايه واني كل مانتفكر الموقف نسخن مع بعضي

قصي.. قعدت يومين ماشفتهاش قريب جنيت وهاتفها مسكر بس يلي مطمني اني عارف انها ميته من الحشمه بس كنت نخاف انها تكلم في الدكتور من وراي ....مشيت للعمل لغيت اجازتي ورتبت وضعي ورجعت نخدم قعدلي نقول لاهلي اني طلقت ونفتك

يوم الجمعه...
محضيه :هيا باش تمشي لجداك
سلاف :نبي نقرا بري انتي
محضيه :نوضي يلي يسمع يقول ان بياخدوك رئيسه الحكومه😂
سلاف: يام خيرك ديمه مدايرتلي احباط😓
محضيه: احباط شنوا اني نقولك في الواقع نوضي مدايرين رشده
سلاف:😍😍😍 به خليلي حصتي
محضيه: عينك جداك تبي تشوفك
سلاف: به
نضت غيرت لبست فالينا صوف حنيه وسروال جينز ووشاح ومشيت

قصي :هيا بسرعه
ناصر: اصبر السفنز يسهف
قصي يشوف للساعة: يا رجل تحشم وقت ع الصلاة
كنت واقف قدام الباب ونكلم فيه لين نتلفت التالي ونشوف سلاف جايه تمنيت لو نقدر انضمها لها يومين حارمتني من شوفتها كنت مش مستاحش كنت ميت من الشوق
سلاف.. مشيت وكنت ندعي ان منشوفاش لان يلي صار مش شويه بس للاسف طلع واقف قدام الباب ولابس عربي ااااااخ ياربي قداش يعجب فيا وهو لابسه
قصي مبتسم :كيف حالك وين الغيبه
سلاف وجها احمر وتشوف لوطه: الحمد لله ودخلت طوول
ناصر طالع :تحشم راك ماشي للجامع
قصي: ابتسم

سهام: طيب فيك طلعتي
سلاف: تمسح في وجها
سهام: نموت ونعرف خيرك انتي وياه
سلاف دمعتها في عينها :اني بروحي مش عارفه

وتينا الغداء وروحو من الجامع وتغدينا وبعدين رتبنا الحوسه وروحت لان خلاص مخنوقه

قصي ..مشبعتش من شوفتها بكل كانت تتهرب مني من نظرتي ليها خفت انها غيرت رايها وكلمت الدكتور مكانش قدامي الا اني نتأكد

سلاف كنت مقعمزه نقرى لين وصلتني رساله
قصي** تعالي تجت الليمه**
سلاف** قصي فوتني اني فكرت كويس انت متزوج واني حنتعب انت مصيرك لمرتك**
قصي **به تعالي نبي نسلم عليك**
سلاف بخوف **وين ماشي**
قصي** لامريكا بنروح**
سلاف **شن هوااا**
قصي **تعالي**

سلاف.. سكرت من عنده وقليي خلاص حسيته ظلم قعدت نبكي علااش بس صدقته علاش دار فيا هكي مادام عارف روحه بيسافر لااااش عشمني مسحت دموعي وقلت حنمشيله باش ....
قصي ...مشيت تحت الليمه قعدت نستنى فيها لين جت
قصي :عطلتي😂
سلاف: انت شنو بالضبط😡
قصي: خيرني
سلاف: شن خيرك ...بس شن خلاك تولي هكي كيف قدرت تلعب عليا اعتبرني اختك ياسيدي
قصي قرب منها :بس انتي مش اختي
سلاف: مدام مش اختك علاش حرقتلي قلبي
قصي :تعالي بس وشد يديها
سلاف: حول متقربنيش مش بتسافر برا سافر اكيد مرتك تستنى فيك
قصي قرب منها: تغاري
سلاف قبلت للجهة التانيه
قصي :تغاري وقبللها وجها
سلاف: شن رايك مانا شن جابني هني
قصي ضغط ع يديها ملقيتش غير الطريقه هادي باش نجيبك
سلاف: شن تقصد
قصي: قصدي مش مسافر
سلاف: احلف
قصي: والله
سلاف: ماناعلاش كدبت علبا
قصي قرب منها :لانك حرمتيني يومين منك
سلاف: ابعد غااادي
قصي: يضحك خيرك خفتي
سلاف..
قصي قرب اكتر والا عارفه روحك تضعفي قدامي زي ماضعفتي يومتها
سلاف :قصي حول
قصي :انحبك ونموت فيك
سلاف: ياقصي انت مصيرك ترجع لمرتك وتخليني متفكرش شن حيصير فيا
قصي يشوف لعيونها: اني رجعت وخلاص
سلاف :مفهمتش
قصي يساويلها في وشاحها انتي مرتي يلي نبيها ورجعتلك غلطت يوم سيبتك
سلاف :وسيفانا
قصي شد يديها:طلقتها
سلاف: شن هوااا كيف وامتى وعلاش
قصي: قبل منروح متفاهمناش مع بعض
سلاف :واهلك يعرفو
قصي: لا مازال ماقلت لحد
سلاف :به علاش طلقتها
قصي: لان سيفانا.....يتبع