**احببتك خارج الوطن**

الحلقه الواحد والثلاثون

لا احلل النشر
**احببتك خارج الوطن**حلقة31
للكاتبه* سونيا ايلين*

سهام :هادم وين ماشين
كريمه :مش عارفه خلي انكلمه

سلاف: ها ركبت شن تبي
قصي زي المجنون ولع السيارة وحرق العجل
ترن ترن..
قصي :شن تبي تواا
كريمه: لا شي غير شفتكم طلعتو
قصي :سلام توا نجيكم مع الواحد ونص
سلاف: وين رافعني
قصي...
سلاف: نكلم فيك رد
قصي: منبيش نسمع حسك

سكتت تبوالحق خفت منه كان يجري زي المجنون سلاف: بشويه راني قريب انرجع
قصي رخا السرعه ودرس قدام البحر
سلاف: لا جبتني هني
قصي شاد الستيرسو بقوة جهده
سلاف: نكلم فيييك رد راني ميته رعب
قصي يعيط: وخيرك مامتيش حشمه لما واقفه على النعنوع متاعك
سلاف حست ان حرقه الموضوع بجد
سلاف: مش نعنوع هو راجل بمعنى الكلمه حبني وبيجيني للحوش
قصي :تبصري اكيد... انتي ليا اني بس
سلاف: فااش ترفس انت
قصي: وربي تخمري في الحوش وماياخدك حد
سلاف خنقتها عبرتها وانفجرت فيه :انت خيرك ااا شن هالانانيه يلي فيك فهمنييي يوم قتلك اقعد على خاطري مقعدتش ترجيتك قتلك اني انحبك شن قتلي انت ااا ؟مرضت على خاطرك ورقدت في المستشفى وانت شنووو درت جيتني للمستسفى سمعتني كلمتنين حنينات ومشيت
قصي عيونه دموع: باهي اني غلطت لازم تغلطي زي
سلاف قبلت قدام :مش حنغلط اني حندير الشي الوحيد الصح في حياتي
قصي شد يديها :اني اسف
سلاف طبست راسها ودموعها ينزلو
قصي بيديه الغلاظ الدافيات ضام يديها الباردات قصي: والله عارف روحي غلطت ونادم قريب ناكل الجيفه ندمت لما طلعت من المستشفى ومهربتش بيك ندمت يوم جيتي تحت الليمه وماقتلكش انك مش ساكنه قلبي انك قلبي كله💖 والله العظيم في كل لحظه واني البرا الا انتي في بالي
سلاف :اسكت خلاص
قصي: اني غلطت هلبه ان مخترتكش انتي
سلاف تمسح في دموعها
قصي :سامحيني
سلاف...
قصي: اقسم بالله الا متت ونضت حي لما شفتك واقفه على الدكتور
سلاف شافتله في عيونه وعيونها مطر :شن تقول عليا اني يلي شفتك عريس ولابس البدله اا... شن تقول عليا واني نحني في مرتك باش تشم ريحتها ...شن تقول عليا واني نعول في عرسك ااا شن تقول عليا لما سمعت صوت التبيب وعرفت انك روحت بيها اني متت ومانضتش حيه💔
قصي قرب منها وشد يديها بالقوة :والله ماكنت نعرف انك اتحبيني والله كنت نحسابك تحبي غيري واني مشاعري تحركو وبقوة لما مشينا لي تونس
سلاف تبكي
قصي: نسالك سؤال
سلاف: نبي نروح
قصي: ردي ونروح بيك
سلاف: شنو
قصي قبللها وجها ليه: انتي قاعدة تحبيني
سلاف توترت من سؤاله... تعرفو بجد فشيت غلي حسيت روحي طلعت كل شي كنت نحبه لدرجه لا توصف لدرجه ان حتى وجعني بس نتمنى نكون في حظنه ان نبكي في حظنه
قصي: شوفيلي وردي
سلاف: منعرفش
قصي :بالله ردي
سلاف: منحبكش منحبكش انت متزوج
قصي: شوفيلي جاي اني كنت نحبك هلبه بس توا نعشقك بجنون ومنعرفش مرات غدوة انوض انطير رقبه هالدكتور
سلاف... اااخ قداش ماتمنيت نشوف كميه الحب يلي في عيونه في ضرف تاني لو انه لا تزوج ولا سافر ولا كان لغيري
قصي: انموت فيك انموت في عيونك
سلاف قلبها يدق
قصي خدا يديها وحطهاعلى قلبه: بالله اسمعيه شن يقول هدا ينبض ليك وبيك
سلاف: قصي بالله خلاص راك تعدب فيا هكي انت شنو تلعب بيا متزوج البرا وتبي تلعب بيا هني
قصي: اشسس قوليلي تحبيني
سلاف...
قرب منها وحط جبهته ع جبهتها تحبيني.....
سلاف...

