**احببتك خارج الوطن**

الحلقة عشرين

**احببتك خارج الوطن**حلقة20
للكاتبة*سونيا ايلين*

سيفانا شاده في يديه: l'm so happy
قصي: دوم فرحتك
سيفانا: خيرك حاساتك متشنج
قصي: كيف يعني
سيفانا باساته ع رقبته: يعني لتوا مابستنيش
قصي: ع شن مستعجله
سيفانا: ههه
قصي: نحي فيلوك وخلي نصلو
سيفانا؛ ضروري
قصي: شن هو
سيفانا: شي
قصي: تمام

مشيت غيرت ودخلت نتوضى حسيت روحي مخنووووق حسيت روحي غلطت لما تزوجتها هدي حياتي وخليت جداي.. تقرر ممكن كنت حنكون راضي لو ....ماحبيتش سلاف
لحظتها والله كراجل مش حاسس بشي اتجاها مش حاسس اني نبي نرقد معاها.... لا اله الا الله وخلاص

كريمه: وااك دهشتني عمتي محظيه باش ترقد غادي وحني نباتو مع سلاف
سهام: والله مقطعتلي قلبي زعما شن صار فيها
كريمه: هيا افتحي الباب
سهام: اها
كريمه :اكيد في دارها
سهام: اااا سلاف نوضي وووك خيرها البنت
كريمه.:خلي نمشي نقوللهم
محضيه: وك.جعانه موووت
سالمه: اهو شويه واطيب
محضيه: ضحكتيني ع اساس حطيتي مكسورتك فيها
جداي :بلا اسلوب كنتي الغبره😒
جداي زمزم :طالعه لامها الله يرحمها
محضيه: متعلماته المرحومه منكم مدرسه قدامها😎
كريمه: الحقوني
الكل: خيرك
كريمه: سلاف طايحه في الدار
محضيه: جمعااااااااا ولع السياره البنت ماتت خلي نلحقوها

قصي: صلي هيا
سيفانا: به
قصي: صليتي العشاء
سيفانا :شور من بكري
قصي :كيف كانه ادن وانتي في الصاله
سيفانا :اوووف قصي اسمعني كل واحد وحريته انت تبي تصلي صلي اني مش مواضبه عليها
قصي :فاش تقولي
سيفانا :زي ماسمعت تعالى ..بيبي نمشو للدار
قصي قربها ليه :سيفانا انتي توا مرتي نبيك احسن الناس نبيك تتغيري ع خاطري
سيفانا:how
قصي :كيف بنفسرلك توا.قصدي يوم تاني نبيك معاي في الجنه وباش تدخلي للجنه لازم تصلي وتغيري لبسك
سيفانا :قصي صلاه ممكن بس لبس no way
قصي :اني منبصرش وخلي الليله تفوت ع خير
سيفانا: حتى اني منبصرش كوموووون i want kiss you
قصي وخر: اسمعي اني تزوجتك لانك بنت عمي ومن ديني ..لما تولي تصلي تو نكون ليك
سيفانا عصبت :شن تقصد
قصي :منقدرش نلمسك وانتي لا صلاه لا عباده
سيفانا: ok good night
قصي :ارقدي

دخلت هي للدار واني اتكيت ع الكنبه حسيت الدنيا ضايقه بيا اكتر قعدت نفكر قصدي اني رجل شبه ملتزم صلاتي كلها في الجامع نحب المرا المستوره الخجوله بس سيفانا عكس كووول يلي نبيه اااخ ياربي وين.كانو عيوني لما كانت سلاف قدامي بحشمتها وعبايتها...استغفرت ربي وقلت توا هدا الكاتب اني مرتي سيفانا وسلاف قلبها معلق بغيري

جمعه :ها دكتورة خيرها
الدكتوره: انهيار عصبي حاد
محضيه ؛قصدك بتنشل وووك عليا
ناصر: عمتي اسكتي خلي الدكتوره تتكلم
الدكتوره :عطيناها مهدئات وتو تتحسن عليهم غدوه تطلع
جمعه: به
ناصر :لحظه دكتورة
دكتوره: تفضل
ناصر داخل بعضه :ااا مناش الصدمه
الدكتورة :منعرفش بس مدام.امها وبوها حيين معناها مرات من حد تاني
ناصر: الله لايربحك يا سيبانا
الدكتورة: شنو
ناصر: لا شي
الدكتورة :بعد ادنك
ناصر :ادنك معاك ...لو سمحتي لحظه
الدكتورة مبتسمه :يااا نعم شنو تاني
ناصر مبتسم: وحط يديه في جيبه قصدي منعرفش شن نقول
الدكتورة: شن
ناصر: اني اسمي ناصر مدرس وعندي حوش نصلي ونعرف ربي
الدكتورة: به
ناصر من الاخير: انت معندك حد والا لا
الدكتورة مبتسمه: الساعه ٢ توا غدوة نكون مركزه
ناصر :يعني مافي حد غير قولي
الدكتورة: حاليا لا
ناصر :تمام توا سلام وسامحيني تقلت عليك
الدكتورة :تصبح ع خير

