**احببتك خارج الوطن**

الحلقة الرابعة عشر

لا احلل النشر ابدا
**احببتك خارج الوطن**حلقة14
للكاتبه*سونيا ايلين*

ناصر: لا هكي بنديرو راي اخطبوهالي
صبحيه: صك فمك الها كمل حوشك بعدين ساهل

قعمزنا وكنت حاسه اني نجمه السهرة حتى عمامي علقو عnew lock الا شخص واحد☹
طلبو العشاء وقعمزنا مع بعض كنت مرة مرة نشوف لي قصي وهو يشوف لي سيفانا

**صعب ان نتغيرلاجل بعد الاشخاص وهم لا يعطونا اي اهتمام**
قصي... كنا نتعشو عيني منقامتش عليها كانت ساحرة كل شي فيها حلو كأني اول مرة نشوفها بس مش عارف تغيرها عجبني ومعجبنيش

كملنا العشاء وطلعنا درنا دوره في المحلات مشينا لكارفور كان الجو حلو
خلينا السيارة في البراركينج وكملنا دورتنا
كريمه :واااك غاليه نار
سهام.:هادم كيف يشرو
سلاف: ع اساس حني احسن
طبعا يلي كان مش فارق عندها سيفانا الدولار جايب كل شي😂
درنا وبجد الجو كان فوق الحلو بس اني مكانش حلو عندي لان قلبي واخداته غيري
فتنا حني قدام
مجموعه شباب ليبيه: اوووو والله مافي احلى من بنت بلادي خياااال
شاب من بينهم: حتى حشمتها خياااال
كملنا نمشو وهما ورانا
سهام عاجبها الجو :طيحنا ع التوانسه
كريمه: حتى هو الستر حلو
شاب: انتي يا وسطيه والله خديتي قلبي
سهام: نخصت سلاف هدا عليك

قصي ...كنت نستنى في سيفانا تختار وقفت لحظه اني وناصر طلعنا من المحل لقيت شباب يعاكسو فيهم قريب انجلطت
الشاب: والله عجبتيني والله كان تقولي به نجيب اهلي
قصي شده من تيشيرته: اهلك بيجو اي بس باش يزوروك في المستسفى وبدو في الضرب
جو شباب قعدو يحزو
قصي :اركبي انتي وياها السياره
ركبنا نجرو
سيفانا: بيبي علاش هدا كله
قصي يمسح في فمه من الدم: شن بيفهمك انتي توا😒 بري اركبي
قصي: شن مشااااكم في ام الشارع بروحكم ااا
كريمه: والله قلنا ندورو
قصي: ادوري تو اشوفي الدوران في الحوش
سهام :ماصار شي خيرك انت
قصي: انتي عميه والا تتسهوكي طالعات بروحكم زي....
قصي... كنت معبي ع عملتهم بس منعرفش علاش كنت نغلي ع سلاف اكتر وحده
قصي :وانتي يا انسه سلاف شنوووو
سلاف: الهى بسيفانا
قصي طول شافلها في المرايا
سيفانا: شدت يديهit's ok baby
سلاف... معرفتش كيف جتني الجرأة بس رديت عليه

وصلنا غادي طووول ركبا لحجرتنا
محضيه: مازال بكري
كريمه؛ والله الا تهبل تونس البنات لتوا يدوروا
صبحيه :هيا ارقدو
فرشنا واتكينا
محضيه :احكينا سلومه وين بديري العرس في ليبيا والا البرا
سالمه: لا اكيد هني
صبحيه: متعرفيش مرات يقولولك البرا😁
سالمه :مستحيل عندي اهلي هني

**عدرا احترمو مشاعري احترمو كوني موجوده**
غميت راسي ورقدت

كملنا هديكا الايام جو حلو للكل بس اني مخنوقه

محضيه: الله كان الواحد يزيد ايامات
جداي: لا ياودي كبدي ماريتش حد مستور غادي
محضيه :مانا لما بتمشي لامريكا كيف
اسماعيل😨😨😨
محضيه شافتله وتقيم في حواجبها: اي صح ارفع امك معاك فكنا منها 😂قصدي غيرلها نفسيتها😄
جداي :اي ياكبدي اول مرة تقولي حاجه باهية
قصي :هيا كملنا الاجراءات
سالم :هيا مانا توكلنا
ركبنا للسيارات واني ركبت مع قصي ومن الخلف درت روحي عادي بس وجعني حد ياخد مكاني

قصي... ركبنا وجت سلاف معانا وركبت من الخلف وراي حسيتها مضايقه لانها من يوم يومها تركب قدام بس شن بندير هدي خطيبتي

كنت طريق كامله ساكته قلبي خايف لان يلي يستنى فيا مش معروف

بعد ايام....
محضيه: نوضي هيا ليك يومين ممشيتيش عند جداك
سلاف متكيه :مريضه مخاطري نشوف حد
محضيه: بكيفك هو شوفه جداك تمرض😅

سالمه :كيف هكي بسرعة
سالم: قالي انه عنده.عمل ضروري يسافر
سالمه :هو راس وليد نبي نفرح بيه
سالم :تو نديرو عرس
سالمه :والله مش عارفه قلبي مش مرتاح منبيشي يبعد
سالم :حتى اني بس شن بنديرو
كريمه :خيركم ع الصبح
سالمه :شي بري نوضي خوك وهيا كان بتفطرو

صبحيه :صباح الخير عمتي
جداي: صباح الخير سقديني نبي نفطر
محضيه :خاطري نعرف الماكله يلي تاكلي فيهاوين تمشي
جداي: عطك داء حاسدتني في اللقمه بري ديري الفطور وبنتك وين
محضيه :متبيش تجي
جداي :بري قوليلها تجي ليها يومين ماشفناهاش
محضيه: خلي ندير الفطور ونمشيلها
اسماعيل: صباح الخير
جداي: صباح الفل😍 اهي العيله الناشطه يلي يجو مع بعض مش زيكم تقولي خايفين من العين بالواحد يجي
قعمزو ع الفطور
جداي :كلمتي بنتك
محضيه: نسيت تو نمشيلها
قصي: صباح الخير
الكل :صباح النور
سيفانا :hi baby
جداي: قعمزي برا انت مدامك واقف نادي هديكا المسلوله خلي تجي تفطر
قصي :به😊
كنت راقده في الجنان مع امي لان.حوش عمي عندنا والانسه سيفانا تبي دار بروحها طلعو الكل واني مخاطريش نمشي نشوف من نحب مع غيري دخلت دوشت ومشيت لداري طلعت بيجاما ولبستها شفت حاجات سيفانا كيف حلوااات يعني بجد هي حلوة وعندها كل شي لازم تكمل تاخد قصي ☹☹شديت هاتفي وقعدت نتفرج ع صور لزردتنا في الحوازة كنت نكبر فيهم ونتأمل فيه ودموعي ينزلو لين سمعت الباب خبط مسحت دموعي ومشيت
طق طق طق طق
سلاف: باااهي وانتي بتقلعيه
سلاف😨😨😨
قصي مبتسم :صباح الخير مسلوله
سلاف: عيونها تجمعو دموع
قصي: مش اني جداي قالت هكي

**ياليتك.تستطيع فهمي فهم دموعي والمي**

سلاف تحاول تتماسك :شن تبي
قصي: جداي قتلك تعالي افطري
سلاف: منبيش صحتين
قصي: خير دعوتك ع الصبح
سلاف :شي خيرني
قصي :علاش البكاء
سلاف: شي برا افطر
قصي: براحتك
.....يتبع