**احببتك خارج الوطن**

الحلقة الرابعة والثلاثون

لا احلل النشر
**احببتك خارج الوطن**حلقة34
للكاتبه سونيا ايلين*

قصي :سلاااف ...انتي شن اديري معاه😠
سلاف:😨😨😨 اس بتفضحني
قصي: تو نوري امه وكيف بيمشيله
سلاف شداته من يديه :قصي خلاص مشى في حاله
قصي يمسح في وجهه
سلاف :خيرك
قصي: شن خيرني اني جاي من اخر الدنيا على خاطرك ونلقاك مع الاخ
سلاف: به تعالى انت بتفضحني هكي
قصي: حولي هلي نروح
سلاف: تعالى
مشينا لجهة شبه خاليه باش يعيط براحته
سلاف :وينك امس نتصل مقفل
قصي قعمز ع االكرسي: معنيش شحن المهم شن قلتي للاخ متاعك
سلاف :اولا مش متاعي تانيا قتله مافيش نصيب
قصي: مكلمتيشي في الهاتف
سلاف: فاش تقول
قصي: سألتك ردي
سلاف: لا
قصي: تمام
سلاف ...
قصي: سامحيني غير معصب شويه
سلاف تبكي
قصي: خيرك توا مش ناقص
سلاف :خيرك متغير امس كنت ملهوف وتوا تقول بالسيف تكلم فيا
قصي شد يديها :ياهمي كان بالسيف اهو مش جيتك طول ربي يعلم كم مستاحشك
سلاف: به خيرك شن صار
قصي: امس قلت لبوي اني طلقت وعصب الشرار طلع من عينه وع كلام امي قتلي يبيني نردها كلهم واجعهم حالها وحالي مش فاهمه حد
سلاف.. كان يتكلم واني كل مره قلبي يضيق كاني نفقد الامل منه
سلاف: قصي انت مش مجبور بيا تقدر ترجع لو تبي رضا بوك
قصي: والله لو تقعد اخر بنت في الدنيا مانرجعها
سلاف: به لاش طلقتها
قصي :شي خاص
سلاف.. كلمته زي السيف في قلبي لحظتها حسيت ان في خصوصيات بينه وبين مرته لحضتها حسيت بالغيرة ان كان مع غيري ضمها باسها رقد معاها ولما نوصل للاخيره لحمي ينوض شووووك
قصي :وين سرحتي
سلاف: شي خليك في خصوصياتك مع سيفانا
قصي :خيرك عاد
سلاف: به توا شن بدير
قصي :منعرفش
سلاف: يعني مش راد للحوازه اليوم
قصي :بنمشي نكلمه تاني منبيشي يقعد زعلان بالدات عنده سكر وكان ماباش ناخد حوايجي ونطلع
سلاف: لاااا تقنعه بالله عليك امس مرقدتش بكل
قصي ابتسم: علاش
سلاف وجها احمر: لانك مش في الحوش
قصي مسح ع وجهه: ااااخ قبل كنت نغار من حبيبك ونقول نياله بيك مش مصدق ان اني حبيبك اصلا
سلاف: ماك غبي😒
قصي يبتسم وعيونه حب وشد يديها :غبي عااااشق
سلاف ...
قصي: نموت فيك لما تقعدي هكي
سلاف: كيف
قصي: متحشمه وداخله بعضك وفي نفس الوقت متسحبيش يديك
سلاف سحبتها رد هو شدها: ديري بالك تكون عندي وتسحبيها
سلاف: ان شاء الله
قصي :طالعه طرف اليوم😍
سلاف حتى انت التركواز طالع عليك حلو
قصي: والله مشطتها من عبد الله
سلاف بحزن: ان شاء الله ترد لليوم للحوش
قصي: يستر الله
سلاف :به كان عمي قعد ميبس راسه شن بيصيى
قصي :حتى انب نيبس راسي
سلاف: واني ...قصدي كيف بتقوله عليا نحس فيها مستحييييله والرفض حيكون من الكل
قصي: انتي خليك معاي ومتخافيش
سلاف: يستر الله.
قصي قرب منها وعض ع شاربه
سلاف فهماته وحاولت تتهرب
قصي: انحبك
سلاف: تسلم
قصي: بهي نبي حاجه
سلاف: قصي فكني منك
قصي يضحك: نبي سيفن اب
سلاف شافتله متاع فهماته غلط
قصي لمس شفتها بيديه والله معاد نقربهم لونبدو في موكب بروحنا لين تولي حلالي باسمي في حوشي وفي داري وفي حظني

