**احببتك خارج الوطن**

الحلقة التاسعة والعشرون

لا احلل النشر
**احببتك خارج الوطن**حلقة29
للكاتبه*سونيا ايلين*

قصي: مش ناسي
سلاف :خلاص برا لمرتك وخليني في حالي ومشيت

سلاف... كنت مصدومه من شوفته وقفته قدامي شدته يديا شوقه يلي كان في عيونه بس كان لازم منضعفش لانه خلاني يوم ترجيته يقعد وتوا هو متزوج... صح جرحني جرح وحاولت انداويه بس برجعته رجع فتحه ١٠ بونطو
دخلت حوش جداي طووول للحمام قعدت نغسل في وجهي مرة واتنين وعشره مش مصدقه اني شفته قلت بالك جن😂 مسحت وجهي وطلعت لقيتهم كلهم في الدار جنب جداي قعمزت ومافي حد جاااب سيرته قلت شكلي نتخيل لييين دخل
قصي: السلام
الكل: وعليكم السلام
سالمه: عطلت هدا كله تغير
قصي: لا شفت سلاف بحدى الشياه قلت نعاونها
محضيه: والله من يوم مشيت وهي ديره بالها عليهم
قصي يشوفلها بعيون كلها حب :عارفها متقصرش
سلاف ...كنت حاسه ان حنتفجر ياربي هدا شن جابه كيف بديت نرجع نتنفس هدا رجع فكرني فيه وفي جرحه
سالمه: بنات كان معندكمش قرايه نوضو قشرو البصل وطيبو
كريمه: هيا
نضنا نقشرو البصل وكأني لقيته رحمه باش ينزلو دموعي
سهام :شفتيه
سلاف: علاش روح
كريمه: خيرك عاد والله استاحش
سلاف...
سهام :مفهمتش مرته ماجتش ...قصدي سيفانا
كريمه: اي
سلاف: كان تحبوني غيرو السيرة لين نكمل البصل
كريمه: سامحينا

قصي وناصر في الحوازه
ناصر: وين مرتك شكلك مش عاجبني
قصي طلع دخان وولعه: اااخ شن بنحكي بس
ناصر: شن في
قصي طبس راسه :طلقتها
ناصر: شن هواا
قصي: اسمع ماتقول لي حد خلي تو نقوللهم بس بشويه
ناصر: فهمني كيف وعلاش
قصي: هلبه اسباب تو نقولك بس تعبت بعد شفت سلاف
ناصر...
قصي: مش عارف بس شكلها نستني
ناصر: منعرفش

سلاف.. حطينا العشاء واني ماكانش عندي نيه نتعشى
تسبلت بالقرايه بس جداي حكمت ان نقعد قعمزنا يومها مع بعض ومن حظي قعمز مقابلي كنت حاسه انه يشوفلي بس نكدب في روحي نقول يستحيل هو متزوج واكيد حيحترم زواجه لين قطع تفكيري هاتفي ورنته
ترن ترن
بوي :منو
سلاف: اا رقم غريب
جمعه: مترديش
قصي نفض يديه :هاتي جاي تو نشوفه
سلاف: لا مش ضروري
جمعهة: اعطيه خير مايضايقك
سلاف :هاك
قصي فتح الخط
انور: اهلين انسه سلاف
قصي وقف من مكانه وطلع البرا وقعد ساااكت
انور: سلاف الوووو تسمعي فيا
قصي.. انصدمت كيف كدبت وقالت متعرفاش وصدمتي الاكبر انها تعرفه سكرت الخط في وجهه وعاود.تاني
قصي :سلاف تعالي صاحبتك تبيك
سلاف طلعتله: هات الهاتف
قصي :حولي وفتح الخط وزاد الصوت
انور: الو سلاف
سلاف....😨😨😨 ااااخ انسيت ان عطيت الرقم للدكتور ونسيت انه حيتصل
انور: الووو
سلاف بخوف: الو دكتور
انور: كيف حالك توا
سلاف: اا الحمد لله
قصي عيونه بيطلعو
انور :معليشي عطلت باش اتصلت بس كان عندي دورات
سلاف: لا عادي
قصي خدا الهاتف من يديها وجبدها للمربوعه وسكر الباب
سلاف: افتح الباب هبلت
كان متكيها ع الباب وحاط يديه عليه ووجهه دخااان
سلاف: حول
قصي: من هوا يلي تكلمي فيه
سلاف بعصبيه :مخصكش
قصي شدها من مرفقها :تكلمي خير مانوريك وجه عمرك ماشفتيه
سلاف: دكتوري
قصي :وشن يبي دكتورك
سلاف :حول انت منو باش نشرحلك وكيف بتطلع يشدها من يديها ويردها ليه
قصي: لما نكلمك تحترمي نفسك وتردي
سلاف: محترمه نفسي
قصي :هي كلمه من هو خير مانقول لبوك
سلاف :دكتوري يبيني وبيجي يخطبني ارتحت ودفاته وطلعت
قصي ...نزل كلامها زي السكين في قلبي يعني نستني وتفكر في غيري
سلاف طلعت من بحداه عرقانه مشيت جري الحوش دخلت لداري وقعمزت نفكر في شكله وكيف كنت معاه بروحنا في دار مسكره
سلاف: ياربي خيييرني بس لما نشوفه هكي نضعف يااارب قويني....كنت خايفه ان نتعب تاني خصوصا ان نعرف انه متزوج ومصيره يرجع لمرته
صح نموووت فيه ونعشقه حتى لو متزوج بس كل شي ليه حدود نضت صليت العشاء وقلت خلي نشوف النت دورت هاتفي ملقيتاش تفكرت انه قعد قي يديه في المربوعه معاش عرفت شن اندير قلت خلي نمشي انجيبه منه

سالمه: تعالى اشرب شاهي
قصي: منبيش بنروح
ناصر: خيرك اقعد
قصي :بنرتاح
ناصر :عندك حق
قصي... مشيت للحوش واني قلبي غام اني مروح على امل نرجعها ليا بس شكلي غالط خديت هاتفها كانت حاطه خلفيه** الي نساك انساه **حاولت نفتحه بس كان في رمز جربت كدا مره بس ماقدرتش قلت نجرب تاريخ ميلادي😍وفعلا طلع هو ابتسمت قلت معناها قاعدة تفكر فيا فتحت ع الصور كانو صور ليها وصور لينا مع بعص شفت صورة ليها في عرس من الاول معرفتهاش متغيره بس بعدين عرفتها تبارك الرحمان تجنن فتحت هاتفي وبعتتها قعدت نفتش فيه لين سمعت الباب يخبط سكرته ومشيت نفتح
قصي منو
....يتبع