**احببتك خارج الوطن**

الحلقة الثامنه عشر

لااحلل النشر
**احببتك خارج الوطن**حلقة18
للكاتبة *سونيا ايلين*

سلاف ....بعد امشو البنات دخلت لداري اتكيت قعد شريط حياتي يمر عليا الحلو والمر بكيت وبكيت وبكيت لين عيييت
سالم :هيا عاد الباص يستنى
صبحيه: اهم طالعين
محضية :نموت ونعرف فرختي وين
سهام: في الحوش
محضيه :خلي نقرصها باش تخف روحها
كريمه :لا مش ماشيه
محضيه: شن هو كيف
سهام ادف في محضيه للباص :ماهو جتها.....وتعبانه
محضيه: وك منها بنتي معندهاش حظ بكل
كريمه وسهام شافو لبعض

ناصر يلبس في قصي: خيرك يا راجل
قصي: مش عارف حاسس اني غلطت واستعجلت
ناصر :لاستعجلت لاشي البنت كيف الغزال
قصي :قلبي مش مرتاح
ناصر يعدل في القرواطه :توا بعدين ترتاح اطلع من ليبيا شن عاجبك فيها ولو عندها صاحبه تبي ليبي طرف ماتنساش خوك😍
قصي ابتسم

بعد المغرب في الصاله....
سالمه :الحمد لله الضيوف الكل وصلو
محضيه: اي حتى الملتزمه جت مانا شنو عشاء اجانب من يفوته😊😋
صبحيه: مادام وصلو حطوالعشاء
محضيه: مقحوطه فضختينا
صبحية: مش منك من القفطان متاعك😂
محضي:ه كان نقولك وتبسط توشوش قريي يطربق انحس ان لو نشرب ميه السوستا تنفتح والقفطان يطربق من الجناب
صبحيه😂😂

عند سلاف
كانت الحوازه هدوووء تام كنت متكيه ونشوف لنقطه وحده بس في الحيط نقول الله كان يروحو ويقولو العرس ماصارش منه تمنيت حتى يقولو ان العروس ماتت المهم مايصيرش

في الصاله...
طبعا العروس بما انها اجنبيه قالبه الصاله ع راسها بالغناء الاجنبي واخيرا فتحت ديسباسيييتوووو
جداي :هدا شنو خيرهم الصبو صاع بلا شلتت
صبحيه: يقلدو في الاجانب
سالمه: استغفر الله منحسابش الصاله هكي
محضيه تصفق شايشه: لا ياروح امك شن تحسابي مانا يولعو في عبد الباسط عبد الصمد😂😅😆😁
جداي😨
صبحيه 😨
سالمه😨
الناس😨😨
الصاله كلها😨😨😨
طبعا الا العروس😍
جداي هادا شنو متقوليش هادي كنتي😲😲😲
محضيه بتطربق من الضحك :لا عمتي هادي شاكيرا جايبها سااامويل
سالمه :يالطيييف
محضيه: وك.عليها
سامانتا كانت لابسه قفطان قصيييييير وحكم شفاف ولما ولعو ديسباسيتو المرا نطت فوق الطاوله وراب ع اصوله تقولي ضربها الضي
جداي :نزلوها راه الطيح
محضيه: شن خايفه عليها متخافيش قالك قارياته قرايه الرقيص😂
جداي: واك زمزم جت شن بيسكتها
جداي زمزم: ماشاء الله ع كنينتك تقولي بوبريس طايح في ميه
جداي:😒
جداي زمزم :شكلها كلبه
محضيه: اول مره تقولي حاجه صح
قعدت جداي ع اعصابها الكل مستغرب من سامانتا لين وصل العشاء صار هدوء في تلصالة
صبحيه: هدوووء اس نبي ناكل
محضيه: سالمه وخيتي افتحيلي السوريتا نتعشى ونسكرها
جداي :شن بيسكرها بعدين
محضيه: تو انحيه لابسه قاميدجا استر من قفطان مرت سامويل😎
جداي😒😓

محضيه :اس اهم وصلو لطاولتنا والله جعت موووت
صبحيه ومحضيه وسالمه وجداي والبنات والناس 😨😨😨😨
الااااا سامانتا وسيفانا😍😍😍
محضية تتكلم بسرعه :هدا شنو هدا منو
صبحيه: اكيد هاد الصحن فارغ
سالمه: الله اكبر هدا شن
جداي: ياكبادي وين العشاء وراي دواء القلب والسكر والضغط😭
محضيه :موتي عمتي خيرلك
سامانتا جتهم للطاوله :اوووو ان شاء الله عجبكم العشاء
محضيه: وينه ماشفناشي😠
سامانتا: والله درت تريبولي كلها باش حصلت شيف يطيب الماكله هادي
طبعا العشاء كان سلطه عربيه وورقه سلطه فيها طابع جبن قوتا مربع جبنه معمل يعني موقطعه بطاطا مطبوخه وفوقها زيتونه وحاجه سايله😂 عليها ورقه معدنوس وورقه بروكلي فيها نص دحيه مطبوخه
سامانتا: عمتي ان شاء الله مايوجعكش البروكلي
جداي😓
محضيه: قصدك هدا العشاء وين الدجاج واللحم
سامانتا :ااا مقتلكش حني نباتين 😊
محضيه :عطك بريمس يفجر راسك عازمين الجيش هدا كله ع شويه صفصفه
صبحيه :منين جبتي الدعوه هادي
محضيه :فكيييني منك هكي لانها يبيلهاوباش تفهم البريمس
طبعا كانت الصاله كلها تغلي والناس بدت تتصل باش تروح لان حني شعب نمشو للاعراس ع خاطر المما😉

قصي متوتر ويمسح :في وجهه
فتحي: خيرك ياراجل صايره فيك حاله
قصي: لاغير نو هلبه
عبد الله: توا الليله بتبات في الفندق وبعدها تسافر
قصي :يستر الله
فتحي: من زيك ياعم
ناصر: اوراقك كلها معاك
قصي: اي واااك ع النسوة الجواز في الحوش
ناصر: تو نجيبهولك الصبح
قصي :صبح شنو مازال فيها صبح
قصي :تو نمشي نجيبه
ناصر :اعقل خير تو نمشي اني
قصي:بين الدبش مش حتعرف خلي نكلم امي ع المفتاح
سالمه :هدا قصي يتصل
محضيه: وين بتسمعهيه في هالدوشه
سالمه: تو نمشي للحمام
محضيه :بالك بيخش قوليله يخف روحه لاني جعت خلي نروح نحط بكبوكه

سالمه: ايوا
قصي :يام المفتاح وين نبي الحوش
سالمه :عندي هني
قصي: اني عند عبد الله صاحبي والصاله تيرو نمشي ونجي وبوي ميردش
سالمه :شن تبي انت
قصي: جواز
سالمه: اها تفكرت عندي نسخه حوش عمك جمعة برا خودها قول لي سلاف تعطيهالك
قصي :سلاف مش في الحفله😳
سالمة: لا مسيكينه مرضت مقدرتش تجي
قصي: به
قصي....خديت مفتاح السياره وطول مشيت منعرفش علاش بس قلبي كان مضايق من هلبه حاجات

**ان احبك وانت تحبني وكلانا يعتقد ان في حياة احدنا عاشق اخر هدا ليس امر صعب... بل قاااتل**

سلاف... كنت حاسه ان روحي بتطلع ...خلال فتره قصيره جت وحده هدت يلي كنت نبني فيه من طفولتي وتسقدت
طق طق..
سلاف بتعب :منو
قصي: اني قصي.....يتبع

علقو حبوباتي