عشقتها حد الجنون للكاتبة ( سها محمد )

الفصل الأول

في شركة أيهم

منى السكرتيرة طرقت الباب ودخلت مكتب ايهم: اتفضل يا فندم دا ورق الصفقة الجديدة
أيهم بعصبية : والله وهو لسه خالص يا استاذة كان فين بقاله كام يوم
منى بخوف : والله يا أيهم بيه انا باعمل فيه ليل ونهار ويدوب لسه مخلصاه امبارح بالليل
أيهم : دا اسمه اهمال وتسيب انتي بتشتغلي في شركة كبيرة ولها اسمها يعني كل حاجة تخلص بسرعة وتكون دقيقة انتي فاهمة ولو مش فاهمة ارفدك واجيب واحدة تانية بتفهم
منى : لا يا فندم واحدة تانية ايه انا بعد كدا هاعمل كل جهدى واخلص بسرعة
أيهم : اتفضلي على مكتبك
منى : حاضر يا فندم واسفة مرة تانية
أيهم : انتي هتقعدى تحكيلي قصة حياتك اتفضلي على مكتبك يلا
منى : حاضر عن اذن حضرتك
================================================================
منى خرجت تزفر فهي تعبت من المعاملة دي
هبه صاحبتها : مالك مبوزه كدا ليه
منى : هو انا بادخل عنده غير لما يشخط فيا ويطلعني مبوزه
هبه : مش عارفة ايه ده الله يكون في عونك دا انا اما بسمع اسمه بارتعش
منى : لولا ان المرتب كبير كان زماني مشيت
هبه : ايوة فعلا دي اكتر شركة بتدي مرتب
منى : بس هو مش بيبقى عصبي كدا غير مع البنات
هبه : ايوة فعلا شكله عنده عقده من البنات
منى : يلا يا اختى روحى على مكتبك لا ان طلع وشافك هنا هتبقى ليلتنا ما يعلم بيها الا ربنا
هبه : على رأيك يلا سلاموووز
======================≠========================≠================

في فيلا ضخمة في احد الأحياء الراقية وهي فيلا محمد الشناوي

رودى : مامي يا مامي يا حتة سكره
حنين : نعم يا روحي ودنيتي كلها
محمد : الله الله عالرومانسية يعنى أنا ماليش من الحب جانب يعني أطلع منها أنا
رودى : تطلع منها ايه يا بوب دا انت اللي في القلب برده دا أنا باضحك عليها بكلمتين
حنين : الله الله بتضحكي عليا اوك طاب شوفي مين هيخلى فتحية تحطلك الأكل تلاقيكي جاية من الدرس ميتة من الجوع
رودى : سهلة يا حنونة وانا ماشية هأعدي على توحا في المطبخ أخليها تحضرهولي مش قضية هي
محمد:هههه ههههه ههههه شوفي البنت ألا قوليلي عملتي ايه في الدرس يا مغلباني
رودى : يعني هكون عملت إيه زي كل يوم هي السنة دي هتخلص أنا تعبت بقى أووووف
حنين :هانت يا حبيبتي والسنة دي تخلص وتدخلى بقى الكلية اللي نفسك فيها
رودى : مامي قولى لتوحا تحضرلي الاكل على ما اغير لا انا ميتة من الجوع
حنين : حاضر يا حبيبة ماما اطلعي انتي بس غيري وهتنزلى تلاقي الاكل على السفرة
بعد ما رودى طلعت وحنين راحت تقول لفتحية وجات لقت محمد الدموع في عنيه فعرفت ان هو خايف عليهم اسمنه تعبان خايف يسيبهم لوحدهم عايز يطمن ان هما في ايد أمينة قبل ما يموت
فبدون كلام تقدمت عليه وحضنته فدفن راسه في صدرها وبكى
حنين: كفاية يا حبيبي كفاية ما تقطعش قلبي عليك إن شاء الله ربنا هيخليك لينا يا عمري
محمد : دا قضاء وقدر أنا بس عايز أطمن على رودى قبل ما اموت نفسي اجوزها لواحد يحميها ويصونها نفسي أكون وكيلها يوم كتب كتابها نفسي أشوفها بالفستان الأبيض نفسي في حاجات كتير أوي
حنين :إن شاء الله يا حبيبي هتعيش وتعمل دا كله بس إنت ادعي ربنا وامسح دموعك يلا زمان رودي نازلة ومش عايزاها تشوفك وإنت بتعيط يلا
وقامت حنين مره أخرى بإحتضانه وفي نفس الوقت نزلت رودى لقيتهم حاضنين بعض
رودى : امسك حرامى اقبضو عليهم حد يجيب بوليس الآداب بسرعة قبل المجرمين ما يهروبو
حنين:ههه هههههه هههههههههه يخرب عقلك يا فضيحة امتى هتكبرى
محمد : ههههههه هههههههههه هههههههههه مش قادر حرام عليكي هتموتيني ناقص عمر من عمايلك دي
رودى: عمايلى انا برده ولا إنت اللي ما صدقت أطلع أغير وقمت تستفرد بالمدام
محمد: استفرد بمين دي مراتي هو انا شاقطها
رودى :الله الله وكمان عارف شاقطها الله يرحم وكمان مراتك ما قولناش حاجة بس يبقى في اوضتكو مش في ميدان التحرير كدا واللي رايح واللي جاي يتفرج عليكو صح ولا أنا غلطونة
حنين :غلطونة دا إنتي اللغة ضاربة عندك خالص يلا روحي كلي زمان الأكل برد
رودى : اه وزعيني وزعيني علشان الجو يخلالك
محمد : يخلالك انتي بتجيبي الكلام دا منين يا بنت انتي
رودى : من السوبر ماركت عايز شوية ابقى اجيبلك
محمد : لا يا أختى كفاية انتي
رودي : طب سلام بقى علشان عفاريت بطني عاملة مظاهرة جوا شوية و هيطلعو على ميدان التحرير
محمد : سلام يا مغلباني
................................................................................................................................................
فى الفيلا اللي بجوارهم وهي فيلا أحمد الشناوي