**احببتك خارج الوطن**

الحلقة الثامنه والعشرون

لا احلل النشر
وتعلييق😂

**احببتك خارج الوطن**حلقة 28
للكاتبه*سونيا المختار*

سلاف: ااخ عطل ناصر
سهام :مش منه من هالدكتوره
سلاف :تهبل الحق
سهام :تسلمي توا الاسبوع الجاي بيخطب ونبدو للعرس
سلاف: ان شاء الله خير
الدكتور :انور انسه سلاف
سلاف 😨
انور مد يديه وسلم: كيفك
سلاف: الحمد لله
انور :شن مروحه
سلاف: اي ولد عمي بيجينا
انور: باهي شن صار في رقمك
سلاف: سامحني نسيت نتصل بيك😓
انور ابتسم :ياستي اعطيني رقمك تو نتصل اني
سلاف: به.....092 523
انور :تمام نكمل شغلي ونكلمك بعدين
سلاف: تمام
سهام: اااخ يجنن
سلاف: يحليلي عطيته الرقم
سهام: الحمد لله واخيرا
سلاف: ندمت
سهام :اسسس خلاص تعرفي ...وهو ولد حلال شكله وكانك ع قصي انسيييه هو حتى اهله انساهم ليه اسبوعين مكلمهمش زي الخلق
سلاف :اكيد مشغول في مرته☹
سلاف: ااا المطر بدت تصب
سهام :تجنن
سلاف: منحبهاااش تو نتبل
سهام :حضك اهو ناصر جي

قصي...ركبت الطياره واني نتخايل في وجه امي من الفرحه كيف بس وجه غاليتي ماقدرتش نتخايله ..نزلت الطياره في تونس وع طووول خديت تاكسي لي ليبيا

محضيه :شنو صبوحه عاد بيان الغالي الخميس الجاي
صبحيه: اي بالله وبعدها بنفكر للعرس
محضيه: ها من توا فكوني من جو الشيوخ بنجيب الزكره اني😍
سالمه: ياعارك تحشمي عزوز زيك بترقص ع الزكره😂
محضيه: عزوز عينك والله كل ليله اندير شوط لجمعه يقولي خصرك احلى من فيفي عبدو
جداي😂😂
محضيه :خيرك تضحكي ياحنه
جداي: تفكرتك لما رقصتي في عرسك تقول فيل يدور على روحه😅😅
محضيه 😂😂
جداي 😒خيرك
محضيه: تفكرت كنتك كيف نطت فوق الطاوله تقولي قرده😄
سالمه :تبكي
صبحيه: خيرك
سالمه: ليه اسبوعين مكلمنيش
محضيه :واااك ضروري منه النكد مصيره يولي زي سامويل يكلمك مره في العيد
قصي :لسانك ميقصرش شكله
محضيه:😨😨😨اسم الله فضائل قل هو الله احد
سالمه بفرح :قصي وليدي
قصي نزل يجري لامه ضمها مش عارف يبوسها او يضمها يضحك او يبكي كانت مشاعر مختلطه
سالمه: الحمد لله على سلامتك وليدي مش مصدقه روحي
جداي: خليه يسلم علينا
قصي سلمت عليهم الكل وجا بوي وعمامي كنت متخيل المنظر بس مش هكي
سالم ا:طلقي الراجل يا مرا
سالمه: لا خلوهولي
جداي :وين اسماعيل ومرتك
قصي تغيرت ملامحه: في مكانهم
سالمه :وين مرتك علاش خليتها في الاوتيل
قصي: ماجتش معاي
سالمه: علاش خيرها
قصي: اني مستاحس امي هدا لاش جيت
سالمه ضماته: ربي يخليك
جداي: ناري عليا ني وليدي في الغربه😭
محضيه :واااك منك تي انتي عندك ثلاثه قدام وجهك وهي راس وليد
قصي :وين ناصر والبنات
صبحيه :مشى يروح بيهم من الجامعه
سالمه: اهي صوت سيارته

