**احببتك خارج الوطن**

الحلقة الخامسة

لا احلل النشر لا دنيا ولا اخرة
**احببتك خارج الوطن **حلقة 5
للكاتبه*سونيا ايلين*

مشيت جري للحوش
ناصر :خيرها
سهام :حرام عليك ديمه ماسح بيها
قصي:ايح هي تتحسس
دخلت للحوش ومشيت للحمام بكيييت تمنيت ان محبيتاش بكل تمنيت كنت زي سهام خو وخلاص ديمه ماسح بيا مهما اندير يقلل من قدري مسحت دموعي وغسلت وجهي وطلعت
سيفانا: اوووانتي هني
ياالله قداش كانت حلوه لابسه بدي وشورت يجننو وشعرها مفتوح عنده الحق يشوفلها
سيفانا:حلوه نعجب قصي
سلاف: بحزن اي اكيد
مشيت لداري وقفت قدام المرايا بعد ماشفتها شن لابسه احتقرت لبستي
غيرت وطلعت عبايه هو هازي هازي يعني😢
قصي: سكنت هالقمله
سهام: مش عادي ع اساس والا قدام.سلاف الجو هدا
قصي من قالك ع سيفانا اني ع سلاف😎

هما كانو مدرسين لواجهة الحوش وحياش وراهم
ناصر واقف ع الروشن وك وك وك وصلت الطرف
قصي: بلهفه منو
ناصر: الباااربي بالله كان تركب معاي بس
قصي..شفتها من المرايه وكانت لابسه عرا في عرا
قصي ياوالله حاله بتجيبلي العار 😠
سيفانا :هاي😊
ناصر هايات 😍😍
طبعا سهام وكريمه جمووود تام
سيفانا: قصي حطلي حاجاتي
قصي: تمام
طلعت من الحوش وشفتهم الزوز جهة الكوفني صح هي عريانه في نظري بس كانو طالعين ع بعض
سيفانا: وين حاجاتك حطيهم تعالي
سلاف: صحيتي بس حطيت مع ماماو كيف بنركب
سيفانا: اووو baby مكاني هدا
وقفت مصدووومه
كريمه: بس من يومنا كل مانطلعو هدا مكان سلاف
سيفانا :هدا قبل بس توا ولا مكاني
سلاف...كنت نشوف لقصي وعيوني دموووع فوق اهانته تكمل هي عليا بس مردش
قصي ...كنت نشوفلها من تحت النظارةوقريب تتفجر تبو الحق منظرها وهي معصبه حلو 🤗هدا علاش ديمه نعصبها ولانها حماااقه مش زي سهام
سهام: قصي قول لي سيفانا تركب التالي من صغرنا نعرفو سلاف من قدام
قصي: فتح الباب وركب هي ارزنو واكبروا معاش صغار راكم وسكر الباب
سلاف: انصدمت دموعي نزلو وجعني موقفه البايخ
سيفانا اركبي التالي سلاف وكان تعبت من الطريق تو نغيرو😄
كريمه:تعالي جهة الروشن واني في الوسط
سلاف: لا صحيتو... ناصر نركب معاك
ناصر :ماشي في البيجو
سلاف :عادي
قصي: ريحتها عتوت راهو اركبي بلا دلع
سلاف صحيت متعوده ع ريحه الدجاج مش حتفرق
مشيت ركبت مع ناصر وطلعنا ورا بعض

في الحدود...
سامانتا: سامويل نو
اسماعيل: ها حبي نولع في التكيف
سامانتا :no no noتو انحي الكت
جداي بنيتي هو انتي شن لابسه باش وتنحي😓

