لا احلل النشر
**احببتك خارج الوطن ** حلقة 38
للكاتبه *سونبا ايلين*
قصي: تفضل يا استاد
مندر: تسلم وقعمز
قصي ....معجبنبش بكل او الحق غرت منه عيون خضر واشقر وجنتل زي
مندر: مش خوتها انتم
ناصر :لا ولاد عمها
قصي :والله عمتي محضيه جابت بنت بس وبعدها عقمت تقريبا نسلهم كله هكي
ناصر: اي والله افرح يوم تاني يايجيك يا بنت او ولد بس
قصي: ومرات ميجيك شي وتتزوج وحده غيرها
مندر: اا عادي حتى اني منحبش كتره الصغار..والله الحق يشكرو فيها هلبه العيله واني شايفها مره او اتنين وعجبتني
قصي😠
ناصر: تسلم هي ماشاءالله بنيت عمي تحط في مكياج يجنن الحق وماركه يعني لو اتشوفها بلا مكياج متعرفهاش
مندر: حاق😨
قصي: اي والله
مندر :عادي نحب المرا يلي تجدد من نفسهااني نجب المراالمتعلمه
قصي :كان نقولك سلاف راسها زي الحيط حكم بالسيف نبوها تاخد شهاده
مندر:كل واحد وجهده تو نشريلها شهاده يلي تبيها... والله اني حالتي الحمد لله كويسه و نخدم ع الطانطات وعندي معاش دوله
قصي: يعني ديمه مسافر
ناصر :كويس والله معناها سلاف ديمه عند اهلها
مندر :لاش تقعد في حوشها هوني امي وخواتي وسلفاتها جنبها
قصي: لا البنت تبي الحق مش اجتماعيه متهدرزش الا ع امها بس
مندر :حاااق ارتاحت من القرمه والقيل والقال والله انتم اسألو عليا اني راجل بيتوتي نحب اللمه وجو العيله
ناصر: سبحان الله عكس سلاف تحب الطلوع بس مع امها
مندر: حااق عادي مره مره مش مشكله اني راجل انحب الاكل في الحوش والمراء الناشطه
ناصر: بنت عمي ماكله مطاعم بس يوم عشتنا الكل دحي ومالح وشايط والنشاطه نشك
مندر: حاااق تو تتعلم على خاطر عيوني😍.. المهم حتي عيله هاديه امي طيبه وهاديه وخواتي ميدخلوش
قصي: عمتي محضيه لسانها متبري منها وتدخل في كل كبيره وصغيرة والحق من قبل تقول امتى تتزوج سلاف باش تمشي معاها
مندر: حاق هه تو مانفتحلهاش الباب
سلاف كان قلبي يدق بقوه مش عارفه شن قاعد يصير في المربوعه واصلا كيف جاه من قلبه يقابل الشخص يلي بيخطبني لين شفت ناصر جاي
محضيه :ها شن صار
ناصر: مبلوط في المروعه وين سلاف يبي يشوفها
محضيه :تمام هيا سلاااااف تعالي
طلعت من داري ومشيت لناصر كانو عيوني معبيات دموع
**رغم عني حبيبي ماجرا كان رغم عني... **
وصلت للمربوع وكيف بندخل لقيت قصي جت عيني في عينه كأنه يقولي ماتدخليش واني نقوله هدا نصيب باش نحل المشكله عمري ماتخايلت نتزوج بلا حب او نكون لغير قصي بس شن بندير كان لااازم نتصرف باش متخربش الغيله
سلاف: السلام عليكم
قصي... تمنيت الارض تنشق وتبلعها ولا تدخل لراجل غيري اني منحبش جو تسكير الراس وهي سكرت راسها
مندر :وعليكم السلام وعيونه بيطلعو فيها
قصي: احم
مندر: والله اني كنت متزوج قبل وانفصلت والحق اموري كلها تمام وامك تعرفنا
سلاف . لاااا حرف
مندر: اني راجل منفتح وان شاء الله ترتاحي معاي واي شرط عندك راضي بيه واي سؤال تفضلي
قصي قريب ينقز يخنقه
