**احببتك خارج الوطن**

الحلقة السابعه

لا احلل النشر
**احببتك خارج الوطن** حلقة7
للكاتبه* سونيا ايلين*

ناصر :كان نعرف ان هكي الطلعة اهو مطلعتش😭
سهام :حاله يا اخ القايد
قصي: عادي شن فيها😊
ناصر :عندك حق عاد انت محسوب مع السياح😒
قصي؛ ههه
سلاف :عاجبك الوضع😓
قصي طول انتبه كانه يستنى فيها تعلق
سلاف ...قلتها وندمت
قصي :عاجبني وسكتي 😎
سلاف :بنمشي نرقد باي
قصي :اقعدي شويه وتجي سيفانا😁
سلاف :لا صحيت ربي يهنيكم
قصي....منعرفش علاش الميعاد يلي متكونش فيه سلاف فاااضي من قبل نحسها هكي الحق حماقه وبسرعه تحرج... جو عليها

سلاف ...**كم اشتهي اقتلاع حبك من قلبي للأسف جدورك في الاعماق**

ركبت فوق ولقيت امي ونسون عمي فرشو بيرقدو
سالمه :كلمي البنات يركبو
طلعت هاتفي ونتصل بس ميشدش الخط
امي :انزلي بسرعه قوليلهم يركبو
سلاف: به
صبحيه :راك تركبي الاسنسير😄
سلاف: به😑
نزلت ولقيتهم مقعمزين الكل و معاهم سيفانا وكانت جنب قصي
سلاف :وينكم نتصل ميشدش الخط نحسابكم طلعتو
قصي:😂😂😂😂عليك عبط حني في تونس الشفره متخدمش
سلاف ..كنت هبله كيف فاتتني النقطه هادي😟
قصي :والله ياسيفانا كان تبي تضحكي قعمزي مع سلاف ابداااع
طبعا الكل لو في مكاني يتقبل الكلمه بس لاني نحبه متحملتش كونه ديمه هازي عليا
سلاف: هااي دير بالك مش مهرج قدامك ومشيت
قصي :خيرها
كريمه :بسلتها الحق
سهام: خسارتك
ركبت وفي الدروج قعمزت نبكي
كريمه :خلاص باسل
سلاف :قوليله معااش يجي شوري
كريمه :خيرك زي خوك
سلاف:منبيش خووت وركبت
محضيه: سنه باش تجو
سلاف ..
صبحيه ؛اسمعو السهر والطلوع بروحكم لا
سهام :كان بنطلعو معاكم بالباصمه مش لازم نطلعو😭
محضيه :هي ارقدو
طبعا الحجره كانت زوجيه يعني زوز اسره بس
لاكن مع محضيه متخافوش😄
محضيه :جبتلكم سلاتي ارقدو عليهم😊
صبحيه:واني نقول باش معبيه الشنطه😆
محضيه :والله حالي زي عبقور حتى بيله الضي جبتها😋
سالمه :هني ميهربش ماتخافيش
فرشنا الفراشات ورقدنا
طبعا امي ع سرير هي وسهام
محضيه: جنابي يحكو فيا
صبحيه:خيرك
محضيه :اصبري خدت فراش السرير وجت جنبهم نحب نرقد جنب سلفاتي😘
صبحيه: يسلمها
سهام :صوره هي
اني غميت راسي وامي ضحكه من الصميم
سهام: ههه 😂😂😂
محضيه :خيرك
سهام :منظركم فكرني بحكه السردينا كيف مستفات😂

ناصر :خلاص بنرقد
قصي:ارفعني معاك
سيفانا :اقعد خيرك
قصي: تعبان بنرقد بري ارقدي
سيفانا: تمامgood night
ناصر: خيرك
قصي :خيرني
ناصر: جوك مش حلو
قصي: تبي الحق مش عاجبني الحال
ناصر: كيف
قصي يوخر في شعره: فوت الموضوع

