رواية لعشقها انحنيت
الفصل الثامنبقلمي / هدير خليل
فى معسكر التدريب
ذهب كل واحد ل يبحث على مكان غرفته و مين شريكه فى الغرفة ، عندما وصلوا إلى المكان المعلقه فيه الاسماء و الغرف ف وجد مروان أنه يوجد معه فى الغرفة شخص يدعى جلال اما مراد ف كانت الصدمه انه هو مع نور فى نفس الغرفة ، مروان حاول بكل الطرق ان يبدل مكانها مع أى حد بحيث أنها تبقى مع الضباط البنات و لكن كانت غرفة الضباط البنات مكتمله ولا يوجد مكان ل نور بينهم حيث أنهم ٤ ضباط بنات فى غرفة واحدة ، عندما لم يجد مروان مكان بينهم حاول أن يجعل القائد يبدل بينه و بين مراد و لكنه رفض و لم يجد أنها تمثل فرق أن مكثت معه أو مع مراد لذلك لم يستطيعوا اختراق النظام لانها قواعد و الذى لا يتبعها يتم معاقبته ، كل شخص ذهب إلى غرفته مع شريكه ، عندما دخل مراد الغرفة قام ب اخراج طقم ملابس بيتيه له لكى ياخد شور ف دخل الحمام نور كانت تتابعه منذ ان دخلوا إلى الغرفة و وقفت متصنمه من تصرفاته فهو يتحرك و يتصرف كإن لا أحد مع فى الغرفة و زاد تعجبها انه دخل ياخد شور قبل حتى ما يرتب شنطة الاول او حتى يسالها إن كانت ترغب أن تدخل هى الاول أو لا حتى من باب الذوق ، بعد بعض الوقت خرج مراد من الحمام وعلى راسه فوطه يجفف بها شعره و ذهب إلى المرآيا و قام ب تسرح شعره ثم اتجه إلى الدلاب و قام ب اختيار الدلاب الكبير له و بداء بوضع ملابسه به و بعدين ان انتهى اتجه إلى السرير و نام و نور كانت سوف تفرقع منه انه حتى اختار السرير و لم يسألها أى سرير تفضل النوم عليه .
نور تتحدث مع نفسها بصوت منخفض .
نور :- حيوان و قليل الذوق و بارد اوووف انا احسن اروح اخد شور هو شكله تدريب زى الزفت و كمان مع البارد ده ربنا يعينى على ما بلانى .
نور أخذت شور و ذهبت لكى تنام و تتمنى ان ايام التدريب هذا تمر عليها ب خير و سلام . .
فى صباح اليوم التالى فى تمام الساعة 5 صباحا كان الجميع مستيقظ بسبب صوت صفاره مزعج جدا ف قامت نور و وجدت مراد يرتدى ملابسه و عندما شعر ب استيقاظ نور نظر لها بسخريه و لكنها تجاهلت نظراته و تحدثت له .
نور :- صباح الخير هو ايه الصوت ده ؟ و هى الساعة كام دلوقتى ؟
مراد و هو ينظر لها بسخريه .
مراد :- صباح النور يا برنسيسه ما لسه بدرى .
نور ( بنعاس ):- بجد طيب كويس .
القت نور بنفسها مرة اخرى على المخدة حتى تنام .
مراد ( بسخريه ):- على فكرة صوت الصفارة ده صوت الاستدعاء لطبور الصباحى ف معاكى 5 دقايق و تكونى قدام القائد تحت يا اما هتتكدرى و بصراحه انا هكون مبسوط و أنا شايفك بتتكدرى يالا سلام يا قطه .
نور :- بارد ، يالهوى 5 دقايق و انا لسه مصحيتش اصلا .
نور نطت من على السرير ب تحاول ان تجهز نفسها بسرعة و كانت تلتفت حول نفسه و ب تتخبط فى كل حاجه حوليها من سرعتها حتى تقدر أن تنتهى و تجهز و بمعجزه من السماء قدرت أن تهبط بعد 5 دقايق و تقف فى الطبور و عندما رأها مروان ذهب لها و هو مبتسم حتى يصبح عليها قبل ما الطبور يبدأ و لكنه مرة واحدة تعبيرات وجهه تغيرت و تحولت إلى العصبيه و الغضب .
