Libro ng Katotohanan

¦ Ikaw pa rin ¦

Elementarya hanggang sekondarya
Ikaw ang inasam na makasama
Ang nais gawing prinsesa
At kung papalarin, ang gawing reyna.

Ngunit kalaban natin ay tadhana,
Yung tipong kinailangan nating humiwalay sa isa't-isa
Bumitaw ka at sa iba sumama
Pero heto pa rin ako, hindi nawawalan ng pag-asa.

Kahit sa iba ka umibig,
Puso at isip ko ay ikaw ang siyang bukang-bibig
Kung pwede lang sana kitang buhusan ng malamig na tubig
Para makita mo ang alay kong pag-ibig.

Magpapakatanga kahit nakakabanas
Bakit hindi pinagbigyan ang pag-ibig na wagas
Ang mundo nga naman ay sadyang hindi patas
Pero mahal ko, ikaw at ikaw lang hanggang buhok ay maglagas.