**احببتك خارج الوطن**

الحلقة الخامسة عشر

لا احلل النشر
بالله علقووووووو😄
**احببتك خارج الوطن**حلقة15
للكاتبه*سونيا ايلين*

مشى قصي واني دخلت انهرت من البكاء ويلي نبكي عليه وويلي نبكي ع قله مشاعره ليا كنت حاسه بخوووف رهيب
جداي :وينها ماجتش
قصي :قالت صايمه متبيش
جداي :صيامها في الجنه.. المهم راهو اسماعيل بيروح بعد اسبوع ونبو انديرو العرس خلال الايام هادي
شن رايك
قصي :مش مشكله
جداي :تمام هي اكيد متبيش تكسي من ليبيا يعني نديرو فاتحه الاربعاء والخميس العرس وهو بيطلع الاحد
سالم :باهي كيف بي يسافر مش يبي تاشيره
اسماعيل: متفكر في شي كله عندي صحابي هلبه وفي يوم وراقه يوتو

قصي... اني شاب في ٣٠ من عمري نعيش مع اهلي في حوازة جدي الله يرحمه قريت وتخرجت نخدم في الدوله موضف ونخدم في ورشه بوي عمري ماحبيت ولا حاولت نحب جداي قررت تخطبلي بنت عمي ونسافر البرا وافقت لانها اوامر عليا ولانها فرصه نسافر ونحاول نخدم وندير فلوس سيفانا حلوة وتنحب بس قلبي بادي يدق......

محضيه: نوضي ياهي
سلاف: نايضه اني
محضيه :هيا باش اضمي الحوش
سلاف: كيف بنظم وهما فيه
محضيه ترقص :لا بيطلعو توا طلعولي روحي
سلاف باستغراب :وين بيمشو
محضيه: قال بيحجز في فندق ليوم العرس
سلاف قلبها ينفض نفض :عرس شنو ومن
محضيه :وووه انتي وين عايشه عرس سيفانا وقصي الخميس
سلاف: شن هو
محضيه :ووووووك الحقوني يانااااس ياجمعه

قصي.. كنا مقعمزين عند جداي واني حاسس روحي في عالم تاني لين سمعت صوت عياط
جمعه: شن في يستر االله
جداي: هدا صوت مرتك نوضو
محضيه: سلاف يابنتي خيرك
جمعه: خيرها
محضيه طاحت من طولها
قصي :بخوف هيا لبسيها تو نرفعها للمستشفى

قصي ...كانت عمتي محضيه تعيط طلعنا جري واني اول حد يدخل كانت بنت عمي دايخه خفت هلبه حسيت نفسي ضاااق في لحظتها اول مرة نشوفها بلا وشاح اول مرة نشوفها لابسه كت اول مرة نشوفها كانثي ....لا تعليق

في السياره...
قصي يسوق
جمعه بخوف :خيرها شن صار
محضيه: تبكي شي دخلت قلتلها العرس يوم الخميس طاحت طول
جمعه: من قلة الماكله معاش تاكل البنت
قصي؛ اهو وصلنا
نزلوني للاسعاف ودارولي تغديه
جمعه :شن حالها
الدكتوره: كويسه شويه وتنوض صارلها هبوط حاد ترتاح شويه وتو نديرلها خروج

محضيه: تعالى ادخل معاي
جمعه :هيا

سلاف** هناك مواقف تجعلك تنحني تركع تخضع وهناك مواقف تسبب زلزال وهناك مواقف تجعلك تنهار**
كنت نحساب روحي نحلم كله حلم الحب يلي كبرت قدامه وكبر في قلبي القلب يلي نخاف عليه بتاخده بنت عمي وبتسافر بيه

محضيه :خيرك بنتي
سلاف تبكي بحرقه
جمعه بخوف :خيرك بنتي في حد زعلك
سلاف هزت راسها:لا
محضيه :شن في قولي
سلاف: بطني وجعتني بس
جمعة: خوفتيني يابنتي
سلاف: نبي نروح
محضيه :ارتاحي شويه وتروحي
حني البرا ارتاحي

**امي ليتني اخبرك ان قلب ابنتك جرب العشق وحين احب اغلق الباب امامه**

قصي :شن حالها
محضيه: هدامن قله الماكله
جمعه: خلي نمشي نشريلها حاجه تاكلها
محضيه :هي حتى اني جعت
جمعه: مصح وجهك يا مرا في وحده بنتها مريضه تاكل😠
محضيه: شن بندير السكر جوعني
جمعه: هو انتي عندك سكر
محضيه: اسمع هي سقدني تعرفني كان نعصب نزيد نجوع وانت عصبتني ....قصي قدامك ها
قصي :به

سلاف ..تمنيت نموت لان مش حنتحمل وجعي بكل
قصي ..دخلت وكانت مقبله للروشن
قصي :احم احم
سلاف ...اخر حد توقعت نشوفه وقت وجعي يلي سبب وجعي
سلاف: شن جابك وحاولت تقعمز
قصي قعمز ع الكرسي:مش دختي اني جبتك
سلاف تمسح في دموعها :شكرا
قصي :عفوا

**هناك انوته باجسام بعيون بوجوه جميله وهناك انوته بروح ونفس وهده انوثه طاغيه**
قصي بهدوء :خيرك
سلاف: ماسكه عبرتها شي
قصي :علاش البكاء به
سلاف ...
قصي :هدا كله ع خاطر يلي تحبيه
سلاف حطت يديها ع وجها وتفجرت بكاء
قصي :انسيه خلاص انتي حلوة ويجيك خير منه
سلاف: اطلع برا بالله
قصي :به بس نبي نقولك حاجه
سلاف: قول
قصي :نحي يديك به
سلاف تمسح في دموعها :شنو
قصي قرب من السرير :شوفيلي
سلاف: شنو
قصي :ياريت سيفانا تحبني ربع يلي تحبيه لحبيبك والله نعبدها بعد ربي انتي بجد تهبلي اخلاق وشكل وخوديها مني هو الخاسر راهو ...سلام توا

قصي طلعت.من بحداها واني حاسس بركااان في قلبي كان نلقى نتفجر وقتها حسيت بغيره لانها تحب بالشكل هدا لانها تعشق هكي غرت لانها حبت حد ان قلبها عرف كلمه راجل وحب لحظتها قعمزت ع الكرسي وسألت روحي علاش غرت وعلاش والعه فيا نار وعلاش مضايق محتجتش ثواني باش نعرف الاجابه....ان قلبي ساكناته سلاف.....يتبع