عشقتها حد الجنون للكاتبة ( سها محمد )

الفصل الثاني والثلاثون

اللهم صلي وسلم وبارك على سيدنا محمد وعلى آله وصحبه أجمعين

========================================================================

في فيلا هادي

ايهم : لأخر مرة هسألكو انتو الاتنين موافقين ولا لا

هادي : انا موافق بس عارف انها مش موافقة من جواها وانها وافقت علشان ما تزعلنيش بس انا مش هقبل بكدا فانا مش موافق

ساره : لا يا هادي انا موافقة بجد لاني بحبك وعايزة ابقى معاك في اقرب وقت

هادي : بس انتي غيرتي رأيك بعد ما عملت الحادثة ليه صعبت عليكي ولا ايه

ساره : لا طبعا انا كنت بفكر اوفق على اقتراح ايهم وانا في شرم من قبل ما انت تعمل الحادثة

هادي : بس انتي قولتيلي انك مش موافقة وانك هتسيبيني خالص

ساره : لا دا كلام بس وقت غضب

هادي : يعني انتي لسه بتحبيني يا ساره

ساره : ايوة وانت يا هادي لسه بتحبني

هادي : بحبك وبموت فيكي وبعشقك

هادي كان لسه هيحضنها لكن ايهم شدها منه

ايهم : ايه يعم انت ما صدقت طب راعي ان اخواتها واقفين

هادي : حرام عليك يا ايهم قطعتني في اهم حتة انت حد مسلطك عليا يا اخي

ايهم : كفاية كدا انا سايبك تحب فيها بقالك ساعة كتب كتابكو ان شاء الله مع مازن كمان كام يوم ابقو خدو راحتكو بعدها

مازن : يااه اخيرا يا هادي انا وانت هنتجوز كمان كام يوم

هادي : دا لسه كتب كتاب وبعدين بلاش قر لا عينك دي اللي جايبانا لورا وموقفة حالنا

مازن : انا دا انا حتى غلبان وعيني غلبانة زيي

ايهم : ايوة واضح اوي ان عينك غلبانة دي جايبانا كلنا لورا

مازن : والله انتو رخمين وانا مش هنزل من مستوايا وارد عليكو

ساره : انتي زعلتي يا بيضه

مازن : مش هرد عليكي انتي كمان وانزل من مستوايا

==========================================================================

رودى كانت خارجة من عند مامتها ومدايقة من كلام مامتها ليها

رودى في نفسها : هما ليه محدش فيهم حاسس بيا حتى مامي مع ايهم دايما وشايفاه هو الصح وانا اللي علطول غلطانة هو انا امتى حد هيحس بيا ياربي انا تعبت بجد ريحني بقى وخليك معايا

قاطعها صوت ثريا : السلام عليكو يا بنتي انتي مين

رودى : وعليكم السلام انتي اللي مين