نور :- صباح الخير .
مروان ب نرفزه .
مروان :- صباح الزفت ايه اللى لبساه ده ؟
نور :- فى ايه يا مروان ماله لبسى ؟ و بعدين انا معرفتش ايه ب يتلبس هنا ؟
مروان :- انت شيفاه انه انتى اللى لبسه ده عادى و بعدين مش حجه اللى ب تقوليها انك مش عارفه لو مش عارفه كنت سألتى ما انا كنت ملحود قدامك كل يوم و امبارح مسبتكيش غير على النوم .
نور :- نسيت و انا عرفة متاخر انى معاكم فى التدريب و بعدين لبسى مش وحش يعنى علشان كل ده انا عارفه انك خايف على شكلى قدام الكل بس و الله مكنتش اعرف بس معلش بعدين هبقى اقولك مش احنا اصحاب .
مروان يهمس بصوت منخفض متعصب .
مروان :- اصحاب فى عينك يا بعيده .
نور :- بتقول ايه ؟
مروان :- بقول اه طبعا .
لقد حضر القائد ف الكل انتباه و عملوا الطبور الصباحى و قام ب ألقاء القائد بعض التعليمات ثم صرفهم ل يذهبوا لكى يتناولوا افطارهم و بعد الفطار قد طلب منهم أن يتجه إلى ساحة المصارعة الذى سوف يتم بها الاختبار الاول .
فى ساحة المصارعة
بعد أن اجتمع الكل أما القائد فى ساحة المصارعة بدء القائد حديثه حتى يوضح لهم كيف يسوف يسير الاختبار .
القائد :- انتم عارفين القواعد فى الاختبار ده بس احنا غيرنا الفكره شويه بدل ما كل اتنين يصارعوا بعض و خلاص خلينا ان كل اتنين هيلعبوا ضد بعض بعد اختيارهم ب القرعه الفايز منهم هيلعب ضد اللى فايز فى الفريق التانى و هكذا و الفايز هيترحم من الاختبار اللى بعد المصارعة تمام .
الكل :- تمام يا فندم .
القائد :- كل واحد هيختار رقم من العلبه دى و بعد ما الكل ياخد ورقه اللى فيها الرقم هقول على كل رقم هيلعب ضد مين .
بدء الجميع يذهب ب الترتيب لكى يختار ورقه و بعد أن انتهى الجميع انتظروا لكى يعرفوا من سوف يلعبوا ضد من ؟
القائد :- دلوقتى انا هقول على الارقام اللى هتلعب ضد بعض فى المجموعه الاوله .
( 1 ضد 6 ) (7 ضد 9 )
( 2 ضد 5 ) ( 3 ضد 4 )
( 8 ضد 10 )
دى كانت توزيعة المجموعة الاوله اما باقى المجموعات العشرة استنت لغايه ما يخلصوا و يلعبوا بنفس طريقة المجموعة الاول المجموعه دى كان فيها مراد و بعد ما ابتدى العب فاز طبعا مراد .
نور :- واووو هو ازى قدر يستحمل كل ده ؟
مروان ب ابتسامه .
مروان :- هو كده طول عمر وحش ميتخافش عليه .
حان الدور على المجموعه التانيه و كان فيها مروان و كانت النتيجه ان مروان فاز و بعدين ابتدت باقى المجموعات تلعب لغايه ما وصلوا لاخر مجموعه الذى كانت توجد بها نور .
مروان :- خلى بالك من نفسك و افتكرى انى قولت ليكى بلاااااش وخليكى فى بيتك متستته بس انتى اللى فتحتى عليها حقوق المرأه .
نور :- انت ب تخوفنى ليه ؟ هو اكيد مش هيضربنى زى ما انتوا ب تضربوا بعض اكيد هيراعى انى بنت و كيوت .
مروان :- ههههه ماشى يا كيوت بس نصيحه منى اخسرى اول ما الماتش يبدء علشان ما تتشلفطيش من اول ما يبدء استسلمى .
نور :- حد قالك انى عايزه افوز ربنا يسترها ادعي لى .
مروان :- ربنا معاكى .
نور ذهبت حتى تلعب ضد عاصم أحد الضباط و لكن قبل أن يبدء الماتش ذهب مراد ل عاصم و قال له شئ من دون أن يلحظ أحد ذلك و لكن بعد أن انتهى مروان من الحديث مع نور ذهب إلى عاصم حتى يتحدث معه و كان مراد متابعه .
