رواية لعشقها انحنيت الجزء الأول {مكتمل}

الفصل السابع

ياريت يكون فى دعم وتشجيع علشان اقدر استمر فى الكتابه فياريت تتفاعلوا معايا اتمنى الفصل يعجبكم واوعدكم الفصل اللى جاى يكون اكثر اثاره بس يكون فى تفاعل
يالا اسيبكم تستمتعوا ب الفصل
          رواية لعشقها انحنيت
             الفصل السابع

          بقلمى / هدير خليل

لقد مر يومين و مروان تقريبا موجود أغلب الوقت فقط يترك مراد ساعتين تلاته لكى يذهب إلى عمله ثم يعود مرة أخرى إلى المستشفى ، طول هذه الفترة تقريت نور من مروان بدرجة كبيرة و قوية العلاقة بينهم برغم أن مروان كان خلال هذه الفترة عصبى اغلب الأحيان ولكن هذا لم يمنع تقربهم من بعض .
كل الأشخاص فى العمل جاءوا و زاروا مراد من الصير قبل الكبير ف برغم من عصبية مراد الإ انه محبوب من الجميع لمساعدته الدائمه ل جميع .
كان مراد طول اليومين الذى مروا يستيقظ قليلا من غيبوبته ثم يرجع يفقد الوعى مرة أخرى ، و ذات مرة كان مروان يجلس عند مراد فى الغرفة عندما دخل عليه مصطفى و حياه ، فى بداء الامر اعتقد مروان أن الذى دخل احد الممرضات أو حتى الطبيب المتابع لحالة مراد ولكنه عندما رفع رأسه وقعت عينيه على حياه نهض بغضب و امسك ب رقبتها يخنقها و عندما رأه مصطفى هجومه هذا على حياه تدخل مصطفى سريعا فى محاولة ل ابعاده عنها ولكن لم يقدر على مروان ف مروان اعماه غضبه وجعله لا يرى غير حياه أمامه و عندما حاول مصطفى مرة اخرى ان يبعده عنها ضربه بقوة جعلته يسقط أرضا و بعد أن ركله مروان عدت ركلات عاد مرة اخرى إلى حياه يحاول خنقها و قتلها .
حياه :- اب .... ابعد .... انا ... معملتش (شهقت ) له حاجه .
مروان :- غلطتى غلطة عمرك لما جيتى هنا ب رجليكى انا كده كده كنت هجيبك واموتك بس انتى اللى مستعجله على قضاكى مش هما خرجوكى بكفاله انا هخرجك من الدنيا ببلاش و ملكيش ديه عندى يا بت****
مروان ب يضغط على رقبتها اكتر ورفعها عن الارض و وشها أصبح لونه ازرق ، و عندما شعرت انها تلفظ انفسها الأخيره شعر مروان ب أحد يجذبه من كتفه فاعتقد انه مصطفى ف ضربه بوكس قوى ولكنه رجع إلى وعيه على صوت مراد المتآلم .
مراد :- آآه يا غبى ده انا .
مروان ألقى ب حياه على الارض و جرى على مراد و حضنه .
مراد :- بعد يا غلس هموت فى ايدك .
مروان و هو ب يتعد عنه .
مروان :- بعد الشر عليك حمدالله على سلامتك .
مراد :- الله يسلامك .
مروان ( بلهفه ):- فى حاجه وجعك ؟ حاسس بحاجه ؟ جرحك بيوجعك ؟ ما ترررررد عليا .
مراد :- هو انت مدينى فرصة اتنفس .
نهض مراد ب مساعدة مروان ثم اتجه إلى مصطفى ليساعده على النهوض ولكن مروان كان سوف يقوم يضربه هو و حياه مره أخرى ولكن مراد منعه .
مراد :- ما تهدى شويه فى ايه ؟
مصطفى ذهب إلى حياه وحضنها و مراد نظر لها و تحدث .
مراد :- انتى كويسه ؟
لم تستطع حياه التحدث ف اكتفت ب أن تهز راسها فقط ، كان مروان يتابع ما يحدث و هو يغلى من الغضب ولكن حاول التحكم فى اعصابه ولكن عندما تحدث ظهر فى حديثه سخريه التى يشوبها غضبه الذى لم يستطيع كبحه .
مروان :- لا والله ما نحجز ليكم اوضه تقضواها الليله مع الهانم ااااايه خايف على ال*** علشان قضيت معاها ليله . .
مصطفى كان سوف يهجم على مروان ولكن مراد وقف بينهم يمنعهم من الاشتباك ف مصطفى مصاب ولن يستطيع ان يصمت أمام غضب مروان و هو ليس لديه القوة حتى يستطيع الفصل بينهم ف حاول ان يتحدث بقوة .
