لا احلل النشر
وتعليق عسل كييفكم
**احيبتك.خارج الوطن**حلقة 23
للكاتبه*سونيا ايلين*
قصي... مشيت تعشيت بحدا عمامي وبوي وصحابي كنت تهدرز.معاهم بس قلبي في مكان.تاااني قبل كنت نتخيل في اليوم.هدا كنت نتخيل نفس الجلسه ومرتي الداخل مع النسون وقلبي عندها نبي نروح بيها باش نشبع منها ..كنت نتخيل انها لابسه العربي كيفي بس للاسف اني لابسه ومرتي حكم مش لابسه خديت الادن وطلعت من بحداهم فتت جنب حوش عمي جمعه تمنيت لو نخبط ونشوف سلاف لان متأكد انها في الحوش بس مقدرتش مشيت للحوازه وين كنا ديمه نكسدو مع بعض طلعت الدخان ودخنت طرف و٢ و٥ و١٠ واني دموعي في عيوني اني طبعي كوميدي وجوي حلو بس من شهر حاسس بنكد ...بس اقنعت روحي ان هدا نصيب ولو سلاف نصيبي اهو خديتها سيفانا.حلوة وتنحب بس تبي سفت وير من الاول تبي تربااايه وشكلها حتعبني بس مهما كان هي نصيبي توا كنت نفكر لين سمعت صوت حد يمشي تلفتت لقيت.....
سلاف... حاااسه ان النفس حينقطع لا قادرة نعيط ولا نسكت حاااسه بوجع بجمرة في صدري قلت لااازم انشوفه حاولت نتماسك بس مقدرتش ومش حنقدر نبيييه هو لما كان يزرد مع صحابه نفقده يا ناس هدا بي يهااااجر ويخليني ومع وحده تانيه 💔لحظتها خلاااص قررت ان لازم نقنعه يقعد معاااي لبست عبايتي ومشيت جيهة الليمه في الحوازه وقلت نبعتله مسج ونقوله يجي غادي
قصي مستغرب: سلاف
سلاف: فاش ادير هني
قصي طفى الدخان ووقف: ندخن
سلاف: انت ماكنتش ادخن
قصي: وليت
تن تن تن تن
قصي... فتحت هاتفي ولقيت مسج منها (قصي تعالى تحت الليمه نبيك ضروري)
سلاف.. بعتت المسج وقلت نسبقه ونرتب الكلام بس انصدمت لقيته مقعمز غادي
قصي :تفكيرنا واحد
سلاف ابتسمت رغم انها ماسكه دمعتها
قصي قرب منها: ماجفتش دمعتك
سلاف نزلو دموعها؛ شن بيجففها وقلبي شن بيبرييييه
قصي قبل للجهة التانيه يداري في دمعته
سلاف :خيرك ياولد عمي
قصي: بنستاحش بنستاااحش كل شي امي وبوي وكريمه والكل
سلاف: واني
قصي ؛اكيد
سلاف :متسافرش به اقعد هني
قصي: ياريت بس غدوه طااالعين
سلاف بالعبرة :باهي اقعد هني واقعد متزوج نتحمل نشوفك مع غيري ولا ننحرم من شوفتك
قصي...كااان نلقى نضمها نبوسها من شفايفها لاني معبي عليها هلللبه حاسس اني ضيعت عمري ومشفتش حبها ليا لو يرجع بيا الزمان اهو عشقتها وركزت في حبها بس للاسف نزل حبها ..عشقها في قلبي دفعه وحده عارفها حتتعدب بس كان لازم ندير هكي كان لازم نزعلها لاخر مرة اقل مافيه تبكي يومين وبعدين تكرهني ولا تقعد على دكراي💔
سلاف... كنت كان نلقى نضمه تعرفو بجد كان خاطري من قبل انضمه نجرب حضنه بس مقدرتش قلت كان هو ضمني مش حنبعد
سلاف: ع خاطري ياقصي اقعد
قصي: نتمى اني نحبك اي بس توا اني متزوج وزي ماقلتي لو نصيبي اهو تزوجنا سلاف انتي مليون راجل يتمناك وتو يجيك نصيبك
سلاف: تتكلم بجد انت نسيت شن قتلي الصبح
قصي: متفكر بس مش كل شي مشاعر هدا نصيب شن بتعارضيه
أنت تقرأ
**احببتك خارج الوطن**
Romantikروايه ليبيه عن بنت طوول عمرها تحب ولد عمها بس هو محبهاش الا بعد شافها برا البلاد