مروان :- عاصم باشا .
عاصم :- اهلا مروان باشا .
مروان :- تمام كنت عايز منك خدمه .
عاصم :- امرك .
مروان :- الامر لله كنت عايزك تكون حنين عليها هى مش قدك و بعدين هى عايز تخسر اصلا مش هتقدر تكمل الاختبار .
عاصم :- انت تأمر .
مروان :- شكرا يا باشا يالا اسيبك تجهز .
عاصم :- ايه الهم ده طيب اسمع كلام مين انا فى يومى اللى مش معدى ده .
بعد ما مروان ترك عاصم ذهب له مراد مرة أخرى .
مراد :- عصوم انسى اللى قاله ليك مروان و اعمل اللى اتفقنا عليه ماشى يا كبير .
عاصم :- ماشى بس هى مش حرام فيها الضرب .
مراد :- ايه يا عصوم عايز ابلغ المدام ولا ايه ؟
عاصم :- مدام ايه ؟ ده انا هشلفطها ليك متخافش .
بدء الماتش و عاصم طلع عين نور من كتر الضرب .
نور بتعب .
نور :- بليز خلاص انا مش قادره ارحمنى .
عاصم صعبت عليه نور ف قالها .
عاصم :- لو عايزانى مضربكيش تانى اضربى الارض علشان تستسلمى .
نور عملت زى ما قال لها و كده انتهى الماتش ب فوز عاصم ، مروان كان طول الماتش ب يحاول يدخل و لكن مراد كان يمنعه ف عندما انتهى الماتش ذهب إلى عاصم و ضربه بوكس و لكن جرى خلفه مراد و ابعده عنه ف تركه و ذهب إلى نور ل يطمئن عليها و يساعدها حتى تنهض .
عاصم :- آه ايه الغباء ده دلوقتى .
مراد :- معلش يا عاصم عندى دى و تعيش و تاخد غيرها .
عاصم :- ماشى يا خويا بس شكل مروان مش هيعدى الموضوع ده على خير .
كل ذلك حدث أمام القائد مما جعله يغضب و كان هيكدر مروان على تصرفه مع عاصم و لكن عاصم تدخل و طلب منه ان لا يكدره .
مروان مر بجوار عاصم و مراد الذى كان يتحدث مع عاصم حتى يشكره على موقفه و عدم ب السماح ب تكدير مروان ، وقف مروان ثوانى أمام عاصم و هو ب يسند نور .
مروان :- العب كويس يا كوتش علشان حسابك هيكون معايا جهز نفسك .
مروان مشى هو و نور .
عاصم :- { إِنَّكَ مَيِّتٌ وَإِنَّهُمْ مَيِّتُونَ * ثُمَّ إِنَّكُمْ يَوْمَ الْقِيَامَةِ عِنْدَ رَبِّكُمْ تَخْتَصِمُونَ } و { إِنَّا لِلَّهِ وَإِنَّا إِلَيْهِ رَاجِعُونَ } .
مراد :- ههههههه ولا دايم الإ وجه الله .
عاصم :- روح يا شيخ ربنا ياخدك يا بعيد .
مراد :- اهدى على نفسك علقه تفوت ولا حد يموت بس متنساش تكتب وصيتك .
عاصم :- بارد .
مراد :- ههههه بعض ما عندكم .
تركه عاصم و هو متغاظ منه و يتشهد على روحه .
مراد :- هههههه و لسه اللى جاى احلى يا نور .
أما عند مروان و نور ف لقد أخذها مروان عند طبيب المعكسر حتى يطمئنه عليها ، ف طمئنه الطبيب و كتب لها بعض الادويه من أجل الاصابات الذى فى جسدها و الكدمات قام مروان ب أخذها و اوصلها إلى غرفتها .
مروان :- ارتاحى انتى دلوقتى و اقسم ب الله ل هوريكى أنا هعمل ايه فى الكلب ده على اللى عمله فيكى اما خليته يتمنى الموت .
نور :- الموضوع مش مستاهل يا مروان انا كويسه آآه .