مراد (بقوة ):- مرررروان خلى بالك من كلامك .
لم يعد فى مقدرته التحمل فهو يشعر بالألم فى جرحه ف وضع يده على موضع الجرح لعل الآلم قل .
مراد ( يكمل ):- معلش يا مصطفى هو ما يقصدش هو بس متضيق شويه خد حياه و امشوا و انا هبقى اكلمك بعدين .
مروان و مصطفى كانوا ينظرون إلى بعض و الشرار يتطير من عيونهم قطع هذا التواصل مصطفى و هو  يتجه إلى حياه ليحملها و يخرج بها ، ولكن وهو فى طريقة ل لخارج و مروره بجوار مروان تحدث بتوعد .
مصطفى :- هدفعك تمن اللى قولته ده غالى  
مروان كان سوف يهجم على مصطفى مرة اخرى .
مروان :- تعال ورينى يا اب**** تعال .
صرخ مروان ب كلماته بصوت عالى ، زاد تعب مراد فتحدث بالم و صوت عالى فى محاولة لتخلص من خناقهم .
مراد :- خلااااص بقى ، روح يا مصطفى و انت كمان مالك من امتى كنت كده .
مروان نظر له بغضب عندما غادر مصطفى ف هو يرغم بالفتاك ب احدهم ف لم يجد الإ مراد امامه يفرغ غضبه به .
مروان :- عايز تعررررف من امتى بقيت كده ؟ من اول ما انت بقيت انانى و مضحى بحياتك وما بقاش يهمك اى حاجه غير نفسك عايز ترتاح و تسيبنى انا اتعذب لواحدى بموتك .
مراد :- بس هبل يعنى انا اللى قولك للسمهودى يضرب عليا رصاص .
مروان :- لاااا بس سيادتك ملبستش الواقى يعنى كنت مستنى الحظه دى وراميت نفسك قدامها وكمان ما كنتش عايز تفوق طول الفترة دى و أنا ب ابوس ايدك علشان تفوق و تقوم بس الباشا فاقت علشان الهانم لكن انا لا هو أنا أصلاااا اعنيلك حاجه .
حاول مراد ان يحول الموضوع إلى هزار .
مراد :- ايه اللى بتقوله ده اوعى تكونى بتغيرى يا بيضه .
مروان كان سوف يرد عليه ب ابشع الألفظ ولكنه لحظ الم مراد الذى يظهر عليه .
مروان :- مالك حاسس ب ايه ؟ فى حاجه ب توجعك ؟
مراد :- عادى متشغلش بالك .
مروان :- عادى .
مروان لم يستطيع ان يمسك اعصابه اكتر ف ذهب ل مراد و قام بضربه بوكس اخرج فيه غضبه من لامبالاته .. ثم قام ب حمله و وضعه على السرير و ارسل ل الطبيب الذى يتابع حالته و بعد ان فحصه الطبيب و قام ب أعطاه بعض المسكنات ثم تركهم حتى يرتاح .
بعد خروج الطبيب تحدث مراد .
مراد :- شكلك اتجنينت بقى ب تضربنى ب البوكس لا حنين .
مروان :- ههههه حنين غصب عنك و بعدين تستهل علشان تستهبل تانى و متسمعش كلامى تانى .
مراد :- ماشى بس اقوم و انا هطلعه على عينك فى التدريب .
مروان ( بزعيق ):- على جثتى ترواح التدريب فااااااهم حتى لو هحبسك هعملها ولا انك رجلك تخطى التدريب أنت فاااهم .
يقصد بحديثه تدريب الجحيم الذى متبقى عليه 4 ايام حتى يذهبوا له .
تحدث مراد بصوت منخفض .
مراد :- هنشوف مين كلامه هيمشى .
مروان :- بتقول ايه عالى صوتك .
مراد :- بقول عايز انام عندك مانع .
مروان ( بابتسامه ) :- لا معنديش يالا نام تصبح على خير .
مروان ذهب له و قام ب تغطيته و اتجه هو ل ينام على الكنبه .
مراد :- تعال نام جنبى بدل ما تنام على الكنبه .
مروان :- ليه شايفنى واحدة من اللى ب تنام معاهم .
مراد :- ههههههه يجوا ايه دول فى حلوتك يا بيضه انتى .
مروان ب يرمى عليه المخده .
مروان :- اتخمد ياض احسن لك .
مراد :- ماشى براحتك انت اللى خسران .
مروان :- خسران خسران مش احسن ما اكون لا ماخذه .
مراد :- هههههههه ماشى تصبح على خير .
مروان :- و انت من اهله .