حاولت نرقد بس مجانيش نوم نفكر في راسي نقول زعما قاعدين يهدرزو مع بعض يارب ع قد منقول حزينه صعب تفهمو
قصي :هدا شن
ناصر :غير شوف عمك جمعه كيف لاصق في الحيط😃
قصي: مسكين متعود يرقد ع حاشية السرير😎
ناصر :فرايداي😄😄😄 خود راحتك محضيه مش بحداك
فرج: سكر فمك وتمرقدو ورانا سفر غدوه
ناصر: بهمس ربي يجيرنا من الحمامات متاع تونس
قصي: وين بنرقدو
ناصر :كانك عليا حتى ع الستاك نرقد
قصي...خديت شنطي درتها مخده وتمديت ع الزليز جربت نرقد بس مقدرتش
قصي: ناصر شن الحل تعالى نحجزو غرفه وخلاص
قصي: ناصر ناصر
ناصر: خااا خش خاا خش
قصي: احسن حاجه نمشي نحجز

عند جداي...
اسماعيل : متبيش ترقدي بحدى كناينك😓
جداي :لا فكني منهم هرجتهم هلبه
اسماعيل: يام راهو سامانتا لما ترقد تلبس خفيف مش تقولي معنديش علم😒
جداي :اخف من يلي لبساته بكري عطك حمه وقبر فاااتح فمه متغارش ع مرتك عريانه قدام خوتك لابسه قصير😠
اسماعيل: امي هااادي حريه
جداي: السرير من الاخير كبير وواسع😊
اساعيل:😨😨😨امي فرشتلك لوطه
جداي: خزي عليك ترقد امك ع الوطا يلي متتحشمش خديت زوز اسره وانت لاصق فيها زي البوبريس😡
سامانتا: سامويل هدا مش حل
اسماعيل: تحملي الليله هدي بس
جداي: ممدوده ع السرير
جداي: ايييي هدا سرير مش زي اللوحه يلي واخدينهالي خوتك عطهم مسواك
اسماعيل: ارقدي يام😒

قعدت نتململ ع الفراش نبي نرقد بس الغيره مدايره واجبها قلت خلااااص تو ننزل انشوفهم خديت عبايتي ووشاحي وكيف فتحت الباب لقيته قدامي

قصي... نزلت بنحجز غرفه لقيتهم مشغولات لو كنت نعرف اهو حجزت من الاول واني راجع لقيت سلاف طالعه
قصي: وين ماشيه
سلاف :اا نبي الحمام
قصي :عليك حاله الحمام في الدار مشفتيشي بكري
سلاف: اااشفته بس مشغول نبي حمام تاني
قصي: تعالي لحمامنا
سلاف :انت وين كنت
قصي :علاس القصقصه
سلاف: لا شي
قصي: كنت نهدرز مع سيفانا ع البحر
سلاف: 😟😟😟
قصي: كنت نحجز في غرفه
سلاف: علااش
قصي: راقد ع الستاك
سلاف :اهو في سلته زايده تو نعطيهالك
قصي :من وين
سلاف: امي جابتهم في الحاويه
قصي: واني نقول العكاري باش متقله المهم ريحه العتوت مش فيها
سلاف: ههه باسل تبيها
قصي: جيبي نعسان
دخلت طووول جبتها تفكرت انها كانت في العكاري ومرات فيها ريحه رغم ان مافيها شي طلعت عطري المفضل وبخيتها بيييه
قصي :صحيتي
سلاف ببسمه: نوم العوافي
قصي: ببسمه انخمدي
دخلت وسكرت الباب رغم انه قلي انخمدي وهي مش موجوده في قاموس الرومانسيه بس اعتبرتها حلوه
دخلت توضيت وصليت القيام وبنرقد طبعا ع الستاك
سهام: ان شاء الله يتمر فيه
سلاف: شن هو
سهام :عطيتيه فراشك وانتي ترقدي ع الزليز هدا ليه معنى واحد بس
سلاف: ااا
سهام بهمس :اتحبيييه
سلاف عيونها دمعوع: لا
سهام: تعالي تو نساوي فراشي بالغرض ونرقدو مع بعض
سلاف ببسمه :ارقدي اني بنرقد ع الزليز نو
قبلت للحيط وغمضت عيوني ونزلت دمعتي

**اي حب داك الدي جعلني دليله لك وانت بي قلبي غير مبالي**.....يتبع