**احببتك خارج الوطن**

الحلقة السابعة والعشرون

لا احلل النشر
**احببتك خارج الوطن**حلقة 27
للكاتبه*سونيا ايلين*

قصي.. كنت واقف ورا الباب نسمع في الكلام كأنه جبل وطاااح عل راسي هادي فاش تقووول فاش تخرط بس
سيفانا: هيا تعالي ننزلو وفتحت الباب لقاته في وجها
سيفانابخوف: انت جيت
قصي: انتي فاش كنتي تقولي
سيفانا: ااا
قصي: اطلعي انتي يا حقيره وطلعها وسكر الباب بقوة وشدها من مرفقها انتي شن هو يلي كنتي تقوووولي فيه فهميييني بس
سيفانا تبكي: اني نبصر
قصي اضغط ع يديها اكتر :لا تبصري لاشي تكلمي والا وعزة الله الا قاتلك توا انتي مسيحيه مش مسلمه
سيفانا: اي عادي قصي في هلبه.مسلمين يتزوجو مسيح زي بابا وماما
قصي: حتى امك مش مسلمه
سيفانا: اااي
قصي ؛غمض عيونه انتي مش بنت
سيفانا: لا ااني
قصي حدفها ع السرير وشد رقبتها :هي كلمه وحده بنت او لا خير مانجرب ونعرف بروحي
سيفانا: just one mistak
قصي:ميهمنيش كم مره يا مصيبه انتي بنت والا لااااا
سيفانا no
قصي ضغط اكتر على رقبتها :ومعاي وخنتيني
سيفانا حولتله يديه وناضت اتكح: اي انت ملمستنيش واني انسانه ومحتااجه الحاجه هدي
قصي قرب منها وضربها كف لاول مره يمد يديه ع مرا:
ياكلبه عندنا غادي تموتي تولي عزوز ومتعرفش جو راجل وانتي متزوجه وتلبزي😠
سيفانا :اسس بابا لو يسمع ينجلط عنده قلب ومبكري مرض
قصي: انتي شيطااان.خساره الخلقه فيك وطلع
اسماعيل: خيركم شن في
قصي عيونه قريب يطلعو: انت تعرف ان بنتك مش مسلمه
اسماعيل: ام اام
قصي بعياط :تعرف ايي مادام مرتك مسيحيه اكيد تعرف كيف ضحكت عليا كيف ورطت ولد خوك انت دمرتلي عيشتي
اسماعيل يهدي فيه: تربح يا وليدي مش قضيه هدي نبيك تساعدني شويه شويه وتسلم
قصي :شويه شنوووو تي ليا اربع شهور ماركعتش ركعه الحقيره هدي
اسماعيل بخوف: تو ربي يهديها
قصي في خاطره يقوله على كل مصايبها بس سكت لان خاف يجلطه تبو الحق وجعتني الخونه قتلتني لان على خاطرها ضيعت عيشتي كلها ضيعت البنت يلي انحبها
قصي يمسح في وجهه وركب فوق
كنت زي الثور حاسس ان لو مانطلعش ممكن نرتكب جريمه فيهم
سيفانا بخوف: فاش ادير
قصي: حولي من قدامي
سيفانا :قصيplease
قصي: هي كلمه بنطلقك ونرجع لبلادي اتعبيني انقول كل شي
سيفانا...
قصي... لميت حوايجي حاجاتي الشخصيه ونزلت
اسماعيل: غير تربح نتفاهمو اني ماصدقت انها تزوجت
قصي :حول ترا
اسماعيل: وين بتمشي
قصي: نمشي لجهنم ومنقعدش هني
سامانتا:leave him sam
قصي: بنتك طالق راهو

طلعت من عندهم واني مش عارف وين نمشي او شن بندير انصدمت في كل شي في عمي والحقيره مرتي
قعدت اندور وبعدين قررت نتصل بي وسيم
قصي: الو
وسيم: اهلين
قصي: فاضي نبيك تجيني
وسيم: اي هيا شويه في الحوش انت
قصي: لا طلعت تلقاني في...
وسيم: هيا شويه ونكون عندك

بعد نص ساعة...
وسيم: قصيي
قصي ركب السيارة :سنه يا راجل
وسيم: زحمه شن في
قصي: طلقتها
وسيم: شن هو علاش
قصي: نبيك تشوفلي فندق.نبات فيه ويكون رخيص
وسيم: عيب ياراجل اني موجود وتبات في فندق
قصي :منبيش انتقل عليك
وسيم: لا اتقل لا شي المهم احكيلي شنو في
قصي يمسح على وجهه ؛تمرمدت وحاسس ان مازال بنتمرمد
وسيم: استهدي بالله
وصلنا لحوشهم والحق بارك الله فيهم رحبو بي محسسنويش اني غريب وامه بجد حسيتها كيف امي حطوالعشاء رغم ان ماعنديش نيه لكن امه وطيبتها نستني المصيبه يلي نزلت على راسي
وسيم: شنو بالدير توا
قصي :مش عارف اني طلقتها شفويا
عمي عبد المطلب: في عرفنا يمشي بس لازم وثيقه الطلاق
قصي يمسح على وجهه: يارب اني مانعرف شي هني كيف بنكمل الاجراءات
عمي عبد المطلب :متقلقش هادي حلها عندي.. عندي صحاب هلبه هني وتنحل القضيه لو بالتراضي
قصي :ترضى رغم عنها
وسيم :توا ادخل ارقد ومن غدوه نبدو في الاجراءات متاعك

وفعلا ماكدبش خبر من غدوه بدو في اجراءات الطلاق
وماصارتش مشاكل لان مهددها لو تسبب مشاكل حنقول لبوها انها زي اي بنت اجنبيه او عربيه فاسده

قعدت هديكا الفتره عند وسيم حاولت نأجر بس مخلونيش بكل قعدت معاش نكلم في اهلي ديمة يعني وليت مره في الاسبوعين وكلمتين وقص قلت خلي نروح وبعدين تقوللهم بس مش عااارف شن بنقول بالضبط كنت كل ليله لما نحط راسي على مخدة الغربه نفكر في سلاف نفكر في حضن كان قدامي ومخديتااااش نفكر في قلب كسرته شن بيدااااويه بس املي في الله كبير كنت نستنى بالدقيقه والتانيه امتى نرجع لتراب بلادي صح بلادنا حرفه بس والله ميجي شي زيها يكفي انك بين اهلك وناسك

بعد فتره ...
في المحكمة
عمي عبد المطلب :مبارك وليدي
قصي: تسلم يارب
وسيم :واخيرا صار
قصي:finally على قولتكم
وسيم :توا شن بدير
قصي: للحوش طوووول
عمي عبد المطلب: غير زيد شويه
قصي: السلام وسلمت عليكم الكل وبارك الله فيكم الكل على كل شي
عمي عبد المطلب :هدا واجبنا وحني في الغربه ندورو على اي عربي زينا نشدو فيه
قصي: ولاد اصل
وسيم :خلاص يعني
قصي :سلم عليه وحظنه باش تنزل في الصيف الجاي لي ليبيا مش لتونس
وسيم :ان شاء الله

قصي....هني تمت رحلتي في كاليفورنيا يلي عمري ما تخيلت نعفسها حتى في الحلم وتوا حنبدا في تحقيق واقعي يلي رسمته في الحلم واسأل الله يتحقق.....يتبع