ناصر :عطها الخير تجلط
محضيه من وراه :يطلع منك
ناصر: باسم الله
محضيه تبتسم: سمعتك ياولد فرج انت يا مهند معرفتكش
ناصر متحشم: فهمتيني غلط
محضيه: مدرس وعندك حوش فهمتك غلط مانا كان بنفهمك صح كيف
ناصر يحك في راسه: والله حسيتها كويسه
محضيم ضرباته ع كتفه: الكلبه طرف
ناصر :عمتي لازم منها الالفاظ هادي😓
محضيه ع سيرة الكلبه: اتصل بقصي خلي نتطمنو
ناصر تحشم: باهي بعدين هيا تعالي نروح بيكم
محضيه: هيا وخودلي شاورما😁
ناصر :شاورمة شنو توا😓
محضيه :ناااصر انت تعرفني فوله متنبلش في فمي خلي الليله تفوت ع خير
ناصر: هيا وامري لله

الصبح... فتحت عيوني لقيت روحي في المستشفى لحظه كان الوجع خاااف كأني مش اني لحظه بس ...بس بمجرد مافكرت فيه قلبي حسيته مظلم اسود كأنه حزن الدنيا فيه نزلت دمعه حااارة ع المخدة

ناصر: الو يا معلم
قصي يحك في عيونه: اهلين
ناصر :مبارك بنكلمك امس خفت نقطع حاجه😅
قصي :عطك دجاجه به شن تبي توا
ناصر: قصدك قطعت حاجه توا😎
قصي: خرفي
ناصر :لا منبي شي غير نطمن
قصي: قاعد عايش كيف حال العيله
ناصر :تمام اسمع شن بنقولك كانك فاضي
قصي حط يديه وراى راسه ومتكي :فاضي
ناصر مبتسم: تعرف شكلي حبيت
قصي مطربق من الضحك: يا كلب غبت عليك ليله حبيت
ناصر: شفت كيف شكلك نحس
قصي: غير وين لقيتها بس
ناصر: امس شفتها في المستشفى دكتوره
قصي قعمز: علاش المستشفى شن صار
ناصر: نسيت نقولك سلاف لقوها دايخه رفعناها
قصي: شن هو ووقف
ناصر: عندها انهيار عصبي
قصي يمسح ع وجهه :وين هي
ناصر: في المستشفى مع ١٠ بنمشي نشوف كان بيديرولها خروج
قصي: تمام باي

قصي.. حسيت الدنيا ضاقت بيا حسيت ان قلبي قريب يطلع ..ان عقلي هرب مني لحظتها تأكدت.من شكي اني نعشقها بكل جوارحي انها كل شي عندي ان فقداني ليها قبل مش جو صغار عرفت ان قلبي يلي كان يفقدها بس بعد شن بعد غلطت غلطت عمري....

الدكتوره :صباح الخير
سلاف مسحت دمعتها :صباح النور
الدكتوره :لااا دموع ع الصبح مش كويس
سلاف: الحمد لله ع كل حال
الدكتورة :شن تحسي روحك احسن
سلاف: نبي نطلع
الدكتورة: حاضر نكملو تحاليلك وتطلعي
سلاف: به

طلعت الدكتوره ورجعت اتكيت... اني الكاتبه سونيا منقدرش نوصف شعورها بس يلي فاقد غالي اكيد يعرفه حسيت قلبي يدوب بين ضلوعي حسيت بنار لاقادرة نطفيها ولا ننفخ عليها باش تولع وتحرقني كلي تمنيت لو نقدر نوقف دموعي بس مقدرتش
طق طق ..
سلاف: بهدوء تفضل
....:صباح الخير
سلاف وجع الدنيا كله في قلبها

**وجعني حبك بس ارجوك اعطيني فرصه ننساك ونحاول نضمد جرح انت سببه .....يتبع

تعليق عسل كيفكم😙