**احببتك خارج الوطن**

الحلقه الحاديه عشر

لا احلل النشر
**احببتك خارج الوطن**حلقة11
للكاتبه سونيا ايلين

محضيه :وك الميه زي التلج
صبحيه :مابعد سلفتنا عريانه
محضيه :شوفيها ياااكبدي كيف تتحكحك عليه تقولي متزوج حد الا هي
صبحيه: ديري زيها 😅
محضيه: اصبري بس تو نجي
طبعا عمي اسماعيل كان يعوم هو ومرته وكأنهم في جزيرة بروحهم
محضيه :يا جمعه نبي نعوم معاك😍
جمعه :البحر كله ليك ضاق عليك😓
محضيه: جمععععه
جمعة :ربي يكون في عوني
محضيه لاصقه فيه :شوفهم كيف يعومو
جمعه :تقولي حوته في البحر😍
محضيه: اسم الله
جمعه: اي حق تقدري اديري زيها قايمها زي الريشه
محضيه: ايه وشدت في رقبته ونقزت
محضيه: جمعه جمعه جمعاااااا ياهووووو يا سامويل الحقني جمعه شفطاته البريمه😭
مشى عمي اسماعيل وقصي وعمي فرج وامي لمه الناس كلها
محضيه: وييينه😭
اسماعيل :تو ندير غطسه ها
محضيه :وووووك عليا كان عشيييري من بيا بعده وه وه وووووه
اسماعيل:اسكتي فضحتينا وطلع بوي من الميه يربش
محضيه تخض فيه: وين بتمشي وخلييييتني ووووه عليا من بيااااا ياكبديييي
اسماعيل: اسسس ياهمي كنتي واقفه عليه
محضيه😨😨😨
سامانتا :نموت ونعرف كيف محسستيش بروحك عافسه عليه
طلعو بوي وكان شارب من البحر
محضيه :خلعتني
جمعه: حولي يديك يادعوة قريب قتلتيني
محضيه :كيف وليت تحتي مفهمتش نحسابك بلكه
جمعه :كح.كح يسلم تنقيزتك تقول حوت معاش شفت شي قدامي

قعدنا هكي لبعد العصر طبعا سيفانا كانت ممدوده ع الرمله زي البوكشاش تبي ادير برونزاج وقصي جنبها
سيفانا: نبي نعوم تعالى معاي
قصي :لا خلاص
سيفانا :بنات تدخلو
كريمه :هيا سهام
سيفانا :كومون سلاف
سلاف :مخاطريش
دخلو هما للبحر واني قعدو مقعمزه ع الطاوله
قصي: خيرك مدخلتيش
سلاف: مخاطريش
قصي: امم به
سلاف: بنوض سلام
قصي: قعمزي نبي نقولك موضوع
سلاف بخوف: شنو
قصي: سمعتك يومها لما كنتي تبكي وتحكي لسهام
سلاف 😨
قصي: اسمعي مني انتي صغيره وزي اختي ويلي في بالك نحيه لان كان يحبك اهو جاك انتي
سلاف... كنت نسمع في كلامه واني كان نلقى نموت كان نلقى حفرة ندفن روحي فيها اولا انه عرف اني انحبه وتانيا انه صدني وبقوة
قصي :من توا كان متعقليش وتحطي يلي في راسك برا راسك نتصرف تصرف تاني وناض وخلاني
سلاف...رجعت طول للقندق بكيت بكيت ليييين عيت يعني يعرف اني نحبه ومش معبرني وهازي فوقها خسارة حبي ليه وفيه

**لطفا على قلبي حبيبي فقلبي لم يتعود الالم كلي لم اتعود الالم**.....
قصي ...قلت يلي عندي وحولت من جنبها قلبي عصرني حسيت روحي قسيت عليها هلبه منبيهاش تحب واحد مايستاهلهاش ويمكن شعور مختلف معرفتش شن هو بس يشبه للغيره ان قلبها فيه راجل معرفتش علاش هكي قلتلها اصلا شن دخلني فيها بس لما توصل في القلب قلبي ....

قعدت في الدار مقعمزه ودموعي ينزلو ندمت ع الساعه يلي حبيته فيها
سهام :انتي هني
سلاف تمسح في دموعها وهزت راسها بمعنى اي
سهام قعمزت جنبها :خيرك
سلاف: قصي مش ميحبنيش بس.. قصي يكرهني يحب يهيني
سهام :حتى انتي اكرهيه
سلاف :نتمنى
سهام: حني في تونس عيشي حياتك نحي العبايه وجكتري سيفانا مش خير منك
سلاف ابتسمت ودموعها نزلو :تعرفي كنت نلبس فيها ع خاطره نبيه يشوفني محترمه ويكون فخور بيا
سهام: حبي عنده سيفانا توا لابسه بلا حوايج وفخور بيها عيييسشيييي وانسيه
سلاف: به خلاص
سهام :هيا نوضي انزلي
سلاف: لافكيني منبيش انشوفه
سهام: زمري
نزلت شهام واني قعدت نفكر في كلامها قررت ان نغير من نفسي باش نعجب نفسي......يتبع