مروان :- متتعبيش نفسك انتى و انا هعرف عاصم مين هو مروان كامل يالا اسيبك ترتاحى سلام .
نور :- مع السلامه .
كان مراد يتابع مروان و عندما وجده يغادر غرفة نور توجه هو لها ف هو اراد ان يشمت بها قليلا قبل ان يعود مرة اخرى إلى الاختبار .
مراد بسخريه .
مراد :- ايه يا وحش ؟ ايه بس اللى حصلك دا انا ما شوفتك نازل قولت دا البيج شو ( اسم أحد المصارعين ) هتمسح به المعسكر تؤ تؤ كده تخيب امالى و تخليه يطحنك كده .
نور نظرت له بغيظ و آلم .
نور :- انت عايز ايه ؟ و بعد انا ...انا اللى سيبته يضربنى علشان بس محرجهوش قدام اصحابه و يقولوا الضرب على يد بت حتى تبقى عيبه فى حقه بس متزعلش ان شاء الله فى مرة هتقع تحت ايدى و اضربك زى كل مرة و اعلم عليك قدام الكل .
مراد ابتسم ابتسامه مغتاظه و هو يقبض على يده بقوة و يحاول ان يمنع نفسه من ان يذهب لها و يمسك وجهها و يضربه و يضربه بستمرار مثل ما يفعل بكيس البوكس حتى يخرج كل غيظه و غضبه منها .
ابتسم مراد ل افكاره و كم شعر بالسعادة و هو يتخيل انه يفعل ذلك ولكنه نفض تلك الافكار بعيدا عن رأسه و نظر ل نور .
مراد :- و انا هستنى الوقت اللى تقعى تحت ايدى علشان اوريكى مين اللى هيفرم التانى يا...يا وحش .
نور بمقوحه .
نور :- مسيرك يا ملوخيه تاجى تحت المخرطه الايام بيننا يا ...يا مراد .
لم يعلق مراد على حديثها و لكنه رمقها ب نظره ناريه ارعبتها قبل ان يخرج من الغرفة و يعود إلى الاختبار قبل ان يلحظ احد غيبه .
بعد ان غادر بتتنفس ف هى كانت تكتم انفاسها بخوف منه .
نور :- ربنا يخدك يا بعيد كنت هموت بس ماشى يا مراد انت اللى بدية العداوه و البادى اظلم .
عاد مراد إلى ساحة المصارعة و وجد مروان يستعد ل مباراته .
مروان و هو يتحدث له بغضب .
مروان :- كنت فين ؟
مراد تعجب من عصبيته .
مراد :- كنت بغسل وشى مالك متنشن كده ليه ؟
مروان و هو يزفر بغضب و نرفزه .
مروان :- انت ازى تروح تقف مع عاصم بعد اللى عمله مع نور .
مراد :- و ليه مقفش معه بقا ان شاء الله هى نور دى كانت من بقيت اهلى و بعدين انا روحت اساعده بعد ما انت اتهورت و ضربته و حاولت اصلح الموضوع و الموضوع ميكبرش .
مروان بعصبيه .
مروان :- ما يكبر فكرنى هخاف منه .
مراد بتحذير .
مراد :- مروان اهدى مالك كده مبقيتش قادر تضبط اعصابك و بعدين انا اصلا مش فاهم اهتمامك ب نور دى ليه ؟ ما واحدة ب نشتغل معاها و خلص ليه أم الحوار ده علشان و عايز تخسر صاحب زى عاصم علشانها ؟ هى ايه بالنسبه لك يا مروان .
مروان كان سوف يرد عليه و لكن حان وقت مباراته ضد عاصم
يا ترى ايه هيعمل مروان مع عاصم ؟
يا ترى مراد هيكتفى ب اللى عمله فى نور ولا لسه ؟
يا ترى نور هتسكت ل مراد ؟
انتظروا الفصل الجاى
يتبع
***********
أنت تقرأ
رواية لعشقها انحنيت الجزء الأول {مكتمل}
Romantikهى قصة انتقام من اجلها فعل المستحيل لكى يحصل عليها، برغم برائتها اوقعها القدر بين براثن شيطان لا يرحم حاول ايذائها وكسرها وفعل... فكان ردها انها كسرته فمن ينحنى لاخر اولا لعشقها انحنيت. تاريخ النشر 20 / 2 / 2019