**احببتك خارج الوطن**

الحلقة السادسة والثلاثون

لا احلل النشر
**احببتك.خارج الوطن**حلقة 36
للكاتبة *سونيا ايلين*

قصي :شن هو ومن مندر
كريمه :اا نحسابها قالتلك
قصي: توا يعني عندها علم من امتى الموضوع هدا انطقي
كريمه :منعرفش بس بعد روحت انت بكري عمتي محضيه قالت عليه والغريب قالت سلاف موافقه

سكرت منها واني وجهي اسود الدنيا ظلام قدامي اني ماصدقت افتكيت من الدكتور باش يجيني مندر لا وفوقها ماقالتش عليه قعدت ندور زي المجنون نتصل ومتردش قريب جنيت خلااص معاش فيا عقل بكل

كلمنا كريمه وجت بحدانا
سهام :كيف حال امك توا
كريمه تمسح في دموعها :خليتها تبكي بالله حتى السكر راكبها
سلاف طبست راسها ..حسيت بتأنيب الضمير صح نحبه بجنون بس لازم نتصرف لان منبيش حياة عيله تنهد وتصير مشاكل بين عمامي لازم نفوق من كابوسي حتى لو نتعدب بعده بس لازم نصلح الوضع
قعمزت شويه وبعدين نضت روحت للحوش واني هم الدنيا كله فوووق راسي صليت وغيرت وفرشت بنرقد قلت خلي نشوف هاتفي لقيته متصل ٢٧ مره وباعت مسج
**وينك مع 1تعالي تحت الليمه**
سلاف: لا خيره هدا هبل والا شنو
اتصلت بيه نلقى فيه مقفل حطيت راسي اتكيت تقلبت بس ماجانيش نوم اتصلت بيه بس ميردش لين جت ١ قلت معاش فيها خلي نمشي نشوفه
رغم اني نخاف من الظلام بس المهبول هبلني وراه

قصي ..طلعت من عند صاحبي ومشيت للحوازة واني قلبي قريب يطلع من صدري حسيت هموم الدنيا كلها فوووق راسي وصلت للحوازه درست من برا ومشيت لليمه تبو الحق منبيش جو نقعد نتميعد معاها بس موضوع مندر مخلاش فيا عقل قلت اشوفها لو نمشيلها للحوش قعدت نستنى لين نسمع في حد جاي
سلاف بخوف: خيرك مهبول انت مطلعني في الليل شن تبي شغلتني
قصي :منو منذر😠
سلاف😨 اا
قصي عيونه بيطلعو :😡منووو منذر
سلاف: منعرفش امي قالت قريب عمتي الهاديه
قصي: به
سلاف :شنو به
قصي: كملي شن قتلك امك تاني
سلاف: قالت ان خطبني
قصي :به وانتي شن رايك.
سلاف :مش عااارفه راسي بيطربق
قصي: شن هو مش عارفه بتهبليني انتي
سلاف تبكي :اي مش عارفه انت تزوجت وطلقت ومابيتش تقول لااااش امك مريضه وبوك شعرا وينجلط كله في جرتي تو كان يسمعو اهلي يحسابوني لعبت بعقلك اني منقدرش نرفع عيني في بوك او امك
قصي :بوي وامي موضوعهم عندي
سلاف: به وبوي؟؟؟تتوقع يوافق راهو اسماعيل خوه قصي من الاخير علاقتنا حتخرب العيله كلها
قصي: شن تقصدي يعني
سلاف :يعني احسن حل ان اني ننسحب ونخليك ترجع لمرتك
قصي قرب منها وشد: يديها سيفانا موضوع وتم مش حنرجعها وبنتزوج في الاخير
سلاف :حتى لو مارجعتهاش عندهم تتزوج وحده تانيه ولا تتزوجني
قصي: يعني انتي موافقه على العريس
سلاف تمسح في دموعها: اي لو يحل المشكله اي
قصي: عيونه دموع :يعني متحبينيش
سلاف: خلاص
قصي :شوفيلي جاااي يعني بوستي معنتلك شي
سلاف: قصي خلاص
قصي :ردي عليا
سلاف بالعبره: عنتلي عنتلي عنتلي هلبه لدرجه ان كل مانتفكرها نبتسم
قصي :به
سلاف: هكي الباين حني مش لبعض
قصي: وربي لو نقتلك ماك خاشه حوش غير حوشي
سلاف: فاش...
قصي ؛بري للحوش
سلاف: قص..
قصي: بري للحوش خير مانغلط فيك
مشيت للحوش نقزت من الروشن وطحت فيها بكاء

**في ناس قليله حظ اي.. بس اني الحظ منتهيييي**

فاتت هاديكا الليله على قلبي زي الغمه
الصبح ممشيتش للجامعه لان عصابي في شيشه
سلاف: لو يقعد اخر راجل في الدنيا مستحيييل نتزوجه
محضيه :سك فمك بوك اعطى كلمه لو تموتي متكسريهاش
سلاف بعصبيه :اميييي كان متزوج قبل خيرك
محضيه :عادي مش عيب يلا اعقلي ونوضي سمسمي الدجاج وطلعت وقربعت الباب
سلاف: اوووف منك ياامي خاطري بوي يتزوج عليك
محضيه فتحت الباب:بوك ارنب زيك يخاف نقتله😊😊
سلاف😓

جداي :وينها بنتك
محضيه :في خربتها خامده
جمعه: تكلمي كويس يا مرا
محضيه :سوووري قصدي في سويييتها😄
ناصر: ههه مليكش حل
محضيه: من قدك عاداليوم بيانك
صبحيه: الحمد لله كملنا حاجات البيان الكل
محضيه: زعما سالمه تمشي
جداي: ولاش لا... لامتى بتقعد حزينه على ولدها....

رتبت الحوش وبعدين مشيت لحوش عمي فرج لان بيان ناصر رتبنا الحاجات الكل تمنيت لو كان بياني ونفرح زي الناس

مع العشيه بدو يلبسو ويتكمو ع قد ماقلت لامي مانبيش نمشي شي راسها يااابس مرات نقول بوي كيف تزوجها 😂روحت طلعت قفطان بيج قصير للركبه وكمومه شفافات ودانتيل لبست شوز احمر ودرت شعري فير وmake up بناتي ومشيت لحوش عمي فرج

كنا كلنا مجموعين غادي ونستنو في ناصر يقوللنا هيا
كريمه ادير لي سهام في تسريحه
كريمه: هاتي تواكات
سهام: تمو
كريمه: سعدودك كيف الحل توا
سلاف: والله ماعندي
كريمه :سلاف حبي بري لداري افتحي دولابي تلقي كيسه فيها توكات جيبيهم
سلاف: المفتاح وين
كريمه :تلقيه في الباب زي العاده
لبست كبوتي ومشيت ولان شوزي ضيق مسحت رجلي ودخلت طول😂
سلاف: اف هادم وين اها لقيتهم وكيف بنطلع يعلق الكبوت في السرير وتنفتح البطمه واااك مش وقتها بصدفه شفت ابره وخيط قلت خلي نخيطها لانه منقدرش نطلع وهو مفتوح نحيته وبديت نخيط نسمع الباب تفتح
سلاف: كرومه هني اني غير بطمتي انقضت ونخيط فيها...كروم.....
قصي😐
سلاف😨😨......يتبع