ناصر :اهو وصلتو
سهام :دهشتنا لازم يعني نرقعولها الخانم غداء
ناصر :سك فمك ماهو حصلتي غداء
سهام: وين ع خير مش بتتغدي
سلاف: لا منبيش راسي صدااااع بنرقد توا وبعدين تغديت
سهام :به

قصي ...كنت نستنى بلهفه بشوق انها تدخل ان نشوفها كنت نبي نشوف نظرتها ليا لما تشوفني كنت مستاحش كووول شي فيها
ناصر: الله اكبر
كريمه: قصي امتى جيت وضماته

**اجمل اللحظات حين يعود الغائب بعد غياب تختلط مشاعرنا بين حنين وشوق نرسم ضحكات على شفاهنا مصدرها سعادة الروووح**

قصي :اطلقيني خنقتيني
كريمه: من الشوق
قصي: وين سلاف
سهام: مشت ترقد
محضيه: تو انوضها
قصي: لا خليها ترتاح

قعدنا مقعمزين يومها نهدرزو رغم اني مروح من السفر تعبااان بس شوفتهم ريحتني نحت تعب ٣ شهور وتبو الحق كنت نبي نشوف سلاف لو نقعد لليل
فرج: نوض ارتاح اكيد تعبان
قصي :لا خلي انغير ونجي

سلاف ..روحت للحوش دايخه غيرت وصليت وطوول لنوم محسيتش بروحي الابعد العصر صليت وتفكرت الشويهات قلت خلي نحطلهم عشاهم بكري باش نلهى نقرى طلعت ومشيت للحوازه وكيييف بدت المطر تبشبش واني منحبهاش

قصي... روحت غيرت ع السريع قلت بالك سلاف تمشي غادي وقفت نساوي روحي في المرايا شفت للمطر تصب فتحت الروشن ستاحشت ريحه التراب المبلول لين لمحت حت يعاند في الشياه قلت خلي نمشي نشوف

سلاف... وااك توا شن بيحولكم للقريشه التانيه لو تموتو ناصر مش حيحولكم... ااخ يا قلبي اني كان جيت وحده تانيه اهو ولعت فيكم خصوصا هالكترينا والحقير قصي غير شفعتلكم جمانه

قصي: خيره الحقير قصي
سلاف بخلعه: بسم الله
قصي.. تلفتت التالي ياالله قداش ما حلوة البنت هادي عيونها الكبار الواسعات خدودها الحمر ووجها المبلول بالمطر
سلاف... لو طلبت الجنه اهو حصلتها كنت نحساب روحي نتخيل بجد متوقعتش روحي انشوفه حتى بالكدب بس كانت مفاجأه من نوووع تاني للحظه نسيت كل شي داره وتمنيت انط في حظنه وانضمه لين ضلوعي يدوبي في ضلوعه بس في حاجز بينا اسمه سيفانا هو صنعه
قصي قرب منها :مفيش حمد لله ع السلامه
سلاف كاتمه دمعتها :حمد لله ع السلامه
قصي مد يديه: كيف حالك
سلاف يديها يرعشو: الحمد لله وانت
قصي: تعبان زي ماقتلك
سلاف سحبت يديها وبحزم :ربي يريحك
قصي: فاش اديري
سلاف تسكر في القريشه: شي نعشي في الشياه
قصي قرب منها وشد معاه باش يسكرها :درتي بالك عليهم صار
سلاف: حيوانات حرام نهملهم شن دنبهم
قصي شافلها في عيونها :استاحشتك اني
سلاف توترت :تسلم
كنت واقفه وحاطه ايدي ع القريشه لين حسيت بيديه
السخان فوق يديا
قصي شاد يديها :ماغبتيش عن عقلي ولا تانيه كنت نفكر فيك طول الوقت
سلاف دموعها ع خدها وسحبت يديها وبغل وفر كلامك لمرتك والا ناسي انك متزوج لو انت ناسي اني مش ناسيه
قصي :اني.....يتبع