**احببتك خارج الوطن**

الحلقة الثامنه

لا احلل النشر
**احببتك خارج الوطن** حلقة8
للكاتبه *سونيا ايلين*

نضنا الصبح والكل كان نشيط ومستعد للحمامات
غيرنا ونزلنا فطرنا
طبعا الكبار مع بعض وحني مع بعض
قصي; شن تبو
كريمه: جيب كريب للكل
وصو ع كريب
سلاف ...كنت جعااانه مووووت وقريب ندوخ وريحة الكريب تجنن
سلاف: ااخ منظره حلو وريحته تسهفففف😍
قصي ياكل: اي صح تعويض ع ريحه امس
سلاف...ركزت طول في كلمته
قصي :الفراش تقولي راقد عليه عتوت ريحته حاله
سلاف....كنت مطبسه وشاده دموعي بالسيف
ناصر :منين جبته
قصي: عطتهولي سلاف... لاه عليك بس
سلاف :الحمد لله
سهام :خيرك مفطرتيش
سلاف تحبس في دمعتها: لا مخاطريش

نضت مشيت جري للدار وبكييييت بكيت بكيت متقصد يهيني قدامهم اني عطيتهوله ورقدت ع الزليز وع قلبي زي العسل مشيت طلعت عطري وشميته قلت بالك مش حلو والله ريحته تجنن بس شن بندير وقتها خلاااص قررت انطلعه من قلبي وان شاء الله نقدر

اليوم يلي قبله في الليل....
قصي ...دخلت للدار فرشت الفراش وغيرت وحطيت راسي...ياالله ريحته تجنن عرفت انها دارتله عطر عطرها فضيييع كنت كل ماننقلب عليه ريحته تجي لي خشمي ونبتسم

عند قصي...
كريمه :معاش تكلمها بكل
قصي: خيرها موليه حساسه
ناصر: علاش الجو توا والله راقد جنبك وماشميت شي
قصي: والله نبصر خيركم
كريمه: خلي نمشي نشوفها وناضت
ناصر :بسرعه بنطلعو وناض
قصي :بكل بنت عمك موليه
سهام:والله زودتها معاها الفراش عطتهولك ورقدت ع الزليز وع قلبها زي العسل
قصي: والله نبصر معاها
سهام :انت واني نعرفو ان عطرها تم في الفراش كنت تقدر تقلها يسلمك بدل المسح هدا
قصي :باهي خلاص هي كان بتمشي
كريمه :سلاااف اطلعي هيا
سلاف: به ها
كريمه :خيرك تبكي
سلاف :لا نبي نلبس باش نمشو
غيرنا وطلعنا وطبعا لبست عبايه
نزلت لوطه لقيتهم الكل وطبعا خطيبة حبيبي لابسه قفطان مش ساتر شي
دورت ع قصي بس مكانش موجود شويه وجا
اااخ لابس بدي اسود وسروال بيج يجنن كل منشوفله انزيد انحبه😓
قصي: هيا
طلعنا الكل وطبعا نفس التقسيمه قعدنا نستنو في عمي البرا
ناصر: خيرك
سلاف :شي
ناصر :جوك مش عاجبني
سلاف عيونها دموع :مريضه بس
قصي: نوووو حاله
سيفانا :اي بس عادي
قصي: زعما سلاف شن بدير بلا تكيف سهام بري ناديها
سهام: برا بروحك
قصي: ههه بارده

سلاف....كنت مغمضه عيوني لين سمعت
قصي :راقده يا بايره
سلاف لا تعليق
قصي:وشواشه انزلي هيا
سلاف...يا ناس حتى يبي يراضيني يهيني
سلاف: برا قصي
قصي :لاهي انزلي
سلاف: منبيش
قصي :تي فكينا السياره تطبخ ونو والجدي ريحته عالقه
سلاف....بالله بننزل لي وين انت حتى كرسيا اعطيته لي المحروسه
ناصر: انزلي خلاص
نزلت ومشيت معاه
سهام :الله توا الجو حلو
سيفانا: تبيه الكرسي
سلاف: لا
ركبنا وطلعنا طووول

محضيه :زعما كيف شكلها هالحمامات
فرج: يارب صبرني منطقه في تونس اسمها هكي
صبحيه:يقولو فيها بحر حلو
محضيه :ايح مفيش احلى من بحر بلادنا
سالمه: شفتو سامانتا اجنبيه وجايه من غادي تعرف وين بتمشي
جمعه :سياح
محضيه: حتى حني سياح😒

عندي اني..
كنت مقمزه وراه اول مرةمنكونش جنبه درت روحي عاادي ومش معدله عليه اااخ كنت نشوف لي سيفانا كيف جنبه وشعرها يطير فيه الريح اااخ نتحسر على عمري

اتعلم مادا اريد الان اريد ان يتم القائي في اي مكان لاني صرت قنبله موقوته تريد الانفجار
*درتك عزيز ودرت عليك كبيده*
*كنت النظر كنت كل شي نريده*
*عندي قلب مجروح مالقيت دوا يفيده*
*يبغى عديل الروحي يبغى سيده*

قصي ...كانت مقعمزه وراي حسيت بسلتها معاها قلت اناشبها شفت من المرايا لقيتها رااقده
قعدت مرة مرة نشوفهاوالله معاااش فهمت حاااجه
قصي ؛وشواشه راقده😁
كريمه: فوتها
قصي :نوضوها البايرة
سهام: امس مارقدتش

وصلنا للحمامات وخدينا اوتيل وعمي دفع بس زاد 5 ديار ههه وحده لي جداي😅
اسماعيل :خودو المفاتيح

خدينا المفاتيح وركبنا ارتحنا الحق طريق طويله
وفي الليل
كريمه :هيا عاد كان بتنزلي
سلاف ع السرير :منبيش مريضه
كريمه: براحتك ونزلت
سهام تساوي ع المرايا :اقعدي ديريله قدر وهو فايتك
سلاف: فاش تخرفي
سهام :ريحي روحك وقوليله انك تحبيه
سلاف: انتي هبلتي
سهام :بهي انحبسي

***ان يكون حبي لك واضح على وجهي الكل يستطيع رؤيته الا انت... هدا مؤلم***....يتبع