**احببتك خارج الوطن**

الحلقة الاربعون

لا احلل النشر
وتعليق😊

**احببتك خارج الوطن**حلقة40
للكاتبه *سونيا ايلين*

**قد تبدأ بدايات جديده دون ان نعلم ندعو الله وكلنا يأس لكن باب الفرج فتح ....دون ان نعلم**

بعد اسبوعين.....
جداي اتصلت بي اسماعيل وقتله يجي ضروري
وفعلا بعد يومين جاء طبعا الكل كان ناقم عليه لان معرفش يربي بنته وجداي خيراته بين رضاها او يرجع لامريكا اختار امه
قصي معاش شفته بكل
نمشي للجامعه بس مفيش تركيز
طبعا عريس الغفله يبي العرس وبسبب الضروف قررنا نديرو في نفس يوم عرس ناصر يعني مازال على عرسي اسبوعين😨😨

في الجامعه ...
سلاف: واااك منحبهاش المطر
كريمه :قهرتك
سهام :مش عارفه كيف رومنسيه ومتحبيش المطر😒
سلاف بحزن :ماتت الرومانسيه☹
سهام: شنو في طلعه حتى اليوم
كريمه :اي ناصر عنده مشوار قال يحطنا في المحلات
سهام: خيرك مديريش جو النكد
سلاف: مش مصدقه ان عرسي بعد اسبوعين
كريمه: معليشي نصيب
سهام: مكلمكش
سلاف: مكلمنيش ومنبيش نكلمه
طبعا البنات عارفين ان مندر ماصارش منه وقصي خطبني واني زي الاطرش في الزفه

قصي... مش مصدق ان البنت يلي نحبها حتولي ليا بعد١٥ يوم حاسس كأن حلم مستااااحش صوتها وضحكتها مستاحش حتى دمعتها بس ربي يقدرني ان نسعدها طبعا معاش مشيت للحوازه ولا كلمتها مع ان كنت نتمتى ان نهدرزو مع بعض كمخطوبين ونشوف قدااش فرحانه كنت كل ماتجي في بالي نحس ان نبيها توا قبل غدوةبس ربي يصبرني وخلاص

سلاف... روحت من الجامعه وصليت معنديش نيه ناكل بكل اتكيت وغمضت عيوني قلت ياااريت نرجعو زي قبل ...قبل مايتزوج كيف كان يهزا عليا المهم نرجعو مع بعض نتفكر كيف كنا نزردو مع بعض وجونا من الاخير بس توا موجوووعه ليا اسبوعين معاش شفته انحس اني مش قااادره نتنفس انحس ان قلبي متفترش حاليا عاااايشه ع البركه وخلاص

العصر طلعنا للمحلات ..
سهام: اوووف شوفي القطعه الحمرا هادي sexyyy
كريمه :خوديها
سلاف: فكوني تعالي اهم هادم
سهام :هدا شنو حتى جداي معاش لبستهم
سلاف: مش واخده هي
كريمه بهمس: مسكين ياخوي حوايج جداي
سهام: متخافيش عليه في حاجه اسمها لابس بدون هدوووم
قعدنا ندورو في المحلات مكانش عندي نيه نشري حاجه بس البنات اغلبه خدوه هما ع دوقهم لان امي تقتلني كان نشري كسوة اعععع
كريمه: اف كملنا واخيرا
سهام :مازال الروب الابيض
سلاف: مش لازم تو نلبس حتى قفطان
سهام :ضمي فمك قداش نكديه

سلاف... في وجع في قلبي مش شويه مخنووووقه وكان نلقى نعيط حتى البنات معاش فاهميني وعااادي عندهم والا قصي معاش فكر يرفع حتى هاتفه ااااخ ياريت يطلع كابوس وانوض منه

كريمه: فضيع فضيع فضيع
سهام: يجنن بكم هدا
صاحب المحل٣٠٠
سلاف: هيا انتي وياها
سهام: تعالي جاي شوفيه يجنن
سلاف: اولا عريان وتانيا غالي
كريمه: وكان عريان تلبسيه لراجلك
سلاف عيونها بيطلعو: انتي تتسهوكي على منو اما راااجل شفتيني انحبه باش نلبسله روب غالي
سهام :عادي متعيه بفلوسه😂
سلاف: راني بنطربق وطلعت
كريمه :معليش نزلهولي
سهام :بتاخديه
كريمه :اي مش خساره في مرت خوي
سهام :قصدك مش هسارة في خوك😎

قصي... كان خاطري نعرف شن شرت ومن وين ولو طلعت معاهم بس شن بندير قعدت لاخي في الحوش لما هما يطلعو وقبل مايروحو نطلع خديت دار نوم وصالون وجلسه وخديت الكوجينه كامله لان عارف ان مرتي حاقده على راجلها ومش حتجيب طاسه شاهي😂

