**احببتك خارج الوطن**

الحلقة السادسة عشر

لا احلل النشر
**احببتط خارج الوطن**حلقه 16
للكاتبه *سونيا ايلين*

سلاف... تمنيت لو كانت عندي القوة لو كانت عندي الجرأه ونقوله اني انحبه بس مشكلتي نتحشم وفوقها هو هازي عليا بلعت الموس بالعرض وخلاص☹

بعد يومين يوم الثلاثاء....
سلاف واقفه قدام المرايا: يارب قويني يارب متخلينيش نضعف متخلينيش نضيع يارب
محضيه: هيا اطلعي
سلاف: باهي امي بري انتي لازم حتى اني
محضيه: نموت ونعرف خيرك
سلاف: شييي
محضيه: هيا قدامي ونحي العزاء يلي لابساته حرام عليك زي الغراب
سلاف....
مشيت حوش جداي وكان زحمه بخوال بابا وعمامه
جداي :جيتي يازمزم
جداي زمزم طبعا اخت جداي: اي يا وخيتي
جداي: ضمتها ووووووه ووووووه وووووه
جداي زمزم :وووواك وااااك وااااك
محضيه: عمتي توا زمزم عندها الزهايمر تحساب روحها في عزاء انتي خيرك😂
جداي: استاحشتها
جداي زمزم: عطك مرض قاعد لسانها طويا
جداي: اي ياوخيتي
محضيه تتسهوك : وينك خالتي زمزم نحسابوك متي
جداي:😨😨😨
محضيه: ااي خيرك شن فيها عزوز تلعب في ١١٠ شن مازال تبي تشد قبرها من توا لين يجيها عزرائيل😁
جداي زمزم: عزرائيل يجيك وراسك فاتحتي قريتها
الكل:😨😨😨😨😨😨😨😨
زمزم تضحك: ولد عمك الفرجاني خطبني قال يبي يكمل باقي عمره معاي
محضيه: هو مازال عنده عمر😅
سالمه :حرام عليك خفي عليها
صبحيه: خليها خليها تزيد😆
جداي زمزم: ايييه وهو شن عاش
محضيه لاشويه: ١١٥ سنه
جداي :حني نعمرو حتى امك عمرت ١١٤
محضيه :😂😂😂😂غبر فيا كان تطلع وراثه ونعمر خلي نعول ع راجل تاني باش ناخده بعد يتوكل جمعه
جداي :عطك مرض تفاولي ع ولدي
محضيه: لا لكن الموت حق
جداي زمزم :اي خليها تعول بنيتي كملي عدتك من هني توكلي من هني
محضيه: اكيد امالا شنو
سالمه :خيركم اللطف قتلتوه
محضيه المهم خالتي زمزم راك تتلخبطي بدل ماترقدي مع الفرجاني ترقدي مع خوه وشاح😂
كريمه😃: امك ماليهاش حل
سلاف: خيرها
سها بحزن :مش معانا فوتيها

