**احببتك خارج الوطن**

الحلقة التاسعة

لا احلل النشر
**احببتك خارج الوطن**حلقة9
للكاتبه *سونيا ايلين*

قعدت نفكر في كلام سهام وكيف عرفت ان انحبه وانه واضح عليا وكيف قتلي نعترفله والله لو نقدر اهو قتله بس منقدرش نخاف يكمل يهزى على مشاعري
كانت فكره تمشي وفكره تجي وفي الاخيييير قررت ننزل

محضيه: وينها سلاف
سهام :مريضه متبيش تنزل
سالمه: خيرها
سهام: شي راسها من الطريق
قصي :كنت مقعمز مع عمامي ع الطاوله يلي جنبهم ولما نزلت سهام نحساب وشواشه وراها بس منزلتش لما سمعت انها مريضه حسيت احساس منعرفش نوصله...
جداي: مانا اسماعيل وين
فرج :طلع هو ومرته
جداي :عليه ربايه مرفعش امه
جداي: يسلم بنتي لوحي المنجوه يلي في يديك تربحي
سيفانا: كساد
جداي: قصي تعالى
قصي: نعم
جداي: برا ادهور مع بنت عمك تعرف عليها
قصي: جداي😓
سيفانا: اوكي
قصي: هي به😟

نزلت والحق معرفتش هما وين والدنيا الظلام ومعنديش هاتف قلت احسن حاجه ندورهم

قصي: احكيلي ع روحك
سيفانا :عادي بنت كيوت وحلوه وفري
قصي: كلمه فري تخوف😣
سيفانا: what
قصي :فوتي الموضوع

دورت عليهم وبعدين قلت نرجع للفندق وندور من الجهة التانيه
واني راجعه تلامحت زوز يتمشو ع البحر
كانت سيفانا بشورت وكت وحبيبي.....

اااخ قداش ماحسيت الدنيا ظلمت قدامي وقتها حسيت اني نحب من طرف واحد وحبيبي ملك غيري

**ان يكون كل تفكيري فيك وبك وعليك ان تكون ليلي ونهاري ان تكون سر بسمتي ودمعتي وانا لست الا شخص عادي... شيء مؤلم**

رجعت للحجرة.جري سكرت الباب وطحت ع الزليز بكيت وبكيت وبكيت خلااااض قصدي لازم نصدق انه خطب ويحب غيري واني منيش الا حد عااادي بكيت لييين عرفته بكاء...
سلاف: يااارب تعبانه يارب قيمه من قلبي حبه خنقني عدبني خلاااص ياربي
محشيتش الا وباب الحمام فتح
سلاف: انتي هني
سهام: هدا كله حب
سلاف....خلاص لامتى بندس عيوني ودموعي فضحوني
سهام: وك عليك يا بنت عمي من امتى
سلاف تمسح في دموعها: كل مايخطم من قدامي كل منشوفه كل ما نسمع صوته خلاااص تعبت
سهام :قوليله
سلاف :ماااانقدرش فاش تقووولي بس.. تبيه يضحك من قلبه عليا
سهام قعمزت جنبها
سهام:باهي بتقعدي هكي تعاني تحبي من طرف واحد
سلاف: باهي شن اندييير حتى اني مش عاجبني حالي راني ننسحق كل منشوفه وهو مش معبرني خاااطري نقدر انقوله انحبك ونموووت فيك بس نخاااف يرفضني
سهام: جربي به
سلاف:مستحيييل ومسحت دموعها قبل كااان ممكن بس توا مستحيييل منهينش روحي
سهام :بهي خلاص انسيه قيميه من راسك
سلاف تكت راسها ع الباب :خلاص بعد يلي شفته لازم ننساه
قصي😳

قبل نص ساعه.....
قصي: شن احلامك
سيفانا: نفتح نادي رقص شرقي
قصي😨😨😨
سيفانا :yesشاركت في كم تحربه رقص وكنت نفوز وتوا قررت نفتح نادي
قصي :ربي يوفقك
سيفانا :يوفقنا لان بنفتحوه مع بعض😄
قصي: 😒
سيفانا: وانت شن حلمك
قصي :نبني جامع
سيفانا :فكره حلوه نبنوه مع بعض
قصي: لااا مايركبش نادي وجامع مع بعض كل واحد بروحه
سيفانا: تعرف شن اكتر شي عاجبني فيك
قصي كان حاط يديه في جيوبه ويلعب بالرمله برجله ويشوف للبحر
قصي: شنو
سيفانا: انت مخليني بحريتي مش مقيدني في لبسي او تصرفاتي
قصي شافلها: هديكا حريتك
قصي شفت لي سيفانا وتلامحت حد من بعيد جتني كأنها سلاف لابسه عبايه وماشيه جهة الاوتيل ابتسمت وقلت في خاطري وشواشه في دارها مريضه
قصي :هي نرجعو
رجعنالي مكانا واني خديت الادن ع اساس بنرقد ركبت فوق وقلت نشوف وشواشه مريضه كيف عاد مانزيدش انمرضها😂😂وصلت حجرتها وكيف بنخبط سمعتها تتكلم
سلاف: خلاص بعديلي شفته لازم ننسااااه
قصي😳.....يتبع