محضيه: والله جا من كركبها التالي
صبحيه :شفتي كيف قبل كانت تقعمز من قدام تقولي معمر يحكم😂😂
سالمه :لا توا كان تسأليها زعلتي تقولك لا جوي مليح وفوق الريح
جمعه: متبوش تسكتو
محضيه :اسمع لما نبدو نهدرزو ودنك معاش تكسرها دير زي سالم اسمع ولوح في البحر😁
سالم :هههه امه راهو تحشمي
محضيه: مش خالتي اني حره
سيفانا: حط اغنيه اجنبيه
قصي :شن تبي
سيفانا :حط اريكي
سهام :لا لا نحبه السوكني خليه
قصي: ياغيبة سلاف اهو توا نسمعو في المعيقلي
سهام: كان فاقدها برا اهي ورانا
قصي: فكره حق شويه ونجي
سلاف: وووك محرفها من طلعه ياريت ماسافرت
ناصر :ههه علاش مش نظيفه
سلاف: نظيفه شنو هدي تبي حرق نقولي مقعمزه مع العتوت لا ومع النو طلعت الريحه اااخ ياربي مبرك معمل الدجاج
ناصر :اهو قصي جا
قصي :اهلين افففف هدا شنو
قصي: شي
قصي :متشميش سلاف كيف مقعمزه فيها
سلاف :عااادي منشم في شي بالعكس انتعاش تام
قصي نحى النظاره وشافلها حاق

**حبيبي تملك نظره لا استطيع مقاومتها تملك سحر جادبيه تأخدني من عالم لاكون في عالم اخر**
سلاف: اي
بيب بيييب
قصي هيا باي نتلاقو في تونس😎
سلاف...ااااخ اني في ليبيا ومش شايفني خلي تشوفني في تونس
قصينا الحدود والجو حلووو كانش عندي اني صارلي تسمم واختناق وهم احرف😷🤕😤😷

سامانتا :اوووبيبي سامويل وصلنا جربه
اسماعيل اي يا حبي
سامانتا😙😙😙
اسماعيل😗😗😗😗😗
جداي :هااااي ياعن بوك تحساب روحك عبد الحليم حافظ تحشم
اسماعيل :امي نحسابك راقده
جداي :وعيونها قريب 😠يطلعو رقدوك في قبرك هدا شنو ااا بتفضحني ع اخر عمري اسمع والله ادير حاجه قدام خوالك نحكلك الفلفل في شوارب الجمل يلي عندك
سامانتا: خيركم شن في
جداي تساوي في فراشيتها لا شي غير نوصي فيه على سعاد حسني
وصلنا لي جربه ولان حني عمرنا مافكرنا نسافرو اوندهورو عمي تورط في المصاريف الكل حتى السكن

اسماعيل: اهم اربع حجرات
جداي: لمن
اسماعيل :وحده ليا اني وسامانتا
ووحده لتريس ووحده لنسون ووحده لي سيفانا
محضيه :بهمس يلي مايتحشمش حتى هني بيدير برنامج😠
جمعه: تحشمي
محضيه: ماجاب اخرتي كان الحشم اصلا جمعه خودلي دار نبي نديرو برنامج
جمعه: اسمعي ماجبتش ولاقرش
صبحيه :شفتي الفالح خدا دار ليه ولي مرته والعزوز معانا
محضيه: شن هوااا 😲😲لا استطيع لا اقدر
محضيه :سامويل شن رايك ترقد انت وامك وتعطينا سامانتا😎😎
اسماعيل 😨😨😨
جداي: اول مرة تقولي حاجه باهيه😄
ركبنا لي الديار وحطينا حاجاتناونزلنا تغدينا
سامانتا: اوووه هادي مكاله حلوه
محضيه: وخيرك ياكبدي معجبكش تاطيبي
سيفانا :بازين بكبوكي
صبحيه: عندها الحق ماكله تجنن😍😍
محضيه اسكتي اسكتي وانتي غير تنافقي😒

اسماعيل: كان كملتو غيرو باش ندهورو
جداي: خلي نديرو زي الناس نرتاحو اليوم
محضيه ياقهرتي الاجانب يطبقو في ماقولة الوقت من ذهب مش زينا الفناها وعربي ماطبقهاش
كريمه: هي باهي نغيرو
ركبنا الكل غيرنا ولانا في تونس الكل طلع احلى ماعنده
شن بيصير في اول مشوار لينا في جربه....يتبع