**احببتك خارج الوطن**

الحلقة السابعة عشر

لا احلل النشر
**احببتك خارج الوطن**حلقة17
للكاتبه*سونيا ايلين*

الخميس الصبح...
سلاف... مقدرتش نرقد ليلتين بكل تمنيت امي تعطيني كف وتقولي راهو نحلم حسيت روحي خلاص زي الديك المدبوح لا متت ولا ارتحت

نظت توضيت وصليت ركعات لله دعيته ان نقوى ان ربي يلطف بقلبي

قصي ...فتحت عيوني كان هدا اليوم المنتظر ليا سنين نحلم بيوم عرسي بنيت حوشي حكم بيديا تعلمت البني والتملعيق وتركيب الزليز حتى الزواق زوقته اني وولد عمي كنت كل حاجه نديرها فيه نتخيل كيف بنحكيها لمرتي كيف بندخل بيها كيف بنمشي بيها لحوش جداي كل يوم كنت نحلم ان ندير عرس كبير ونعزم ناسي الكل بس تواالحوش ماشي وبنخليه لاعرس ولا شي وفوقها العروس مش حتخشه وحتى لو نحكيلها كل شي عني مش حتفهمني لانها مش من عالمي غمضت عيوني بجد وبجد واجعني حوشي موووت للحظه تخيلت ان داخل بعروستي وضامها وقايمها من الارض بفرحتي بيها تخيلت قمتلها الطرحه وشفت وجه بنت عمي سلاف لين نزلو دموعي

ناصر :نوض ياراجل الناس ادور فيك
قصي يمسح في وجهه
ناصر :خيرك تبكي
قصي: بنستاحش
ناصر: انت مش مسافر مع حد غريب
قصي: هما الغربه بحد ذاتها

صبحيه: كم قعد لتوا
محضيه: ٧٠
سالمه: خلاص اعطو النسون
كريمه: باهي هيا
محضيه: وك عزوز النار خيرها ماجابتش طباخه
سالمه: والله قلتلها قتلي متخشليش حوش دام عندي كناين
محضيه :هو هداكا كناينها شغلات
سالمه😓
محضيه: متشوفيليش مش عليك عارفاتك ارنب ماتحكمي في شي
صبحيه: هيابالكم
جداي: هدا تاطيب كنايني
جارتهم المره :تبارك الرحمان علاش ميخدموش طباخات😄
جداي: باااايرات😒
محضيه: غير نكمل الماعين تو نفضى بيك
سالمه: روووووري رووووري روووري
كريمه؛ قروها الفاتحه
الكل :قلبها زغاريد

سلاف ...كملت حطيت الغداء معاهم وتسقدت لحوشنا ليييين سمعت صوت الزغاريد عرفت ان الفاتحه تقرت انه قرا فاتحته ع غيري تفجرت بكاء قلبتها نووويح

سهام :مبارك عليه
كريمه: يبارك فيك وين سلاف
سهام ؛تو نشوفها في الحوش
كريمه :ماشيه معاك حالها مش عاجبني

سلاف: ياااربي ارفعني يااربي ارفعنيي
سهام :خيرك بس
سلاف تبكي بشكل هستيري :قراها يا سهام تزوووج
كريمه :مصدومه
كنت مقعمزة ع ركابي منهارة بكاء
سهام :معليشي مش نصيبك
سلاف: ياربي مش حنقدر نشوفه مع غيري ياربي قلبي تسحق
كريمه قعمزت جنبها تبكي :شن متقوليش ...
سلاف: يا كريمه راني نحبه من واني صغيره راهو الغالي عندي حتى هزايبه كانو غزل عندي
كريمه :خيرك متكلمتيش من قبل
سلاف تضرب في وجها ماهو حمااااره :خفت يهزا عليا خفت يضحك عليا
كريمه ضمتها: كيتك يابنت عمي
سلاف شاده فيها بالقوه: وخيتي راني نبيه ليا وخيتي