في الليل حطينا العشاء واني تقولي نحلم تقولي كدب
جداي:رووووري روووري
الكل بدا يزغرت لما وصلت العروس وامها
محضيه: سلاف يا فرخه جيبي الدربوكه وديري شوط
سلاف: ماعينيش
سالمه: هيا عاد
سهام: تو نجيبها اني
جابتها ودارو شوط دربوكه مش شويه قلبو الحوازه ع روسهم
محضيه: واااك كرجوطي بحت
جداي :الحمد لله باش يرتاح منك وليدي الليله
محضيه: لا متخافيش خليت شويه احبال صوتيه لبعدين😎
سالمه :هيا نوضو ارقصو بنات
سهام :هيا عاد
جداي: هيا عاد الصبو يلي متزوج جديد كله ينوض خلي نشوفه
محضيه: ع الحال هدا حتى خالتي زمزم بتنوض عروس😄
زمزم:😒
محضيه: نوضي رقصي عظيماتك
صبحيه: اي هزي وصتك
محضيه 😂😂😂:وسط شنو يارسول الله تي هيا تمشي بالسيف كان تهزه في احتمال انلموها اشلاء عمودها يجي لوطه
جداي :يا جروة غير بنت اختي كان هادا اهو وريتك
جداي زمزم :السمن هدا كله وجروة تي هادي دبرمان😆
محضيه: لااا هكي هلبه تلقيح بالانقليزي فكوني منه اني صابره ع الصفراء يلي معانا بالسيف😒
جداي: باهي نوضو جيبو عوالة الحنه
جابو الحنه وغنو الغناء الطويل وسامانتا وبنتها زي الطرش في الزفه
سالمه :هيا سلاف حطي الحنه
سلاف :اني لالا
صبحيه :لانوضي عليك حنه تجنن والله كل متحنيني تجي مرسومه رسم
جداي زمزم :نوضي يقوي سعدك حني بنت عمك والله تو نجيبلك موضوع
محضيه؛ انتي يا متاع المواضيع متقوليش وشاح سلفك
سلاف :😓
سالمه: مش للدرجه هدي عاد البنت قمر
جداي زمزم :والله ولد الفرجاني عنده وليد تقولي فرنساوي اشقر وعيونه خضر يدور
محضيه: ناضت ولصقت فيها يسلم خالتي والله انتي عسل
جداي :حنو البنت هيا
سيفانا: كومون سلاف
نضت باش نحنيها واني قلبي متفترش كيف نحني وحده هي بتوري حنته لحبيبي كنت حاسه ان الدنيا كلها عافسه عليا اني طبعي هاديه وساكته منحكيش ع مشاعري حتى لو عصبت نسامح بسرعه بس المرة هادي سحقني الوضع
قصي كان عندي كل شي اول حب صح اكبر مني ب9سنين بس نموت فيه تفكرت كيف كان يلعب فينا كوره ويرفعني للمحلات وكيف كان يركب فيا فوق ضهره كان لما يشري حاجه لي كريمه يجيبلي لان معنديش خوت كنت نحط راسي ع المخده ونتفكر ضحكته حتى لو ضحك عليا المهم نتفكره كنت نتخيل انه يحبني ويموت فيا ونتزوجو اااخ ياربي متوقعتش ان حياتي حتكووون هكي
سيفانا؛ thanks
سهام: هاااي راك كملتي
سلاف عيونها دموع :.ااا محسيتش بروحي
جداي :عقبالك يااارب
سلاف مسحت دموعها: يسلمك
محضيه :واااك بنتي حساسه هلبه
جداي: اي طالعتلك
كملنا السهرة وفرشنا ورقدنا

عند قصي...
قصي: هات طرف
عبد الله صاحبه :اووو من توا
فتحي :مانا لما بتسافر شن بدير
ناصر: فوته ياراجل
قصي: طرف معليشي
فتحي: خليه الراجل متوتر عريس عاد
عبد الله :هيا خلي انوضو
قصي: خيركم مازال
فتحي: الساعه ٢ نخلوك تهدرز م ع الحب سلام
ناصر :سلام
ناصر: خير دعوتك ياراجل
قصي يميح ع شعره ووجهه :حاسس روحي تورطت
ناصر :خيرك قصدك مش فرحان
قصي: مش عارف حاسس اني ملخبط مووت حاسس اني غلطت في اختياري سيفانا متشبهنيش بكل
ناصر :بس انت معترضتش
قصي: منعرفش بس يلي نعرفه اني شخص غيور للموت لو اني حبيتها بجد اهو قلتلها تستر روحها
ناصر : تو تتغير اعطيها وقت وانت مش صغير
قصي: تمام خلي نرقد

**نعيش طويلا مع اشخاص لم نتوقع ان تأتي لحظه ليسكنو فيها قلوبنا.....وان سكنوها علمنا مؤخرا**...يتبع

لو عحبتكم علقو😁