**احببتك خارج الوطن**

الحلقة الواحد والعشرون

لا احلل النشر
**احببتك خارج الوطن**حلقة 21
للكاتبه *سونيا ايلين*

قبل ساعه ....
قصي... سكرت الخط واني خلاص مش عارف شن اندير البنت ساكنه قلبي وهي قلبها ساكنه غيري اني وجعني حالها وهي حالها موجوع على غيري واني متزوج
قعدت مقعمز في مكاني بس بعدين قررت ان نمشيلها صح اني متزوج وهي لغيري بس اني نسمع لقلبي وقلبي يبي يطمن عليها دخلت دوشت وخديت حوايجي طبعا مدامتي راقده وحاطه ع اغاني ولا على بالها...

محضي:ه انحس روحي مدقدقه
صبحيه: تعب العرس
سالمه: كلمتي سلاف
محضيه: لا شويه وينوض ناصر ونمشيلها
صبحيه :ويرفعك جمعه
محضيه: فكيني منه تقول يسوق في فكرونه

طق طق...
سلاف بهدوء: تفضل
قصي :صباح الخير
سلاف... كنت متكيه ونفكر فيه متوقعتش للحظه اني نشوفه بكل لما دخل حسيت كانه حلم لدرجه مقدرتش نتحرك
قصي خدا الكرسي وقعمز جنبها
اول مره نشوفها هكي عيونها وخشمها تقولي دم ومنفخات مركزتش ع شعرها المفتوح او البدي يلي لابساته كل يلي مركز عليه قلبي المضايق عليها
قصي: حمد لله ع سلامتك
سلاف ماسكه دمعتها: تس تسلم
قصي مبتسم بحزن: كلمني ناصر قلي انك هني مقدرتش نقعد ومنجيكش

سلاف.. حاسه النفس زااايد وقلبي بيطلع من صدري حاسه اني رح نتفجر لحظتها قررت ان نقوله كل شي بالك نرتاااح
سلاف: تسلم ومسحت دمعتها
قصي قرب منها :خيرك يا بنت عمي
سلاف :مبارك عليك
قصي: باين عليك حظرتي عرسي
سلاف :مش مهم المهم يلي في القلب
قصي: شن فيه القلب باش متعبك هكي باش مدايرلك انهيار
سلاف....
قصي.. كنت نبي نمسك يديها ونقوللها ع كل شي في داخلي تمنيت لو نمسك يديها
سلاف: علاش جاي ومخلي مرتك
قصي طبس راسه ورجع قامه وشافلها في عيونها انتي: يلي جبتبني
سلاف: مش للدرجه هادي اني مجرد وشواسه وتل ومسلولة مجرد اضحوكه
قصي: قلبك معبي عليا
سلاف تمسح في دموعها :تو يفضى
قصي: وقلبي اني شن بيفضيه وهو كيف تعبى
سلاف ...حسيت في حاجه غلط كإنه مش قصي ولد عمي الجسم جسمه بس الروح مش ليه
قصي خدى يديها وحطها: بين يديه
سلاف... حسبت جسمي شوووك اول مرة حد يشدلي يديا قبل سلامه بس يدوخني توا شادلي يديا واني مش مستوعبه شييي
قصي شاد يديها: قبل كنت اناشب فيك هلبه ونعكرلك في جوك بس وحق الله لما تغيبي نحس روحي ترا كيف.. نحس المجمع يلي انتي مش فيه فااااضي قبل مكنتش فاهم شنو بس توا فهمته
قصي ...كنت نتكلم ونحس فلبي نار مع كل كلمه تطلع مني حسيت روحي بنبكي وعيوني دموع لاول مره نضعف بس مش هامني مادام بنفرغ قلبي وضعفي قدامها وليها وع خاطرها
سلاف صايرلها ستك
قصي دمعته نزلت وضاغط ع يديها: سلاف اني نحبك
سلاف.... مصدوومه
قصي: اسسس متقولي شي عارفك تحبي غيري وهو موصلك للحاله هادي بس والله انحبك قبل مفهمتش وضعي بس لما خسرتك فهمت فهمت ان حياتي لاشي بلاك اني منبيش انلخبطلك حياتك بس متعودتش اندس حاجه في قلبي وانتي ياسلاف قلبي
سلاف دموعها وراء بعض وساااكته
قصي :انحب وجهك وعيونك انحب حشمتك وخجلك انحب عصبيتك وهدوءك انحب عباياتك وحط يديه ع خدها ومسح دمعتها انحب دمعتك يلي نازله ع غيري
اني ماشي وعارف ان حياتي وقفت بس حبيت انقولك

سلاف... حسيت موووس انغرس في صدري ذرة فرحه بحبه يلي تخيلته سنين و وكدس حزن وقلب مقبوض لانه لغيري حتى لو كان قلبه معاي
قصي: قولي حاجه به
سلاف :تبكي شن تبي نقول
قصي: اي شي
سلاف :اطلع معاش نبي نشوفك
قصي: علاش
سلاف: انت اغبى بني ادم شفته قصدك الوقت هدا كله تحسابني نحب في واحد
قصي :مفهمتش
سلاف: انت ضيعتني وضيعت رووحك ياقصي
قصي: شنو
سلاف انهارت وقعمزت ع السرير :ياغبي اني انحبك انت اني منشوف في حد غييييرك
قصي مصدوووم
سلاف: علاش بس ياااريتك مشيت ومقتلي شييي
قصي: اااس فهميييمي قصدك انتي متحبيش واحد تاني
سلاف: من وين جبتها الفكرة الغبيه بس
قصي: لاحول ولا قوة الت بالله
سلاف تمسح في دموعها
قصي: باهي شن الحل
سلاف: حل شموووو انت متزوججج امس عرسك توا مفروض جنب مرتك
قصي قرب منها :والله مانحبها
سلاف وقفت من السرير وحكم بالسيييف
قصي: وين ماشيه
سلاف دايخه :اطلع بالله اطلللع
قصي سكر الباب :وشد يديها انييي انحبك فاهمتني
سلاف: اسسس انت متحبنيش انت تتوهم هكي انت طالع لامريكا مع بنت عمي فاهم انت متزوج معاش تزيد توجعني
قصي يوخر في شعره ودموعه ينزلو :باهي تكلمتي من قبل لمحتي تي اني نجسابك مع غيري
سلاف: نلمح شنوووو انت دييبمه هازي عليا شن تبيني نلمح
قصي شد يديها :به اني قاعد هني معاك انطلقها وناخدك
سلاف: فاش تقول مستحيل لو تقعد اخر واحد مسنحيييل
قصي :شن يعني
سلاف: يعني حنييي مش لبعض لو لبعص اهو تزوجنا بس الاعتراض من الله انت شفت نصيبك واني تو نحصل نصيبي
قصي: سلاف واعيه لروحك
سلاف: ايي ولو سمجت برا لمرتك اطلللع

تأخرت حبيبي في فهم مشاعرك نحوي تأخرت في معرفه مكانتي في قلبك تأخرت وتأخرك اوقف حيااااتي.....يتبع