سلاف :لا معنديش مانقول
مندر :تمام معناها نكلم العيله يكملو فيك والعرس في اقرب وقت
ناصر بهدوء :يستر الله
قصي مخنوق :نستأدن وكيف بيطلع
سلاف :نسألك سؤال ....علاش طلقت
قصي حاط يديه ع الباب وكيف بيطلع تلفت
مندر :الحق سبب شخصي بس بما ان نبيك من حقك تعرفي
سلاف.... ااااه تمنيت لما سألت قصي رد وقالي
مندر الحق نكديه وتشري في المشاكل ومش محترمه لاكبير ولا صغير ولسانها سليط
سلاف :اممم
ناصر: ربي يهدي
مندر :سوء اختيار
قصي: بعد ادنك سلاف نوضي وتي القهوة
سلاف: به وطلعت
سلاف :طلعت واني عيوني دموع وقبل مانوصل لحوش جداي
قصي جبدها من يديها
سلاف بصدمه: اطلقني تو يشوفني حد
قصي :خلي يشوفو اصلا قريب نرتكب جريمه
سلاف قوة قلبها :قصي خلاااااص الراجل في المربوعه احترمه
قصي: واحترمتي انتي نفسك قدامي وانتي فتحتي ميعاد
سلاف جبدت يديها وتتكلم بعصبيه: مش ميعاد سألته لاش طلق ورد عليا شفت كيف هدا ناوي الرسمي وانت سألتك مليون مره ومتبيش ترد مدامك لهدرجه تخاف ع ست الحسن رجعها
قصي بنظرة مسمومه :انتي في منو تنفصي وربي مازال تكلميني هكي الا قاتلك
سلاف: خلاص برا في حاااالك معاش نبيك ومشت
قصي... مشيت بغلي للحوش قريب ولعت في روحي معرفتش فاااش نفش غلي قعمزت مشوار وقلت خلاص معاش فيها وقررت ان
**هو مجرد قلب صغير كيف له ان يتحمل كل هدااااا الالم راباه ساعدني**
محضيه :شنو صار
سلاف حابسه دمعتها: يلي تبيه ديريه
كريمه وسهام مصدومات
سالمه بحزن عليها وعلى ولدها: بنتي هادي حياتك
سلاف طبست راسها :هكي نرتاح ونريح
محضيه: يسلم بنتي والله نبي مصلحتك
سلاف :نعرف
محضيه: مانا خلي نمشي نجيب اللحم اليوم.دوري في الغداء
جداي: طيب فيك وانتي جوعتينا
محضيه: عمتي اليوم زاهيتلي خليني في حاااالي
ضيف ناصر مندر وزاد شويه وروح
قصي مغمض عيونه :يارب ساعدني هادي اول مرة نبي حاجه بقوة يارب ماتحرقش قلبي عليها منقدرش نشوفها لغيري فتحت الباب وكيف بنطلع نلمح عمتي محضيه دخلت للحوش خديت مفتاحي ومشيتلها
محضيه: اااخ توا وين تهنيت ع البنت
طق طق
محضيه: منو بسم الله
قصي :اهلين
محضيه: اهلين
قصي: عمتي محضيه نبيك في موضوع
محضيه: شنو ان شاء الله خير
قصي :بخصوص سلاف
محضيه: شنو خيرها
كريمه: قصدك وافقتي
سلاف: اي
سهام: وقصي حرام عليك
سلاف تبكي: شنو حرام عليا تحسابوها ساهله عليا ان نكون مع غيره بس شن بندير موضوعنا صعب عمي رافض منبيش العيله كلها تكرهني
جداي: نوضي انتي وياها الهاتف يرن مدوهولي
سلاف مسحت دموعها :به مسمعتاش
جداي: منو يتصل
سلاف :عمي اسماعيل
جداي: الو وليدي كيف حالك
اسماعيل :الحمد لله كيفك انتي
جداي: كويسه
اسماعيل: نتصل بي قصي شكله حاطني في الحضر جداي: منعرفش عليه شن تبي منه
اسماعيل: مرته حامل .....يتبع
أنت تقرأ
**احببتك خارج الوطن**
Lãng mạnروايه ليبيه عن بنت طوول عمرها تحب ولد عمها بس هو محبهاش الا بعد شافها برا البلاد
