**احببتك خارج الوطن**

الحلقة الواحد والاربعون والاخيييييرة

**احببتك خارج الوطن**حلقة41
للكاتبه *سونيا ايلين*

قصي: طالع عليك البودري يجنن
سلاف... سمعت الصوت رن في ودني طووول قمت راسي انصدمت لقيت قصي قدامي كان لابس عربي وعطره جايب لاخر الدنيا
سلاف :انت فاش ادير هني
قصي مبتسم وقرب منها:تجنني بالبودري
سلاف: كريمه قتلي ان راجلي هني
قصي شد يديها :ومش عاجبك او شنو
كريمه وسهام دخلو ودموع الفرحه مش شايلتهم
سلاف :اا حد يفهمني
كريمه: هدا راجلك
سلاف :كيف
سهام:.انتي غموك غمان ولانك هبله غيرو العريس
قصي: ههه باهي اطلعو خلي نفهم مرتي
طلعو وسكرو الباب
قصي قرب منها وحط يديه ع خدها :مبروك.علييييينا
سلاف: مش فاهمه شي
قصي: مش قتلك تو نحلها المشكله كلمت اهلي وعمامي وفهمتهم كل شي وخطبتك منهم
سلاف: بوي عنده علم
قصي :ههه مانا مع منو قريتها
سلاف: اااااخ مش مستوعبه توا بس من دقيقه كنت نبكي وتوا فرحه قدامي
قصي :اني قتلك والله يستحيل يقربك راجل واني عايش
سلاف: انحبك انحبك انحبك انحبك
قصي :خدا يديهاوباسهم ااااه نموت فيك
سلاف: مش مصدقه بكل
قص: اسس معاش نبي نشوف دموعك بكل
سلاف :هدم دموع الفرحه
قصي: معاش نبي دموع شوفي عيونك.كيف غدوه مش حتطلعي حلوة
سلاف: لاااا
قصي حط يديه ع وسطها وقرب شفايفه منها هلبه :نموت فيك زي ماانتي
سلاف ....
قصي :مش مصدق انك وليتي حلالي وحلال اندير فيك يلي نبيه
سلاف :خلاص تو يدخل حد
قصي شفايفه لمسو شفايفها :مرتي وحر
سلاف :نطلب منك طلب
قصي: نعم
سلاف :ضمني ضمني بقوة جهدك ظمني حضن ينسيني كلووول الدنيا
قصي خداها في حضنه
ووخر بيها ع الحيط وهو ضااامها
سلاف..... منعرفش منين جتني الجرأة ان نطلب منه حظن ممكن صدمتي انه ولا راجلي ممكن شوووقي
قصي يتنفس بسرعه يجننو
سلاف..
قعد.قصي يبوس فيها ع شفايفها بهدوء وهيا ساكته
قصي: شنو
سلاف: خلاااص
قصي :مش قادر كل مانبعد ينادوني
سلاف...
قصي ضغط ع وسطها بيديه غدوة مايطلقك من يديا حد
سلاف: طبست راسها
قصي قرب من رقبتها وباسها بهدوء :شكلي مش حنصبر لغدوة وبااااسها
سلاف :خلاص
قصي داهش ويوخر في شعره: شكلي بنكملك اليوم
سلاف وجها احمر: وخر بنطلع
قصي شدها من يديها وباسها ع جبينها
سلاف: نحبك
قصي: امتى يجي غدوة بس
سلاف: هيا سلام

طلعت من بحداه حتى البنات فتتهم مشيت جري للحوش ونحيت الرداء
سهام.:خير دعوتك
سلاف تمسح في دموعها وتضحك: يابنات قصي راجلي
كريمه ضمتها :ربي يهنيك
سلاف: مش مصدقه بكل
سهام: به شن درتو
سلاف 😒
سهام: متكدبيش شفايفك حمر
سلاف: صايعه
كريمه: ياصايعه شن يلي في رقبتك
سلاف: شي شنو في وشافت للمرايا اااا هدا شنو
سهام:.هدا للحب
كريمه: ياصايعه خليتي لغدوة
سلاف: والله ماحسيت بشي
سهام: اااأخ صحة عليك طلع رومنسي الراجل
دخلت غسلت وجهي ولبست الرداء ومشيت لحوش جداي: واني الفرحه مش سايعتني
سالمه: شفتيه مبروك عليك
سلاف تمسح في دموعها :يسلمك يارب
جداي: يلي يصبر ينول