عشقتها حد الجنون للكاتبة ( سها محمد )

الفصل الثامن و العشرون

اللهم صلي وسلم وبارك على سيدنا محمد وعلى آله وصحبه أجمعين

=======================================================================

ساره بخضة : انت

الطرف الآخر : ايه خضيتك

ساره : ايوة خضيتني بتعمل ايه هنا يا شهاب

شهاب : عادي بغير جو انتي اللي بتعملي ايه هنا وجاية مع مين

ساره : بغير جو انا كمان وجاية مع ايهم و رودى

شهاب : مازن وهادي مجوش معاكو ليه

ساره : عادي مشغولين شوية

شهاب : طب انا جعان ما تيجي ناكل سوا

ساره : معلش يا شهاب مش هقدر مليش نفس

شهاب : تعالي وانا هفتح نفسك

ساره : اعذرني يا شهاب مش هقدر اجي معاك

شهاب : مالك يا ساره شكلك زعلانة من حاجة

ساره : لا ولا زعلانة ولا حاجة

شهاب : انا متأكد ان فيه حاجة مزعلاكي

ساره بعصبية : قولتلك مفيش حاجة

شهاب : خلاص انتي اتعصبتي كدا ليه

ساره : سوري يا شهاب بس انا مضغوطة اليومين دول

شهاب : ولا يهمك يا ساره انا بس كنت عايز اطمن عليكي انتي عارفة اني من يوم ما صاحبت مازن وانا بعتبرك زي اختي

ساره : عارفة يا شهاب وسوري كمان مرة علشان اتعصبت عليك

شهاب : لا عادي انا رايح اكل انا بقى علشان هموت من الجوع

ساره : بالهنا على قلبك

شهاب : شكرا يا سوسو ابقى سلميلي على ايهم ومازن وهادي

ساره : حاضر يوصل

ساره شافت حد واقف ورا شهاب ومن الصدمة سكتت ما عرفتش تتكلم

شهاب : في ايه يا ساره تنحتي كدا ليه

ساره : 🤐🤐🤐🤐

شهاب : في ايه يا ساره ما تقلقنيش انا خايف ابص الاقي حد هيموتني قوليلي يا ساره في حد واقف وحاطط مسدسه على راسي

ساره : 🤐🤐🤐🤐

شهاب : ما بترديش ليه انا كنت عارف من الاول اني هموت مقتول ليه يا ربي انا مش عايز اموت انا لسه صغير وفي عز شبابي يعني مش هتقولي في ايه ورايا طب انا هعد لتلاتة وابص مرة واحدة واللي يحصل يحصل واحد اتنين تلاتة

==================≠============≠=======================================

عند ايهم ورودى

ايهم : خلاص بقى يا رودى فكي

رودى بزعل : لا انت شوفتها بتبصلك ازاي دي عنيها كانت هتاكلك