عشقتها حد الجنون للكاتبة ( سها محمد )

الفصل الثالث والثلاثون

اللهم صلي وسلم وبارك على سيدنا محمد وعلى آله وصحبه أجمعين

=========================================================================

رودى : ايهم انا عايزة اطلب منك طلب

ايهم : اطلبي يا حبيبتي اللي انتي عايزاه

رودى : انا عايزة امشى من هنا تعالى نروح نعيش في الفيلا اللي انت كنت جايبهالي

ايهم : متأكدة من قرارك دا يا رودي انتي مش هتعرفي تعيشي لوحدك في مكان ما تعرفيهوش انا هبقى في شغلي طول الوقت وانتي هتبقى لوحدك

رودى : لا انا مش هقدر اعيش هنا بعد النهاردة وكمان لما كلهم يعرفو انا مش هعرف اواجهم انا اضعف من اني اخد الخطوة دي

ايهم : ما تخافيش انا هبقى معاكي وهما محدش فيهم هيعملك حاجة كلهم بيحبوكي سواء بنت عمو محمد او مش بنته احنا بنحبك لشخصك

رودى : لا انا محتاجة فترة اقعد مع نفسي فيها مش عايزة اقابل حد ولا اشوف حد ومش عايزاك تعرفهم مكان الفيلا

ايهم : بابا و مازن يعرفوه وكمان انا عايزك تواجهي الموقف من الاول وتبقى قوية

رودى : انا هواجهه بس مش دلوقت انا محتاجة فترة اقعد لوحدي وافكر واشوف هتصرف ازاي وهعمل ايه وكدا

ايهم : اوك يا قلبي اللي انتي عايزاه شوفي انتي عايزة تنقلي من امتى وانا تحت امرك

رودى : بكرا الصبح بدري قبل ما يصحو نكون مشينا

ايهم : مش هينفع نمشي من غير ما نقولهم وكمان لسه محدش فيهم يعرف

رودى : لا اكيد عرفو حتى لو محدش قالهم اكيد الخدم عرفو وقالو لبعض وحتى لو ما عرفوش انا مش هستنى اما يعرفو انا عايزة امشي في اسرع وقت

ايهم :ماشي يا رودي انا هعملك اللي انتي عايزاه

رودى : انا عايزة اطلب منك طلب كمان لو مفيهاش ازعاج

ايهم : ازعاج ايه يا رودى انتي بتهزري انتي تؤمري وانا انفذ

رودى : انا عايزة اروح لماما دلوقت

ايهم بتعجب : دلوقت

رودى : ايوة

ايهم : انتي متأكدة

رودى : ايوة انا عايزة اعرفها اني مش زعلانة منها انا خايفة عليها جدا وعايزة اطمنها اني عمري ما هسيبها

ايهم : طب خليها الصبح الوقت اتأخر

رودى : لا مامي مش هتعرف تنام لازم اروح اطمنها دي هي اللي باقيالي من الدنيا دي

ايهم : طب روحيلها وانا هقفلك في البلكونة اطمن انك دخلتي عندها الفيلا

رودي : لا انا عايزاك معايا هكون مطمنة اكتر وانت معايا