روحت يومها واني فرحانه لان تأكدت من حبه وزعلانه لان قاعد ماروحش صليت ورقدت والعصر نضت غيرت ومشيت لجداي

كنا مقعمزين الكل مكسدين ع الكانون لين دخل من الكنشيلو بسيارته قلبي كان يدق بقوة بقوة بقوة
سالمه: وليدي
قصي :كيف حالك ميمتي
سالمه تبكي :الحمد لله وليدي طيع بوك ودير يلي يبيه
قصي: امي مش غصب
جداي :يا وليدي قول علاش خلي نفهمو
قصي: شي خاص بيني وبينها
سلاف.. كانت كلمته هادي زي السيف الحامي وينغرس في صدري كل مانفكر ان كان بينهم خصوصيه نمرض
قصي: بوي وين
سالمه: في الحوش
قصي :تو نمشيله
سالمه: نجي معاك

كريمه: ربي يستر
محضيه: والله من وقت دخلت الحربه لحياتنا معاش شفنا الخير
صبحيه :يستر الله حتى سالمه سكرها مرتفع

قصي :كيف حالك بوي
سالم :شن جابك
قصي: قول لا اله الا الله
سالم :محمد رسول الله
قصي: بوي الدنيا نصيب واني البنت هادي مش نصيبي
سالم :مصح وجهك تعاود فيها هادي بنت عمك يعني بنت خوي عبى عليك راجل تصون عرضه
قصي: اني صنته
سالم :كيف صنته وانت طلقت بنته
سالمه بالشويه يا سالم
سالم: اخطيني ..الواحد يتعارك مع مرته عادي بس مش يطلق
قصي: هدا يلي صار
سالم :اسمعني هي كلمه وحده تبي رضاي ترجع لمرتك
والا قول علاش مطلقها
قصي: منحبهاااش
سالم :به شن تبي توا
قصي: نبي نكمل حياتي عادي ونتزوج
سالم مصدوم: انت ناوي تجلطني
قصي: لا بس سيفانا مش نصيبي ونصيبي يلي نبيه لقيته
سالم: ومن هي يلي لعبت بعقلك باش اطلق مرتك
قصي: هي ملعبتش بعقلي اني غلطت ومخديتهاش من الاول
سالمه: يا سالم هو طلق خلاص خليه يكمل حياته
سالم :ومن هي البنت هادي
قصي: سلاف بنت عمي جمعه

كنا حني في حوش جداي وكلنا متوترين لان حني عيله مترابطه وعمره ماصاربينا مشاكل بكل بس توتري اني كان من نووووع تاني

محضيه: مش وقته الهاتف توا ...سلاف شوفي منو يتصل
سلاف :عمتي الهاديه
محضيه: هيا خلي نرد مكلمتني في موضوع وتبي الرد
صبحيه :ان ساء الله خير
مركزتش على امي وكلامها لان قلبي وعقلي وتركيزي في قصي
محضيه: كيف حالك
هاديه: الحمد لله ها شن صلر معاط وليدنا على نار
محضيه :كلمت بوها وقال به
هاديه: باهي يفرح قلبك خلي نفرح الراجل
محضيه به بس من توا خطوبه طويله منبيش
هاديه :متخافيش عرسينا واتي
محضيه :تمام
صبحيه :ها شنو
محضيه: عطيتها الرد وقلتلها موافقين نعطو سلاف لي منذر.....يتبع