**احببتك خارج الوطن**

الحلقة الخامسة والعشرون

لا احلل النشر
**احببتك خارج الوطن **حلقة25
للكاتبة*سونيا ايلين*

قصي :هدا ديسكو
سيفانا: اي عادي متكبرش الموضوع
دخلت وراها واني مصدوووم كيف عمي مخلي بنته هكي ع حل شعرها
ساره: هاييي
سيفانا: هاااي هدا زوجي
ساره :تشرفنا
سيفانا :ساره ليبيه مقيمه هني
قصي ابتسم بلا نيه
سيفانا: وين باقي الشله
ساره dance
سيفانا: نبي نرقص تعالى معاي
قصي شدها من يديها: تتسهوكي انتي على منو اا
سيفانا: خيرك
قصي: هيا بالك اطلعي
ساره :خيركم عاااد
سيفانا: تعالي نبي الحمام
قصي: يااارب صبرني
....او الافندي هني
قصي مستغرب: انت
جاك جونيور يلي تلاقى معاه في تونس: انستنا هني
قصي: وسيم صح
وسيم: ايواا شنو جابك بزنس
قصي: لا زواج
وسيم: مستغرب منو
قصي :سيفانا
وسيم: منو

سيفانا: اوووف بيهبلني يبيني نتغير
ساره: طرف لو منك نتغير ع خاطره
سيفانا: هو طرف يس بس صعب
ساره بخبت :ملمسكش
سيفانا :no هدا لاش نبيك
سارة: شنو
سيفانا: نبيه يشرب الليله باي طريقه
ساره :علاش
سيفانا: باش يروح.دايخ ويلمسمي وميركزش
سارة: خايفه
سيفانا: هدا شرقييي راسه حيط مش حيفهم اني راقده مع غيره
ساره تعدل في روجها ع المرايا: قصدك راقده مع نص رجال كاليفورنيا
سيفانا: باسله المهم كيف الحل
ساره :قصدك مايشربش
سيفانا: تقريبا لا .بس لازم يتخدر اليوم باش نفتك من هدا الموضوع
سارة: ولا يهمك
قصي: هكي حياتكم انتم
وسيم :كيف يعني
قصي: رقيص وعرا وجو
وسيم: شكلك اول مرة تدخل بار
قصي: واخر مرة ان شاء الله
وسيم: شكلك مش فرحان بالجيه هني
قصي: صح ليبيا موليه ماتنطاقش بس اقل شي مش زي توا مافيش غيره
وسيم :من قال اني خواتي مولودات هني ويطلعو بحجاب ويوم نفكر نتزوج نتزوج بنت بلادي
قصي ابتسم: واخيرا شفت ليبي عاقل
وسيم: باهي يا غيور
سيفانا :تعرفتو
قصي: اي هي نروحو
سيفانا: مازال ناخدو حاجه نشربوها
قصي مطبس راسه: ربي يصبرني

قعدنا مشوار لين جابو كيسان شرب
قصي: هدا شنو
سيفانا: شامبانيا بنحتفلو بعرسنا
قصي :شن هواااا انتي تشربي
ساره :متكونش معقد خليك cool
قصي شاف: لوسيم
وسيم: متشوفليش اني جيت سلمت عليكم وماشي مع الشباب
قصي: حتى انت تشرب
وسيم: الحمد لله ان عندي قرحه معده كان هدا البنات خلوني نشرب من امتى
قصي :هيا نوووضي
سيفانا: قصي خيرك
قصي بعصبيه; بتنوضي والاااا
سيفانا:ok ok

طلعنا من غادي واني نقول شن درت في رووحي ماهو كنت عايش ومرتاح
سيفانا: خيرك معقد هكي
قصي قريب عروقه يطربقوووو :معقد ديسكو ورقيص وعرا وشرب ومعقد انتي شنووو بس

وصلنا للحوش واني كنت ع اعصابي منتهي لقيت عمي قدامي هي ركبت فوق واني لاني ضيف لازم نقعمز شويه طبعا ماقلت شي لعمي خفت يقتلها

بعد شهرونص
محضيه :نوضي هيا العشاء واتي
سلاف: به انكمل الورقه هدي بس
محضيه: كمليها بعدين الكل يستنو

فات ع غيبه الغالي شهر ونص مكنتش نعرف شن اخباره رغم انه يكلم في اهله كل يوم بس ماحاولتش نسأل عليه بمكن لاني نحاول ننساه بس شن بينسيني في حب تولد معاااي
دخلت للكليه قسم مختبرات لاني نحب الكيمياء هلبه كنت نحااول نركز في قرايتي ولو جاء في بالي نحاااول انحيه

قصي :وين ع خير
سيفانا: بنطلع مخنوقه
قصي: شدي مكانك
سيفانا :لااا علاش بنقعد انت متكلمش فيا وفوقها مقربتنيش لتوا
قصي: لما تعقلي وتولي زي مانبي نقربك
سيفانا: ok bay
قصي :نكلم فيك اني استني
اسماعيل: خيركم
قصي ماكنتش ناوي نحكي شي لعمي خفت يمرض او يقتلها بس خلاااص
قصي: ياعمي بنتك ماتسمعش الكلام بكل😡
عمي: سايرها معليشي صغيره😓
قصي:عمي بنتك ادخن😠
اسماعيل: اكيد نفسيتها تعبانه☹
قصي: ياعمي لبسها مش مزبوط بكل 😠
اسماعيل :هكي الموضه😩
قصي :ياعمي انت تسمع فيا 😡
اسماعيل: قصي وليدي انت ولد خوي ونبيك تساعدني فيها البنت صاعبه وماتسمعش الكلام قلت نزوجها باش تعقل
قصييي مصدوم
اسماعيل: هي تحبك غير راسعا يابس
قصي قعمز ع الكرسي وحط راسه بين يديه
اسماعيل: توا هي متزوجاتك بس تتغلى عليك سايرها شويه وتو تمشي في طوعك
سامانتا :ساموييييل come
اسماعيل: a'm come😍😍
قصي... كنت مصدوم في عمي في طريقة ربايته ليا شهر ونص معاهم لاحظت انه مجرد ظل ويبوني نكون ظل زيه حسيت بالغربه بجد مهمش عيلتي ولا ناسي حتى عمي مش زينا لحظتها خطر ع بالي سؤال هي علاااش تزوجتني شن تبي في ليبي متخلف على قولتها.. ركبت لداري قعمزت ع السرير ودموعي في عيني جت على بالي سلاف يلي منقامتش من بالي كنت ديمه نفكر فيها والليل ناخد مخده انضمها ونتخايلها هيا
سيفانا حلوة وحلالي بس مقدرتش نقربها حاسس انها مش من ملتي رغم انها مسلمه
خديت هاتفي وقررت نتصل بيها

سلاف... كنت مقعمزه نتفرج ع صور هاتفي صور في الحوازه وصور لما مشبما لطرابلس كانت بالنسبه لينا وقتها احلى طلعه كنت سرحانه في صورته لين رن هاتفي رقم خارجي عرفت انه رقم قصي لانه شفته كدا مرة في هاتف كريمه هدي اول مرة يتصل بيا من يوم ماسافر كان قلبي يدق دقات فرح وخوف
ترن ترن
سلاف....يتبع