فاتو الايام واني نطلع نكسي وكل يوم يفوت نخاف اكتر مرات يخطر على بالي نقول مش موافقه ومرات نفكر ننتحر بس بعدين نسكت ونقول نصيبي ويلي جالطني هالمندر يلي مش عارفه علاش متصلش يعني خناخد قطوس في شكاره

جا يوم يلي لبست فيه البودري ع قد مالكل شافني حلوة ع قد ماحسيت اني نادمه

يوم الاربعاء العصر...
كان الحوش جداي معبي بخالاتي واقاربنا الكل والرجاله مشو للجامع باش يقرو الفاتحه
سلاف: يحليلي ياغباااارتي
سهام: تي خيرك
سلاف بعبرتها: مااانبيش قوليله ماااانبيش
سهام :قهرتك اليوم ماتبيش
سلاف تخبط ع وجها :غبارتي منحباش كيف بنعيش معاه واني قلبي مع غيره
سهام.... بجد سخفتني وعلى شعره كنت حنقوللها ان العريس مش مندر العريس حبيب قلبك قصي بس لازم نكملو للاخير
سهام :معليشي هدا نصيبك
سلاف: اسمعي كلمي قصي قوليله ان.مستعده نهرب معاه
سهام: يا منجوهة تبي تفضحينا والا شنو مش درتي هدا كله لمصلحته
سلاف: ياربي ياربي ياااربي
روووووري روووؤي رووووري
سهام: ااقؤو الفاتحه وضمتها مبرووووك
سلاف: ادعيلي ربي يقويييني
سهام: اس صدقيني جايينك.ايام.كيف العسل
سلاف: قصدك كيف البصل
سهام: هيا امسحي دموعك وعدلي رداك

جداي :مبروك يا بنيتي
محضيه :يسلمك
سالمه :وين العروس
كريمه: اسسس اهي جت
روووري روووري
سلاف دخلت حوش جداي وبدو يزغرتو كان.خاطري لو نبتسم حتى بالكدب بس مقدرتش الا نبكي
محضيه :ربي بهنيك
سلاف...
سالمه ضمتها: مبروك بنيتي
سلاف...
جداي: سادك بكا
محضيه: منكده منكده
جداي: مش جايه لامك.. امك يوم عرسها قلك فوق البالو من الفرحه
محضيه: شن تحسابيني قرده وبعدين هالمقوم يلي خديته
جداي: كان مخداكش اهو لتوا تحشي في الصفصفه
محضيه :شن هو...ترن ترن
محضيه :والله ماحماك مني كان الهاتف بس وطلعت
جداي مهبوله
كريمه: مبروك ياعسل
سلاف :عقبالك

في الليل...
قعمزنا في الخيمه الكل وجو غناء ودربيك واني تقولي في عزاء
سهام :وراس امك معاش تبكي شوفي عيونك كيف
كريمه :غدوة بتمشي للمزين
سلاف: ان شاء الله نموت قبل مانعفسه
ترن ترن
كريمه: شويه بس

سلاف: بحزن قصي ماجاش
سهام :منعرفش
كريمه تأشر لي سلاف باش تجي
سهام :نوضي نشوفوها
سلاف: شن تبي
كريمه ضربتها ع كتفها :العريس يبي يشوفك
سلاف قلبها طاح: وين ومن قالك
كريمه: في المربوعه توا ناصر قالي
سلاف: فكيني مانبيش مانبيش وراس وخيتي
سهام: شن هو ماتبيش مانا غدوة شن بديري
سلاف: منبيييش راهو نقتل روحي
كريمه: سك فمك وبري للراجل عيب توا هدا نصيبك
سلاف دموعها ع خدها
سهام تساويلها في الردا: ترا ومسحتلها دموعها حلوة حطي كحل
سلاف: نحط سم
سهام: خيرك عاد هو شن دنبه بلا نكد
كريمه: اها ناصر يتصل هيا بري قدامي للمربوعه

سلاف** اعذرني حبيبي رغم عني اطررت ان اكون جسد لغيرك**
وصلت لباب المربوعه للخارجيه واني كان نلقى حد يضربني ويقولي نوووضي
كريمه؛ هيا خشي
سلاف :ياحليليييي
سهام ضمتها وعيونها دموع: ربي يهنيييك
سلاف خبطت الباب ودخلت وراسي لوطه كنت نرعش مع بعضي وقلبي عشر دقات في دقه
قصي :طالع عليك البودري يجنن
سلاف ...😨سمعت الصوت رن في ودني طووول قمت راسي انصدمت لقيت قصي قدامي كان لابس عربي.....يتبع