" ငါ့ကို သူ့အကြောင်းလည်း မပြောပါနဲ့... သူ့နာမည်လည်း ငါမကြားချင်ဘူး မခ... ခြံခုန်သွားကတည်းက သူနွားဖြစ်ပြီးသား ... အခုမှပိုပီပြင်တဲ့နွားဖြစ်သွားတာ... သူ့အကြောင်းနဲ့ သူ့ကံဘဲ... ''
" အခု မြတ်နိုးလည်း သူ့အကြောင်းတွေအကုန်ပေါ်သွားတော့ ရှက်ပြီး သန်လျင်ကိုပြောင်းတယ်... စွမ်းထက်လည်း နင့်ကိုပြန်ကပ်ချင်နေတယ်လို့ပြောတယ် ရှင်... ''
" သူကပ်တိုင်း ပြန်လက်ခံရအောင် ငါက အဲ့လောက်လွယ်တဲ့သူလား... တော်ပါတော့ဟာ ... ကဲ ဒေါ်မိုးမခ ရှင်ဒီနေ့ချိန်းတာ ရှင့်မွေးနေ့အတွက် ကျွေးဖို့လား ကျွန်မကို အရင်အကြောင်းတွေပြန်ပြောဖို့လား... ပြော.... ''
" OK OK... ကြိုက်တာစားဖို့သွားကြစို့... လာ... ''
အရာအားလုံး၏ မူလအကြောင်းအရင်း....
မြတ်နိုးဝေ ဆိုသော သူငယ်ချင်းအယောင်ဆောင်ကောင်မလေးတစ်ယောက်မှ စ၏ ။
သူငယ်ချင်း...
အချစ်ဆုံးသူငယ်ချင်း....
စွဲညှို့ရှင်၏ အရင်းနှီးဆုံးဖြစ်ခဲ့သော သူငယ်ချင်း....
အားလုံးက စွမ်းထက်ဆိုသည့်ယောက်ျားကို လိုချင်တပ်မက်ခဲ့ခြင်းကြောင့် ဟန်ဆောင်ခဲ့သည်များသာ ။
ကျောင်းပြောင်းလာကာစ မြတ်နိုးဝေအား မိန်းကလေးအတန်းခေါင်းဆောင်တစ်ယောက်ဖြစ်သော စွဲညှို့ရှင်က အရာရာကူညီခဲ့သည် ။ စွဲညှို့ရှင်မှတစ်ဆင့် စွမ်းထက်ကိုလည်း သူမသိရှိခဲ့ရသည် ။ နောက်ပိုင်းတော့ သူငယ်ချင်းအယောင်ဆောင်ရင်း စွဲညှို့ရှင်နှင့် ရင်းရင်းနှီးနှီးပေါင်းကာ သူငယ်ချင်း၏ချစ်သူကို လုယူခဲ့ခြင်းသာဖြစ်၏ ။
ခပ်သဲ့သဲ့ထွက်ခဲ့သော သတင်းများအရ ချစ်သူသက်တမ်းလေးလလောက်နှင့် ခပ်မြန်မြန်လက်ထပ်ပွဲစီစဉ်ခဲ့ရခြင်းမှာ မြတ်နိုးဝေတွင် ကိုယ်ဝန်ရှိနေ၍ဖြစ်ပြီး ယခု လက်ထပ်ပွဲပျက်ခဲ့ရခြင်းကတော့ ထိုကိုယ်ဝန်မှာ စွမ်းထက်နှင့်ရသည်မဟုတ်ဘဲ အရင်ရည်းစားဟောင်းနှင့် အဆက်မပြတ်ဘဲ ထိုသူနှင့်ရခဲ့သောကိုယ်ဝန်သာဖြစ်ခြင်းကြောင့်.....။
