عشقتها حد الجنون للكاتبة ( سها محمد )

الفصل الخامس عشر

اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

=============================================================

رودى بزعيق : اييييه دا تخاريف انا لا يمكن اقبل الكلام اللي مكتوب في الوصية ده

رفعت : لو سمحتي يا رودى هانم دي مش تخاريف دا الكلام اللي بباكى كاتبه في الوصية وانا ما اقبلش انك تقولى عليه تخاريف

احمد : اهدى يا رفعت هي ما تقصدش هي بس مصدومة من الكلام اللي مكتوب

ايهم : يعنى معنى الكلام اللي في الوصية ده ان كل املاك عمو محمد هتروح جمعيات خيرية الا في حالة من الحالتين اللى حضرتك قولتهم

رفعت : ايوة ان انت و رودى خلفتو الاملاك هتتوزع بشكل طبيعى و كل واحد هياخد نصيبه او لو مش عايزين تخلفو هتخليكو متجوزين لحد ما تكملو السنتين على جوازكو

رودى : يعنى لاما اخلف منه لاما اخلينى متجوزاه سنتين

رفعت : بالظبط كدا

مازن : دا ايه الفيلم العربى القديم اللى احنا قاعدين فيه ده انا حاسس انى بحلم

رودي : طب ما الاملاك تروح للجمعيات

احمد : وهنصرف منين للاسف يا عيال اللى انتو ما تعرفهوش ان كل حاجة ملكنا باسم محمد رغم انى ليا النص في كل حاجة الا انى كنت بارفض اكتب اى حاجة باسمى و اخويا الكبير موجود

ايهم : ايه الكلام اللي حضرتك بتقوله دا يا بابا

احمد : دى الحقيقة كل حاجة باسم محمد الله يرحمه حتى شركتك يا ايهم انت اللى اسستها بس الارض اللى هي مبنيه عليها باسم عمك محمد يعنى يا ولاد اذا رفضتو هنضطر اننا نعلن افلاسنا قريب ومش هيكون حيلتنا حاجة

ايهم : طب لحد اما نخلف او نكمل السنتين هنصرف منين

رفعت : هتصرفو عادى و كل حاجة هتبقى بتاعتكو بس بدون رسميات يعنى ما يحقلكوش تبيعو حاجة او تهدمو حاجة

ايهم : يعنى مالناش لازمة غير ان احنا نشتغل وممكن كمان في الاخر يروح للجمعيات بعد ما تعبنا و شقينا

رفعت : ايوة بالظبط كدا استأذن انا بقى وابقو عرفونى وصلتو لايه علشان لو مش موافقين اتبرع بالاملاك للجمعيات يلا مع السلامة

مشى رفعت و سابهم يتكلمو ويحاولو يوصلو لحل

احمد : انا شايف ان الحل في ايد رودى و ايهم دلوقت احنا حياتنا دلوقت متوقفة عليكو

هادى : وانا كمان شايف كدا وكمان شايف ان دى حاجات عادية مش طالب حاجة صعبة مثلا و في ايديكو تنفذو الوصية دى لانها مش صعبة عليكو

رودى : مستحيل دا يحصل انا لا يمكن اوافق على اي واحد فيهم

حنين : ليه يا رودى انتى كدا كدا متجوزة ايهم وان شاء الله مسيركو تخلفو وكمان ايه اللي مخليكى رافضة بالشكل ده دا انتى حتى لو رافضة الخلفة دلوقت علشان دراستك كنتى هتوافقى عالحل التانى لاما بقى تعرفينا سبب رفضك ده