بعد مرور يومين اخرين خرج مراد من المستشفى و لحظ التغير فى تصرفات نور و مروان و قربهم من بعض و حاول ان يتمسك ولا يفقد اعصابه فى محاولة أن يشغل باله فى أى شئ غيرهم ، عاد مراد إلى بيته و أخذ اجازه حتى يشفى تماما ولكن مراد رفضها و قال لهم انه سوف يستريح يوم واحد ثم يرجع إلى العمله و يشترك فى تدريب الجحيم و طلب من القائد ان موضوع اشتراكه فى التدريب لا جعل مروان يعلم به ولا حتى موعد عودته إلى العمل وافق القائد بعد جدال استمر طويل مع مراد .
   مرت الأيام و حان موعد الذهاب إلى التدريب و قام مروان ب التجهيز ل الذهب إلى التدريب و قام ب توديع مراد و لكن مراد أصر ان يقوم ب توصيله إلى سيارات التدريب . 
وقف مراد ب سيارته امام سيارات التدريب الذى سوف تقوم بنقلهم الى مركز التدريب .
مروان :- خلاص يا مراد العربيات اللى هتودينا معسكر التدريب هناك خد انت العربية و امشى سلام .
هبط مروان و لكنه وجد مراد هبط خلفه و هو يحمل فى يده حقبته ، نظر لها مروان باستفهام .
مروان :- ايه ده ؟
مراد :- هو انا نسيت اقولك ولا ايه ؟
مروان :- نسيت تقولى ايه بقى .
مراد :- اخص عليا ازى انسى حاجه زى دى ، انا جاى معاك .
مروان :- جاى معايا فين ؟
مراد :- ايه يا مروان ما تركز هروح معاك التدريب
مروان :- نعععم انت ب ....
مروان لم يكمل حديث عندما وجد نور تقف أمامه .
نور :- صباح الخير .
مراد و مروان :- صباح النور .
مراد :- انتى ايه الجابك .
نور :- هو انتم ما تعرفوش انى معاكم فى التدريب ده .
مراد و مروان :- نعععععععم .
مروان :- يا صلاة النبى لااااا دا مستحيل يحصل بصوا انتوا الاتنين روحوا كده زى الشاطرين تعتذروا عن حضر التدريب فهمتوا .
نور و مراد :- لا .
العسكرى:- يالا اركبوا علشان ماشين يا باشا عنكم الشنط .
ركبوا هم الثلاثه العربيات تحت نظرات مروان الغضبه و بعد ساعتين او اكتر وصلوا مكان التدريب و هبطوا منها .
مروان :- انتى ازى سمحوا ليكى تدخلى التدريب ده .
نور :- انت ناسى انى بقيت شغاله دايما فى المخابرات علشان كده سجلونى فى التدريب يا سيدى قولى بقى هو التدريب ده فيه بنات .
مروان :- ايوه فى ضباط بنات ما تقلقيش .
نور :- تمام ، هو احنا هنعمل ايه فى التدريب ده
مروان :- مش عايز اصدمك سبيها مفأجاة احسن انا مش عارف ايه اللى رماكى على المر ده مش كنتى قعتى فى بيتك و استنيتى عدلك احسن من المرمضه دى .
نور هى تضع يدها على خصرها و هى تتحدث له .
نور :- ليه بقى ان شاء الله عايزنى استنى فى البيت لغايه ما يجى سى السيد اللى يتجوزنى لا طبعا انا ليه كيانى وشخصيتى اللى مارضش ان اى حد يتحكم فيا .
مروان و هو ينظر لها من اعلى إلى أسفل بغضب و يقوم ب ازاحة يدها من على خصرها .
مروان :- الله يحرقك انت و شخصيتك اياكى تعملى الحركه دى تانى فاااااهمه .
نور :- ليه يعنى ؟
مروان :- هو كده تمام .
نور :- طيب .
تكمل نور حديثها مع نفسها بصوت منخفض .
نور :- هو انا من امتى بسمع كلام حد اصلا .
مروان :- بتقولى ايه ؟
نور :- مبقولش .
مروان :- بحسب .
نور :- ما تحسيبش اووووف .
وقف الكل انتباه امام القائد المسئول .
القائد :- انتباه .
اصطف الجميع امامه ينتظرون حديثه .
القائد :- انتو كلكم عارفين القواعد بس هقولها للتاكيد التدريب عبارة عن اختبارتك لقدراتكم علشان نقدر نوجهمك ل المهمات اللى تناسبكم فى الشغل و تقدروا تنجزوا فيها ، الاختبارات دى مقسمه لمراحل زى .
1- اختبار المصارعه .     2- الجرى .
3- السباحه .        4- الصحراء .
5- الرهينه .
