တိမ္​ဖံုး​ေကာင္​းကင္​ - တိမ်ဖုံးကောင်းကင် ( Completed )

အခန္​း၁ ။ ​ေခတ္​သစ္​ခ်စ္​တီး

For Unicode

2013 March 28

MYAK TRADING COMPANY
General Manager Room

" ကျွန်​တော်​က အလုပ်​ဝင်​တာ ၁လပဲရှိ​သေးတာ​လေ ဘာလို့ ရာထူးတိုးရတာလဲ "
" ဒါက GM ရဲ့ လုပ်​ရည်​ကိုင်​ရည်​စွမ်း​ဆောင်​မှု​ကြောင့်​လို့​ပြောပါတယ်​ခင်​ဗျာ "
" ကို​အောင်​မောင်း ဒီအလုပ်​မှာ သူ​ဋ္ဌေးအတွင်း​ရေးမှူးဖြစ်​တာ ဘယ်​လောက်​ကြာပြီလဲ "
" ၄နှစ်​ပါခင်​ဗျာ "
" အတွင်း​ရေးမှူးဋ္ဌာနမှာ လူဘယ်​နှစ်​ယောက်​ရှိလဲဗျ "
" အားလုံး​ပေါင်း ၁၂​ယောက်​ပါ "
" Boss က အလုပ်​ရောလုပ်​ရဲ့လား​ပြောသာ​ပြောတာ ကို​အောင်​မောင်းတို့ အားလုံး Boss ကို​ရော မြင်​ဖူးရဲ့လား "
" Boss က အကုန်​လုံးကို တိုက်​ရိုက်​ညွှန်​ကြားတာပါ "
" ဒါ​ပေမဲ့ တစ်​ခါမှ လူလုံးထွက်​မပြဘူးမလား "
" ဒါ​ပေမဲ့ Boss ဘယ်​လောက်​တော်​တယ်​ဆိုတာ GM လည်း သိမှာပါခင်​ဗျာ "

" သွား​တော့ဗျာ ဘာထူး​တော့မှာလဲ တစ်​တက်​စားလည်းကြက်​သွန်​နှစ်​တက်​စားလည်းကြက်​သွန်​ဖြစ်​နေပြီကို "
" သွားခွင့်​ပြုပါခင်​ဗျ "

ဒီစကားကို နား​ထောင်​မိရင်​ကျွန်​တော်​အဆက်​အစပ်​မရှိ​ပြော​နေတယ်​လို့ထင်​ပါလိမ့်​မယ်​။ အမှန်​က ကျွန်​တော်​ဟာ ဒီအလုပ်​နဲ့မအပ်​စပ်​တဲ့ ဆရာဝန်​တစ်​ယောက်​။​ဆေး​ကျောင်းတက်​ပြီး ဘွဲ့ရခါမှ အိမ်​ကတစ်​ချက်​လွှတ်​အမိန့်​နဲ့ ဒီမှာအလုပ်​လာဝင်​နေရခြင်း။

​ကျောင်းပြီး House ဆင်းခါစ ဆရာဝန်​ပေါက်​စဟာ ဘယ်​လိုမှ မအပ်​စပ်​မ​လေ့လာဖူးတဲ့ ကုန်​သွယ်​ရေးအလုပ်​တစ်​ခုမှာ GM တဲ့​လေ။

ကျွန်​တော်​တို့မိသားစုက မဆင်းရဲ​ပေမဲ့ သာမန်​လူလတ်​တန်းစားလို့​ပြောလို့ရပါသည်​။ မိသားစု ၅​ယောက်​ရှိတဲ့ထဲ ကျွန်​တော်​က အကြီးဆုံး။ အ​ဖေက အစိုးရလခစားဝန်​ထမ်းတစ်​ယောက်​။ အ​မေက​တော့ အိမ်​ထောင်​ရှင်​ပေါ့ဗျာ။ သားသမီး​တွေကို​ကျောင်းထားရတာ လွယ်​တဲ့ကိစ္စ​တော့မဟုတ်​။

သို့​သော်​လည်း ကျွန်​တော့်​ကို​ဆေး​ကျောင်းထားနိုင်​ခဲ့သည်​။ အငယ်​နှစ်​ယောက်​ကိုလည်း Private School ပို့ထားနိုင်​သည်​။ ဒါ​တွေဟာ ဘယ်​ကရတဲ့ပိုက်​ဆံ​တွေလဲ။ သိတာ​ပေါ့​လေ။ ဘာမှ​သွေးသားမ​တော်​စပ်​သည့်​Trading တစ်​ခုက​ထောက်​ပံ့​ပေးသတဲ့။ မြင်​လည်းမမြင်​ဖူး​တွေ့လည်းမ​တွေ့ဖူး​ပေမဲ့ အ​မေနဲ့အ​ဖေက​တော့ လက်​ခံတယ်​ဗျာ။