**اصعب الاشياء ان نربي حب داخل قلوبنا كل يوم ينمو ويزدهر تم يأتي شخص بكل بساطه يقطفه ويرحل به بعيدا**

سلاف بالعبره وشادة يدين كريمه: بالله عليك قوليله اني نحبه بالله قوليله مايتزوجش بالله قوليله اني نموووت بلاه
كريمه: وخيتي والله مانقدر هو تزوج توا
سلاف: نبوس يديكم ديرولي حل
سهام ضمتها: انسيه وخلاص
سلاف: ياربي قويني ياااارب

عبد الله :مبارك يا صاحبي
فتحي: بالرفاه والبنين
قصي :بارك الله فيكم
ناصر :هيا باهي الحلاق يستنى
قصي: هيا به

صبحيه: نموت ونعرف هالبنوت وين تسقد بس
سالمه :عندهم صاله اليوم اكيد يسشورو
محضيه :اييي هما يسشورو واني نحصل في الماعين
سالمه :معليشي😓
محضيه: انتي يافانص مازال تعاوديها ومتجيبيش شغالات ندبحك
سالمه: والله حرمت
صبحيه: ايح هيا شن بتلبسي في الصاله
محضيه :شاريه قفطان يجنن
سالمه: كيف مش ملتزمه😁
محضيه: اسمعي انتي يا شيخه سك فمك واسكتي اليوم بنهيج وغدوة تو نلتزم تاني😎
صبحيه :والله سلفتنا ماليها حل
محضيه: نوضي انتي وياها جيبو الكازانات
سالمه: هيا به
طبعا كانو يغسلو برواحهم تحت الليمه وع خطمة عمك جمعه
محضيه: كانت مقعمزه ع سطل تغسل في الماعين في ليان وشافت جمعه جاي جهتها
محضيه: حبيبي قرب بص بص بص زعلان اطربق ازعل اه و نص لحسن انا حبعد ابعد ابعد اه ونص ورح تبقى انت اكيد خسران
جمعه: واااك منك بس تحشمي على شيبتك
محضيه: عينك يا شايب ياعايب اني حتى الميش درته شن مش نشبه نانسي😍
جمعه :لا والله تشبهي هيا شعيب غير نسخه بيضاء
محضيه بغلها: امشي من بحداي خير مانفركك في الليان
جمعه بخوف :هيا مشيت
محضيه: ماينفع فيه الخير😒

طبعا مع العصر كانو الكل لاهي يلي يسشور ويلي يمكيج وحوش جداي مقلوب فوق لوطا
سهام ادير لكريمه في تسريحه :سخفتني
كريمه تمسح في دموعها :والله ماكنت نعرف كان نعرف اهو قتله او لمحتله
سهام: نصيب
كريمه :قداش ليك تعرفي
سهام: كنت شاكه من زمان لانها تتحشم وتفرح في نفس الوقت لما يجي وديمه تخليله في حصتها حتى لو كنا داسينله

قبل سنه...
سهام: ريحته تجنن
كريمه: حتى هيا سلاف داراته
سالمه :بنيت سلفي فالحه في كل شي وعصبانها فايح حطو وجيبو
سلاف :ان شاء الله
سهام :الكل هني كانش قصي مشى للجامع
كريمه: تو نحطله
سلاف بلهفه: تو نحطله اني
حطو يتعشو
جداي :كولي وانتي رايحه زي التل
سلاف: مخاطريش توا
محضيه: والله ليها اسبوع تنق تقول نبي عصبان عاد حتى بطن تاكلها بروحها على ما خاطرها فيه
سالمه :والله قصي يتعب معاه كان يلقاه طول الوقت
سلاف: اهو صحن تو انحط فيه ناكله بعدين
خديت الصحن وسلفرته وغسلنا الماعين الكل قلت خلي ندير الشاهي شفت صحن قصي
سهام ...كنت ماشيه نشرب ميه لقيتها فاتحه صحن قصي وحاطه فيه حصتها
سهام: فاش اديري
سلاف بخوف: اا كنت نزيد في قصي
سهام: وانتي
سلاف :قعدلي شويه
سهام: سلاف صحنك فاضي
سلاف: منبيش شبعانه
سهام ابتسمت :كويس

**جميل داك الحب الدي يجعلك تضحي بما عندك لمن تحب ان ترضيه وان كان على حساب سعادتك.**....يتبع

تعليق وتاق حبوباتي