و اختبار الرهينه ده اخر اختبار بس متقسم الى مراحل كل مرحله هنعرفها فى وقتها دلوقتى كل واحد يروح على اوضته انهارده راحه علشان تستريحوا من المشوار و تقدروا تجهزوا نفسكم للاختبار بكره و دلوقتى تقدروا تصرفوا .
الكل ادى التحيه و كل شخص ذهب ل يبحث على غرفته لكى يستريحوا و يستعدوا إلى الغد و احداثه .
ابتعد مراد عن التجمعات ف الكل يذهب فى اتجاه حتى يعرف أين غرفته و من شريكه فى الغرفة ، ولكنه لم يهمته ليعرف من شريكه فى الغرفة و اخذ ركن هادى حتى يستطيع ان يتحدث فى الهاتف .
مراد :- آلو يا بيبى وحشتينى ... تؤ تؤ هو انا اقدر استغنى .... لا يا حبيبى مش هقدر اشوفك النهارده ممكن بره اشوفك او بعده ... لا عندى شغل مش هقدر اسيبه ... يا قلبى قولت مش هقدر ... يوووووه بصى انا بقفش بسرعه قولت مش هاجى النهارده .
يكمل بزهق .
مراد :- آه ماشى لما اشوف ... ايوه علشان متصل علشان تدلعينى و انتى قرفتى أهلى امممم لا لسه مهديتش جربى حاجه تانى تهدينى ا ......
وجد مراد من يضع يده على كتف مما افزعه ف اخفى الهاتف سريعا .
مروان :- ب تعمل ايه يا نمس ؟
مراد ب ينظر له بغيظ و يتنفس اخيرا ب راحه .
مراد :- الله يحرقك يا شيخ فى ايه يا مروان ف حد يعمل ده ؟
مروان :- ايه ده انتى خافتى يا بيضه ولا ايه ؟
ثم ينظر له بنظره ثاقبه .
مروان :- بتعمل ايه ياض ؟ و مالك كده واخد جنب انت كنت بتهبب ايه ؟ و رينى اللى فى يدك مخبيه .
مراد :- حل عنى يا مروان انا مش بهبب حاجه ، قولى عرفت أوضتنا فين ؟
مروان ب ينظر له بتفحص هو يعلم ان مراد يخبئ عنه شئ ولكن تقبل تغيره ل الموضوع .
مروان :- لا لسه معرفتش .
مراد و هو يتلفت حوله .
مراد :- اما فين البت الزقه ؟
مروان نظر له ب استغراب .
مروان :- بت مين ؟
مراد :- نور اللى لزقه فيك فى كل مكان .
مروان :- انت بجد بتغير منها علشان بتقرب منى ولا ايه ؟
مراد تحدث ب سخريه .
مراد :- اغير ؟؟؟ ليه هو انت كنت جوزى علشان اغير عليك ، أنا بس مستغرب لزقتها فيك هو ايه الحوار ؟
مروان ب ابتسامه .
مروان :- مفيش حوار و متقلش لما يبقى فى حوار انت اول واحد هتعرف .
قطعت عليهم حديثهم نور و هى تقترب منهم .
مراد :- اهو الغرى جات و تقولى مفيش حوار دى مش بتسيبك دقيقة .
نظر مروان إلى حيث ينظر مراد ف وجد تقترب منه .
مروان :- و الله يا ابنى مفيش حاجه و اسكت بقى علشان قربت .
مراد :- ادينى خرست .
نور :- ايه يا مروان كل ده ب تناديه .
مروان كان سوف يعتذر لها على تأخيره و لكنه سبقه صوت مراد الساخر .
مراد ( بسخريه ):- ايه الرضعه خلصت ولا ايه ؟ ف جايه تدورى عليه .
نور تحدثت بغيظ .
نور :- انا مش بكلمك انت انسان بارد .
مراد :- بت أنتى لمى نفسك بدل ما امسك اكعمك و احطك فى علبه .
نور :- لو رجل فكر تقرب لى .
مراد اقترب منها خطوتين ف جرت هى و اختبئت خلف مروان .
مراد :- مادام مش قد الكلام متفتحيش بوقك .
نور من خلف مروان .
نور :- انا أد كلامى و نص .
مراد يرمقها بغيظ .
مراد :- بت ......
مروان :- بسسسس انتوا الاتنين بطلوا خناق و تعالوا نشوف اوضنا خلينا نرتاح .
نظر مراد و نور إلى بعض ب تحدى قطعها عليهم صوت مروان .
مروان :- يالااااا .
تحت كلا منهما امام مروان ليروا مكان غرفتهم .
يا ترى ايه هيحصل فى تدريب الجحيم ؟
يا ترى ايه هيعمل مراد مع نور ؟
يا ترى نور سوف تتجه مشاعرها ل من مراد ام مروان ؟
انتظروا الفصل الجاى
يتبع
**************