**احببتك خارج الوطن**

الحلقة التاسعة عشر

لا احلل النشر
**احببتك خارج الوطن** حلقة 19
للكاتبة *سونيا ايلين*

سلاف ..اااخر حاجه توقعتها ان قصي يجي لحظتها خطر عبالي انه جاء لان كريمه قالتله اني انحبه مسحت دموعي بكفوفي وفتحت الباب
قصي: سنه
سلاف: ياالله تبارك الرحمان كان لابس توكسيدو طالع فيهاخيال كان محلق شعره ولحيته خفيفه وعطره يجنن توترت لما شفته
قصي... كنت قبل نموت ونحمقها نحب انكت عليها الميعاد يلي مافيشي سلاف شيين بكل لما سافرنا لي تونس شفت في بنت عمي حاجات ماشفتهمش قبل شفت اخلاقها العاليه قبل جمالها وجمالها الطاغي صح سيفانا حلوة وبنات تونس حلوات بس زين سلاف غير زين مخلط ادب وحشمه زين مخلط جمال جسم وروح سبحان الله 19 سنه قدامي بس ماشفتش زينها الا لما قارنتها بالحلوات وطلعت لا تقارن من الاخير يابنت عمي**احببتك خارج الوطن**
سألت روحي علاش نحب اناشبها هي بالدات علاش نحب ميعادها علاش نعلق ع كلامها بس عرفت الاجابه موخر عرفتها بعد قلبها تعلق بغيري بعد شفتها كيف تحب وتعشق... تمنيت لو الحب يلي في قلبها ليا تمنيت لو نملك الجرأه ونقوللها نبيك مرتي وشريكتي في كل شي نبيك ام صغاري ونكون فخور لو تقبلي بيا بس للاسف تأخرت في طق الباب لان غيري دخل قلبها وسكر الباب وراه
سلاف ماسكه دمعتها: شنو قصي
قصي يشوف لهاتفه ويتهرب منها: نبي المفتاح
سلاف صارلها انهيار في قلبها: مفتااااح
قصي شافلها في عينها: مفتاح الحوش نسيت جوازي زي ماتعرفي بنسافر
سلاف: به
سلاف... دخلت لدار امي واني قلبي داقاته في المليون نفكر نركع تحت رجليه ونقوله ميخلينيش نقول اني نموت في تراب رجليه قلبي خلااص... هدا مش بيتزوج بس هدا ح يغيب ع عيوني
سلاف: اهوا
قصي: شكرا وسامحيني يابنت عمي
سلاف: انهااارت بكاء
قصي: سامحيني بالله كان زعلتك في يوم سامحيني كان بصرت معاك ببراده بس والله مكانتك في قلبي خاصه💓💖💗💟💕
سلاف نزلت قعمزت ع الوطاء وحاطه يديها ع وجها تبكي بالعبره
قصي نزللها ركبه ونص :سامحيني اني مسافر وبنبدا حياة جديده وحتى انتي ربي يعطيك ع قياس نيتك انتي طيبه ويتمناك مليون راجل
سلاف بالعبره: منبيش من المليون الا واحد بس
قصي لما قالت كلمتها هادي ركبت فيا النار معقوله للدرجه هادي تحبه لدرجه متحضرش عرسي لانها زعلانه منه
قصي وقف :سلام
سلاف.. امشى من قدامي واني كان نلقى نعيط انقوله اقعد متمشيش راني نتعب مع تراب رجليك بس خجلي وخوفي اقوى مني شفته دخل للحوش وبعدين طلع وطلعت روحي معاه

صبحية: واك متعبتش من الرقيص
محضيه :هيكل عضمي معندكش مشكله-😂
صبحيه :جعت
محضيه: تو نروحو نديرو بكبوكي يجنن
جداي: احسبوني معاكم
محضيه تتسهوك :معجبكش عشاءكنتك
جداي 😒

المنشطة:لو سمحتو البسو وشاحاتكم العريس بيدخل
سالمه: قصي وصل
سيفانا كانت ترقص مشت قعمزت ونزلت الطرحه

ناصر: ربي يهنيك
قصي في عينه دمعه :مش فارقه
ناصر: خيرك
قصي دمعته خاناته قهرتني: بجد
ناصر باستغراب: خيرك
قصي: سلاف محضرتش عرسي ع خاطر زعلانه ع حبيبها
ناصر :حبيب شنو
قصي :تحب واحد
ناصر: وبه عرفته
قصي مسح دمعته: لا بس قهرتني بجد
ناصر: علاش
قصي: شي
ناصر سلم عليه: انت يلي قهرتها
قصي: شنو
ناصر: شي يا ولد عمي

طلي بالابيض طلي ...
محظيه: وشن صار لو حطو اسماء الله الحسنى خير من طقه المسيح
صبحيه :شن بديري
محضيه: نقص يديا الزوز الا قاعدة مسيحيه

قصي: قام الطرحه مبروك
سيفانا: thanks. .kiss me
قصي: مش قدام.الناس
سالمه: بري صوري خوك
كريمه: تبكي به
قصي....كان كل شي منظم في العرس الا قلبي وحياتي حسيت لحظتها اني غلطت مش هكي كنت نبي كنت نبي مرا نرعش عليها ندخل للصاله وقلبي يدق نقيم الطرحه واني مشتاق لشفايفها نستنى امتى تولي في حوشي في داري ع سريري وفي حضني بس حاليا اني ميت
طلعنا من الصاله وسلمت ع الكل وطول للاوتيل

سلاف... كنت متكيه واني حاسه ان معاش عندي حيييل بكل لين سمعت صوت تبيب انهرت من البكاء تاني وققت في الروشن باش نشوف محسيتش بروحي الا واني طايحه

سيفانا:finally
قصي :استني وحط يديه ع راسها ودعا دعاء الدخول
سيفانا: شن قلت
قصي: نموت ونعرف عمي شن علمك بس
سيفانا:what
قصي: ادخلي

محضيه :واخيرا الحريه
جداي زمزم: طيب فيك نحيتي القفطان وانتي تقول عصبانه
صبحيه: ههه
سالمه: احسن حاجه ان العرس في الصاله تروحي تلقي الحوش نضيف
جداي: عنا بوك ماهو درتي حاجه في حوشك 😒
محضيه: بالله عمتي هو شن هو حوشها دارين ولايدة والمربوعة زايدة😄
جداي زمزم: وخيتي وليدك وين ماشفتاش بكل
جداي تستغبى: منه
محضيه: سامويل ياعمتي😎
جداي: اهو شويه ويجي
محضيه: يجي شنو بس ..قالك يا خالتي زمزم حاجز جناح الليله زي جناح العريس بيدير زي العريس بالضبط
سالمه: تحشمي
جداي: سك فمك وانتي زي الشوكه في حلقي....

**هكدا هي السعاده نبنيها بايدي من ذهب نحاول تلميع كل زاوية فيها ثم يأتي مالم يكن في الحسبان ليجعل سعادتي تعاسه ومن كل زاويه....النهايه😁