**احببتك خارج الوطن**

الحلقة الخامسة والثلاثون

لا احلل النشر
**احببتك.خارج الوطن**حلقة 35
للكاتبه*سونيا ايلين*

قصي: نبي سلاف بنت عمي جمعة
سالم وسالمه😨😨😨😨
قصي: نبيها وغلطت لما سمعت كلام جداي وتزوجت سيفانا
سالم: لاااا.. انت هكي ناوي تجلطني كيف تبيني نخطبلك بنت خوي وانت طلقت بنت خوي التاني
قصي :عادي مش اول واحد
سالم: انت اكيد هبلت اصلا عمك مش حيوافق تي حتى سلاف يستحيل ترضى بالهبال هدا
قصي: عمي جمعه خليه عليا هو سلاف
سالم قعمز ع الكرسي: على اخر عمري تبي نعادي خوتي
قصي: يا بوي سيفانا ماغلطش فيها وطلاق بالتراضي
سالم :اسمع برا من قدامي منبيش انشووووفك

قصي....طلعت من بحداه وطووول للسياره مقدرتش نشوف لحوش جداي واني عارف ان في قلب مكسر وراي وقتها حسيت ان مشكلتي مشكله ويا اما نقول سبب طلاقي يااما نتبهدل.. فرضيت نستر على طليقتي ونحاول مرة واتنين وعشره

سلاف ...كنت ندعي في قلبي ان تنحل المشكله بينه وبين عمي لان ميهونش عليا يتبهدل بكل قعدت نلهي في نفسي لين سمعت سيارته ولعت وزي العاده حرق العجل وراه
صبحيه: ان شاء الله خير
محضيه :والله ماريت خير سالم طلع زي الثور
جداي :كريمه بري نادي امك
سهام :اهي جت

كان قلبي يدق مش عارفه شن حكالهم بس دخلت تبكي بعبرتها اول مرة نشوفها تبكي هكي
جداي: شن صار
سالمه :لزه من الحوش
صبحيه: لا حول الله
محضيه :تو يرده حتى هو مريض يلز ولده
سالمه :لا شكلها كبرت
جداي :شن في ان شاء الله خير
سالمه :يبي يتزوج
الكل😨😨😨

سلاف ...لما قالت الكلمه هادي قلبي قعد يدق بقوة لدرجه نحس في الكل يسمعو فيه معاش عرفت شن اندير معرفتش بكل مقليش ان بيقوللهم حسيت كأنه بيغمى عليا
محضيه :تضحك باهي معناه انديرو ٣ عراس
جداي ؛شن هو
محضيه :ناصر وقصي وسلاف
سلاف😨😨😨😨😨😨😨😨😨😨😨😨😨😨😨😨😨😨😨😨😨😨😨😨😨😨😨
سالمه :كيف مفهمتش
محضيه: كلمتني الهاديه بنت عمي تبيها لولدها المندر
جداي :هدا المطلق
محضيه :اي لكن ماشاء الله عليه فلوس يخدم ع الطانطات باني فيله وديمه البرا
سلاف :مصدومه
سالمه :وسألتي البنت
محضيه: موافقه شن يعني

سلاف ...كنت واقفه مصدومه لاقادرة نتحرك ولا نتكلم ولا نبكي امي ماجابتليش سيرة الموضوع بكل لحظتها معرفتش شن زحمه المصايب يلي نزله على راسي توا كيف بنتصرف بنوقف مع قصي والا بنوقف مع روحي
انسحبت ومشيت لداري وكالعادة اطربقت من البكاءحسيت علاقتي بيه ربي معارضها
من الاول هو تزوج وطلق واهله زروه ومش عارفه لو اهله عرفو منو يبي يتزوج وتوا العريس يلي جابتهولي امي واااك زحمه افكار في راسي وقطع تفكري
ترن ترن
مسحت دموعي يلي سببو جفاف لخدي واستجمعت قوتي وكلمته
قصي مدرس قدام الجرف والبحر هايج :الو كيفك
سلاف :الحمد لله وانت
قصي: الحمد لله اسمعي حبيبي منبيكش تزعلي بنقعد الايام هادي عند صاحبي لين يهدى الوضع ونرجع
سلاف: قصي انت قلت لاهلك انك تبي تتزوج
قصي....اي قلتلهم
سلاف حطت يديها ع خدها: متقولش قلتلهم عليا
قصي: لا ع بنت الجيران اكيد عليك
سلاف: علاش
قصي: اني مانلعبش كبير ونعرف مصلحتي
سلاف: وعمي شن قال
قصي: فوتي الموضوع تو يهدا ويوافق
سلاف: ياحليلي توا شن بيقول عليا اكيد يحسابوني خديتك من مرتك
قصي ابتسم: هي خدتني منك اني من الاول مفروض ليك بس شن بندير غبي
سلاف: يارب شن المصايب يلي تنزل ع راسي
قصي :شن في

سلاف... كنت بتقوله ع العريس يلي جابتهولي امي بس مقدرتش قلت مانبيش نزيد عليه نحاول نحل الموضوع بروحي
قصي :المهم انتي تحبيني
سلاف: المهم انت تحبني
قصي :شن رايك قايمه عليك حرب الداعس والغبراء وتتكلمي
سلاف: بحزن ربي يستر
قصي :خلاص ارتاحي وغدوة تو نتلاقو

سكرت من عنده واني مخنوووقه قعدت نفكر زعما عمي كيف بيشوفلي توا لين نسمع في الباب تفتح

سلاف :امي شن هو الكلام يلي قلتيه
محضيه: قلت هلبه كلام 😂
سلاف: متاع العريس
محضيه: اي والله زعرتي في شلامتك ولد كويس وعاجباته هلبه
سلاف :منبيشي
محضيه: اا مانا منو تبي ليك شهرين في الكليه ماجبتي حد نوعيتك انتي بتعنزي خلي اني نجيبلك راجل
سلاف: امي اكيد ابصري
محضيه: لا اني الولد عاجبني وقلت لبوك وسكت
سلاف :يااااام مطلق خيرك
محضيه :وشن فيها يلاااا خلاص هي كلمه وقلتها

دخلت لداري تفجرت من البكاء كيف امي قدرت تعطيني بلا شورى حسيت اني مخنوقه لبست وشاحي ومشيت لحوش عمي فرج عند سهام

سهام ؛به توا شن بديري
سلاف :مش عارفه حاسه اني مخنوقه
سهام: امك راسها حيط
سلاف: واني حيط اكتر
سهام: اس انتي ارنب... قولي لي قصي
سلاف :لا منبيشي يتعب اكتر ساده يلي هو فيه
سهام: اااخ ياهكي قصص الحب يالا😍😍😍
سلاف: شن عجبك في قصتنا
سهام :مسكرة من جميع الاماكن😂
سلاف :😢
سهام: متزعليش قصي رايه زي الجدي مش ح يخليك
سلاف: به كلمي كريمه خلي تحي تكسد
سهام :به

قصي :كيف حاله بوي توا
سهام :كويس اسأل ع امي تبكي من بكري
قصي: تو ربي يفرجها
كريمه :حتى سلاف مش ناقصه زاد الموضوع هدا على همها
قصي :موضوع شنو
كريمه :موضوع مندر نحسابها قالتلك
قصي :😨😨😨.....يتبع