**احببتك خارج الوطن**

الحلقة الثالثه والثلاثون

لا احلل النشر
**احببتك خارج الوطن**حلقة33
للكاتلة *سونيا ايلين*

سلاف: لاس طلقتها
قصي لان سيفانا ...توا لاش القصقصه المهم طلقتها وتوا ليك
سلاف :به سلام
قصي: هاي وين.ماشيه مازال مشبعتش منك
سلاف: نعم
قصي :خيرك
سلاف :شي
قصي: بلاجو
سلاف: مش مرتاحه انت ماتبيش تقول لاش طلقت واني منعرفش السبب
قصي: توا ماتشغليش بالك نبيك بس تحبيني
سلاف: به بنمشي

مشيت من بحداه واني مش فاهمه شي صح طلق وولا حر بس اضايقت ع سيفانا خصوضا انها بنت عمي☹

في الليل ....
قصي.. ماشفتش سلاف بعد مشت من بحداي حتى وقت العشى ماجتش تعشينا وكنا ملتمين الكل قلت حنكحيلهم الكل مرة وحده خير ما نعاود القصه مليون مره
جداي: البنوت الباير مد الشاهي وتسقد
سالمه :مشو بحدى سلاف يكسدو
جداي: ومن بيضم الحوش
محضيه: ع اساس اتمسي في حاجه
قصي :بنقوللكم حاجه
سالمه :ان شاء الله خير
قصي :اني طلقت سيفانا
الكل😨😨😨
قصي: نصيب
سالم بعصبيه :شن هو طلقت البنت وتوا متكلم وتقول نصيب😠
قصي: مفيش نصيب شن تبي اندير
سالمه :علاش ياوليدي
قصي: حاجه خاصه
سالم وقف :حاجه خاصه انت فاش تخرف طلقت بنت عمك علاش
قصي :متفاهمناش
سالم: والله كنت عارف انك مروحتش لانك مستاحش لكن سكتت
قصي: بوي اني راجل ونعرف مصلحتي
سالم: مادام تعرف مصلحتك برا من قدامي

قصي ..طلعت من بحداهم واني معصب موت متوقعتش رد فعل بوي هكي

سلاف: شن ها الصوت
سهام: ان شاء الله خير
كريمه: هدا قصي طلع بالسياره
سلاف :وين ماشي في هالليل
كريمه: خلي نمسي نشوف سلام
طلعو من عندي واني طووول سكرت الباب واتصلت بيه
سلاف: الو
قصي: اهلين
سلاف: وينك شن في خيرك طلعت مستعجل
قصي :يمسح ع وجهه قلت لبوي اني طلقت
سلاف قعمزت: وبه
قصي: ايي
سلاف: شن قال
قصي: فوتي الموضوع خلاص
سلاف :منفوتاش شن قال
قصي :سلاف هي كلمه خلاص
سلاف: به
سكرت منه وتفجرت بكاء معرفتش وين ح يبات وفوقها لاش طلع البرا.. لين عاود اتصل
سلاف: ايوا
قصي :عندك علم اني نحبك ومعاش تبكي💓
سلاف: ابتسمت
قصي :تنهد
سلاف :خيرك
قصي :نااادم ان متزوجتكش انتي
سلاف ...
قصي: بري ارقدي وغدوة نتلاقو

سكرت منها واني الهم راكبني متوقعتش رد فعل بوي هكي يكون ونعرف بوي راسه مسكر مش حيرتاح لين يعرف السبب واني مستحيل انقوله لان حنفضح عمي اسماعيل وبنته وفوقها مش عارف كيف حنقنعهم ان نتزوج سلاف

