**احببتك خارج الوطن**

الحلقه العاشره

لا احلل النشر
**احببتك خارج الوطن**حلقة 10
للكاتبة *سونيا ايلين*

نضت مسحت دموعي وغسلت وجهي وقلبي شن بيغسله
سهام :هي انزلي
سلاف اتكت ع السرير: لا بنرقد
سهام :معاش تبكي
سلاف: لاااا خلاض راسي وعيوني وجعوني نبي نرقد بس
طلعت وخلتني... غصب عني نزلو دموعي ورقدت

قصي... مشيت للدار غيرت واتكيت قعدت نتفكر في كلامها والف فكره في راسي معقوووله الفرخه دارت قلبي وكبرت وتحب ..لا وفوقها مش حاسس بيها
غمضت عيوني وبنرقد بس الف فكره تجي في راسي

الصبح...
محضيه :نوضي سلاف ياسرك نوم
سلاف: امي فكيني
سالمه: نوضي ينيتي لاادهورتي لا شي
سلاف: به
محضيه: عليك ربايه تسمع كلام مرت عمها وكلامي لا

نضنا غيرنا ونزلنا للفطور وزي العاده الكبار مع بعض والصغار مع بعض

مشينا لطاولتنا وكان قصي وسيفانا جنب بعض
حسيت قلبي بيطلع من صدري
سهام :سلاف قعمزي هني
سلاف: لا فكيني نبيش
سهام: هيا بلا جو نبي نقابل البحر
نضت قعمزت في مكانها وكنت مقابله قصي طلبو فطور والكل يفطر الا اني
ناصر :كولي خيرك
سلاف: به
كنت متحشمه منه ومتعقده بعدين قلت ع اساس هو معبرني

قصي.. كنت مقعمز وسلاف قدامي ونشوفلها اول مره انركز فيها بجد رغم ان بنت عمي بس اول مره انركز فيها كأنثى بعد كلامها امس عن الحب قعدت مركز عيونها فمها بشرتها صمتها وخجلها كله حلو

سلاف... كنت ناكل ونشوفله يشوفلي تبو الحق تعقدت
استجمعت قوتي وقلت لازم ننساه ونكون بنت عم وبس
سلاف: هااي في حاجه
قصي :لا
سلاف: تمام وكملت كليت
سهام :هيا عاد مش بنمشو للشط
ناصر :هيا عيله
طلعنا للشط خدينا طاولات وكراسي وقعمزنا
جداي: يابنوت هدا شنو
محضيه: شكله يوم القيامه وماقللنا حد الناس كلها عريانه😂😂
جداي: لاه عليكم ع اخر عمري جبتوني للحرام
سالم مطبس راسه: استغفر الله والله مش حال هدا
فرج: بيركبونا دنب
جمعه عيونه بيطلعو:😍😍 ايح شن دخلنا (لكم دينكم وليا ديني)
محضيه: به نزل عيونك عطك مسمار ينقب عيونك تعرف الايه هدي بس متعرفش( *واغضض بصرك*)
جمعه: وااك منك 😣

كنا حني مقعمزين مع بعض واني مسلوخة وجهي احمر قصدي جنس حواء لابس بيكني وناصر وقصي زعمني مش مدورين
سهام :شوفي هديكا
كريمه: تقولي فقمه بحر لابسه بيكيني😂
سلاف :واااك
سهام :خليك عاديه
سلاف :عاديه اني
سهام :وجهك احمر دم

قعدنا هكي مشوار متحشمين لين قطع حشمتنا اسماعيل وعيلته😄
جداي :😲😲هداااا شن متقولوش هدي كنتي
محضيه: اي يااااكبدي
جداي: ومتقوليش هدكا الهيدوووق ولدي
محضيه: اييييه هداك سامويل😂
جداي: عطه داء وحمه سوداء مايلقالها دواء خيره معاش تحشم هكي عيلته طالعه عريانه
ناصر :هدي الحريه
قصي كان متبص راسه ويلعب بالرمله وعااادي
جداي :نوض استر خطيبتك بدل ما قاعد تقلب في عيونك
قصي :تكلمي فيا
جداي: لا في غولتك
قصي :كان بوها مسترهاش بنوض اني نسترها
سالم :ربي يهديه وخلاص
سامانتا :هاي شنو مش عايمين
جداي :ومزال بتعومي😨
اسماعيل: نوضي يام دواء البحر
جداي: وليدي انت تبي دواء 😓
مشو طبعا للشط وبيعومو
ناصر :ههه عمي مولي جورج كلوني
ش
سلاف... خلاص طفح الكيل معاااش فيها قلبي الصغير لا يتحمل ياناس لابسه ملابس داخليه ولاصقه فيه
سيفانا :قصي ديرلي سن بلوك
قصي :😨
سيفانا بدلع :سن بلوووك
جداي: وليدي ارميها بالبلكه خيرك
سهام :جداي بلكة شنو هدي تبي من يدلكها بكريم
محضيه :هاتي نمسدها بمسواك لين تقول ياربي ياسر
سلاف ...معاش عرفت شن اندير خلاص تحشمت وغرت واطربقت وكل شي صارلي قلت خلي انوض
محضيه: وين ماشيه
سلاف: بنرجع لداري
قصي... معرفتش علاش لما قالت انها بتمشي لدارها قلبي انقبض
قصي :خودي كريمه ادهنيلها انتي اني بنطلب ايس كريم قعمزي سلاف بردي
سلاف: منبيش ...في خاطري نارك والعة شن بيطفيها
سالمه :قعمزي بنيتي
قعمزت واني قريب نطربق خلاص كان نلقى نعيط ونقوله انحبك ومنقدرش بلاك عمري متخايلته يتزوج
او يحب طول عمري راسماته ليا وبس

*اتدري ان عمري انخلق ليك من بدري*
*تراني بهواك مجروح وقلبي خلاص طلع من صدري*
*احبك نعم وكتمتها وضعفي هو عذري*

محضيه :شن سالمه ندخلو نعومو
سالمه: فكيني تعرفيني منعرفش
محضيه: شنو صبوحه
صبحيه: باهي هيا
محضيه :جمعه نبي عوامه😊
جمعه: انتي عومي قبل بروحك باش تعومي عوامه معاك😅
محضيه :😠جمعه نووووض

ناضت امي وعمتي صبحيه يعومووحني قعدنا نستنو في الايس كريم
قصي تفضلو وحطه ع السفرة وخدا طرف ومده لي سيفانا في يديها
سيفانا: thsnks
سلاف.. كنت ناكل فيه ع قد ماهو بارد ع قد مااعصابي شايطه فيها النار
سهام شكلنا بنولعو الشواء بكري😒
كريمه :علاش
سهام :نشم في ريحة دخان طالعه جنبي (قصدها ع سلاف)
سيفانا :بيبي نبي ندخل للبحر
قصي: زمري😒😒
ناصر ندخل معاها
سلاف...
قصي :نوضي هيا
طبعا سيفانا كانت لابسه بيكيني بودري وقصي شورت ابيض واسود وكت
سيفانا :بتعوم هكي
قصي: اكيد
ناصر: نحيه بالك تغرق
قصي :بارد
دخلو يعومو واني شادة روحي بالسيف يلي نحبه ونبيه يعوم.مع غيري
ناضت كريمه وناصر يعومو معاهم
سهام وقفت نوضي سلم اختي ادخلي طفي نارك
سلاف: نبي نروح
سهام: بلا جو هيا نوضي
سلاف.....يتبع