**احكمت عقلي على نسيانك...لكن قلبي يود الرجوع ادرك انك لغيري.... لكن ضعفي كأنثى تحمل قلب عاشق للخضوع**
هديكا اللحظه نسيت كل شي نسيت انه متزوج وغريزتي الانانيه تبيه ليها
سلاف تتنفس انفاسه
قصي: تحبيني زي مانحبك
سلاف عينها في عينه اول مرة تكون قويه :انحبك اي واكتر مما تحبني نحبك لدرجه ان غلطك كبير بس قلبي اكبر وسامحك
قصي ...من غييير وعي مني قربت من شفايفها وبستها بستها بشغف الدنيا ومافيها
سلاف... كنت نتكلم واني مغمظه عيوني ماحسيتش الا بانفاسه قربو وشفايفه يلمسو في شفايفي مصديتاش كانت في حاجه في داخلي تقولي ياالله هدا دواء لجروحك الكل كنت نبادل فيه القبل كأني نبي ونبي بشده
قصي تنهد
سلاف حطت يديها على وجها
قصي يضحك :خيرك
سلاف فاقت من البنج😂😂 :مصح وجهك شن درت
قصي: مادرت شي حتى انتي درتي
سلاف: افتح الباب بننزل
قصي شدها من يديها: اعقلي منعرفكش طايشه
سلاف: بالله روح بيا
قصي يضحك :خيرك
سلاف: استغفر الله ياربي
قصي شدلها يديها :اني نحبك ونبيك
سلاف تمسح في وجها: بالله فاش تخرط انت متزووووج ومن بنت عمي
قصي: وبه
سلاف: انت تتسهوك مش حاسس بيلي درته انت تلعب بمشاعري
قصي شد يديها وولع السيارة :ماعاش من يتسهوك على مشاعرك
رجعنا للجامعه واني فيا حاجه فرحانه اول مرة نحس انه ليا وحاليا متاكدة ان قلبه عندي بس موضوع زواجه منغص عليا وانه روح وبروحه مفهمتش علاش

قصي :هيا اطلعي
كريمه: هيا
سلاف تمسح في وجها
قصي :خيرك
سلاف: معاش عرفت انت منو واني منو
قصي :اني ولد عمك وانتي حبيبة قصي
سلاف قبلتله: قصدك متزوج وعندك حبيبه
قصي شاف كريمه وسهام جايات :لا عندي حبيبه بس
سلاف: مفهمتش
قصي شافلها: متشغليش بالك انت بس فكري ان بوستك جننتنييي
سلاف😨
قصي :انحبك
كريمه :وين مشيتو
سلاف: اا
قصي: الخانم عاطيها الدكتور شيت صورناه وجينا😉

روحنا للحوش واني طريق كامله قلبي يرقص من الفرحه كنت نبتسم بروحي وعارفه اني في هالحظه يفكر فيا اول مرة بصدق نحس روحي شااااغله عقله
سهام :انزلي يا هو
سلاف: اا وصلنا
كريمه: اي
مشيت جري للحوش كل مانتفكر الموقف نسخن مع بعضي
غيرت وصليت وحطيت راسي ع المخده ليييين سمعت صوت رساله ع الفايبر
قصي: بس بس رقدتي
سلاف قعمزت وشدت هاتفها تبتسم :شن تبي
قصي: نبي بوسه😂😂
سلاف😨😨😨
قصي: خيره وجهك احمر
سلاف...
قصي :نبصر عليك نبي نقولك ارقدي كويس لان نبي نشوفك العصر
سلاف...
قصي: بطلي حشمه ماجاب المشاكل يلي حني فيها كان حشمتك
سلاف ..ياربي شن درت بس ورطت روحي اكتر

**تعجبنا لحظات سعادة خياليه نداري بها الامنا ونحن في الواقع ندرك انها جرعة زائده لاحزاننا**.....يتبع

تعليق قلبوشاتي