سلاف سكرت منه وحطيت راسي ع المخده والهم راكبني منتحملش اهله يزعلو منه

جداي: اهدا يا وليدي
سالم بعياط: كيف يطلق بنت عمه لعبه هيا
سالمه: مرات متفاهموش
سالم: هو شن قعد ٣ شهور خيره مصبرش عليها
محضيه: مرات صبر واطربق😂
سالم:اسكتي انتي ع اساس جمعه مصبرش عليك😒
محضيه :😠شن هوا توا بتقارني اني بسيبانا
جمعه :تبي الحق مافيش مقارنه
محضيه :جمعااات
كريمه: قصدكم طلق
سالمه: غير كلميه يجي نفهم علاش
سالم: لا يجي لا شي مايعفسش الحوش الا ومرجع مرته
جداي: وووووك عليك يا اسماعيل طلقو بنتك ومتكلمتش
محضيه: انقص يديا الا دايره فالطه

سلاف... كان الصوت عالي هلبه نبي نمشي نشوف بس خفت حسيت كأنهم يعرفو ان اني نعرف لين خبط الباب
سلاف: شنو
سهام: انتي يا فانص تعرفي انه طلق
سلاف: اي
سهام: وعلاش متكلمتيش
سلاف: اليوم قالي
سهام: علاش به
سلاف: والله ماقاااال قصدك عمي زعل
سها:م بيطربق وقال ميخشش للحوش الا وهو راد مرته
سلاف يحليلي

فاتت هديكا الليله عليا زي الغمه من يلي صار اتصلت بيه مرة واتنين وعشره ميردش مقدرتش ليلتها نرقد وسوسلي الشيطان انه روح وخلاني قعدت افكار تجي وترفع للفجر صليت ودعيت ربي لين طاب خاطري وغفيت شويه نضت بعدها لبست وطلعت مع ناصر والبنات للجامعه
كريمه عيونها منفخات من للبكاء: والله امس بوي ركبله السطر والضغط
سهام: ربي يهديه بس علاش طلق
سلاف :في خاطرها راااعو مشاعري
كريمه :مقلكش علاش
سلاف: والله لا
سهام: اكيد ع خاطرك
كريمه :يكلم فيك قصدك
سلاف: خلااااص فكووني بالله راعو مشاعري هو طلق شن تبوني ندير نقوله ارجعلها اني بروحي مش عارفه وين واقفه ومشيت من بحداهم
مشيت للقاعه وحكم مفهمت شي من المحاضره وجعني حالي اكتر وحسيت قصتي تلخبطت
انحب ولد عمي وهو تزوج وطلق وتوا اهله يبو يردو مرته واني كأني مش موجوده قصي شخصيته قويه اي ولو قال كلمه حتمشي بس مش عارفه شن حيقول حيختارني او حيطيع بوه ويرجع مرته

كملت المحاضرة وطلعت كلمت البنات قالو انهم بياخدو فطور مشيتلهم لين وقفني...
انور: سلاااف
سلاف :اهلين دكتور
انور :وينك يومين ماجيتيش ونتصل هاتفك مسكر
سلاف: البطاريه هالكه والحق مريضه
انور وعيونه كلها حب :خفت صارتلك حاجه
سلاف: لا شكرا ماصارلي شي
انور :عادي نقعمزو نهدرزو
سلاف: شن بنقولك دكتور انت شخص تتمناك مية بنت بس الحق اني منفكرش في الزواج توا نبي نقرا
انور :مقتلكش بطلي اني بالعكس ندعمك وتكملي برا
سلاف: الحق منبيش نبعد على اهلي
انور :بس اني كلمت حتى امي عليك
سلاف طبست راسها :نصيب
انور :تمام وان شاء الله معرفه طيبه وتحتاجي اي شي كلميني
سلاف: تسلم

**ان نضحي بقلب عاشق لنا لاننا نعشق غيره....كمن يضحي بعصفور في اليد لاجل عصفور في الشجرة**

قصي... طلعت من اهلي مشيت لاستراحة عبد الله صاحبي وكان معاه شباب كسدنا الحق صح قلبي مغموم بس الزحمه تخفف شويه قعدنا نهدرزو لين رقدت نضت الصبح صليت و لقيت هاتفي مسكر ومعنديش شحن وكنت نبي نكلمها خلاااص خديت طرحه من عبدالله وطلعت للجامعه طول واني ماشي انصدمت لماشفتها واقفه على الدكتور
قصي: سلااااف
سلاف:😨😨
قصي: انت شن اديري معاه......يتبع