عشقتها حد الجنون للكاتبة ( سها محمد )

الفصل الرابع

في بيت من أحياء القاهرة المتوسطة الحال

أمينة (والدة سالي) : سالي ما قولتليش هتلبسي ايه في فرح ايهم
سالي : مش عارفة يا ماما بس انا مش هاقبل اني اكون اقل منهم ان شاء الله اشتري فستان بمرتب بابا كله المهم اني احس اني واحدة منهم دا فرح البرنسيسة رودى وأيهم بيه اه ما هي رودى دي محظوظة وقعت في واحد بس انا مش هاخليني قاعدة كدا أكيد مازن بيحبني انا باحس بكدا لازم اعمل خطة اخليه يجي يتقدملي بسرعة انا مش هاخليني قاعدة حاطه ايدي على خدي
أمينة : وبعد ما تجيبي فستان بالمرتب كله هنعيش منين بقيت الشهر وبعدين ابعدى عن مازن دا بن اختي يعني لو عملتيله حاجة انا هاخسر اختي وانا مش مستعدة اخسرها بسبب أي حد
سلي : والله دي مشكلتكو انتو ياما خالتو سلوى وانكل أحمد عرضو على بابا نعيش معاهم ورفض وعرضو عليه نعيش حتى في فيلا جامبهم برده رفض وبيرفض كل حاجة ترفع من مستوانا وسايبنا في الفقر اللي احنا فيه دا وبعدين أختك هي اللي المفروض تساعدنا ان انا اتجوزه ما انا مش هاقبل اعيش في الفقر دا أكتر من كدا انا خلاص تعبت وزهقت وقرفت
أمينة : احنا مش في فقر ولا حاجة احنا الحمدلله أحسن من غيرنا كتير
سالي : وفي غيرنا كتير احسن مننا ليه نبص للأقل مننا ليه ما نبص للي فوق ليه ما نبقاش زيهم
أمينة : انا مش عارفة الحقد اللي جواكي دا منين
سالي بدموع : انا مش حقودية يا ماما انا عايزة ابقى زيهم عايزة احس اني مش ناقصني حاجة
أمينة : يا حبيبتي انتي مش ناقصك حاجة بس لازم ترضي وتبقى قنوعة المهم بقى ماقولتليش هتلبسي ايه
سالي : مش عارفة
أمينة : طب البسي فستان من اللي ساره بتجيبهوملك
سالي : عايزاني البس من لبسهم اللي بيجيبوه علشان يقولو علينا محتاجين ومش عارفين نجيب فستان جديد
أمينة : يا حبيبتي هما مش هيقولو كدا هما بيحبونا وكمان ساره مش هتبقى فاكرة شكلهم دي بتبقى شاريهوملك انتي مخصوص
سالي : اوك يا ماما هاشوف
أمينة : اوك يا حبيبتي ربنا يسهلك الحال
سالي : يارب يا ماما

سالي كانت بتفكر مع نفسها في خطة توقع بيها مازن وتخليه يجي يتقدملها وبعد مدة من التفكير وصلت لحل ولكنه اجرامي شوية بس هتحاول تعمله ما هي مش قدامها حاجة تانية غير دي تعملها ما هو لازم يخطبها وينتشلها من الفقر اللي هي فيه
-----------------------------------------------------_------------------------------------------------------

ايهم كان بيسوق سيارته وكان سوف يدخل فيلته ولكنه رأى رودى تسوق عربيتها ومتجهه الى فيلتها
فاتجه اليها
رودى نزلت من عربيتها وهو كمان نزل واتجه إليها
ايهم بغضب : هو انا مش قايلك مليون مرة ما تسوقيش العربية انتي لسه صغيرة واحنا جايبين السواق علشان يبقي معاكى في كل مكان انا جايبلك العربية وكان شرطي انك ما تسوقيهاش
رودى : انت متعصب ليه هو انت مش بتشوفني الا اما تشخط فيا انا زهقت
ايهم بعصبية : انا باشخط فيكي لان كل تصرفاتك غلط في غلط ومحتاجة تغيريها
رودى بعند : هي دي انا ومش هاتغير لاي سبب من الاسباب
ايهم بغضب : ما تستفزنيش انا على اخرى منك
رودى : والله دا شيء يرجعلك متعصب مش متعصب انا ماليش دعوة بيك انت حر تعمل اللي تعمله وانا حرة اعمل اللي اعمله
ايهم : لا مش حرة وافهمي كدا كويس علشان مش هاعيده تانى
قاطع حديثهم حنين وهي خارجة اليهم
حنين : رودى كريم ابن خالك عالتليفون وعايز يكلمك
رودى وهي تجري : كوكي حبيب قلبي
حنين : تعالى يا ايهم ادخل
ايهم دخل علشان يشوف هتكلم سي كريم دا ازاي فهو لا يحبه فهو يعرف انه واد مدلع كدا وطول عمره مش بيحب رودى تكلمه
دخل ايهم لقى رودى تضحك وهي تكلمه
رودى : انت وحشتني اكتر قولي بقى هتنزل من السفر امتى انا عايزة اشوفك بقالي كتير مش شوفتك
كريم :----------------
رودى : ههههههه يا بكاش انت لو كنت وحشتك كدا ماكنتش اتأخرت عليا كدا
كريم :----------------
رودى : لا بقى انزل قريب انا مش هاستحمل اكتر من كده انت ان مانزلتش خلال الشهر دا انا مش هاكلمك تاني وهزعل منك واخاصمك
كريم :----------------
رودى : اه اخر صورة بعتهالك انت ماقولتليش تعليق عليها هي كانت وحشة ولا ايه
كريم :-----------------
رودى : ملكة جمال مرة واحدة لا يا عم انت اللي كنت مز في اخر صورة بعتهالي كنت واو روعة
كريم :------------
رودى : يوصل ان شاء الله يلا بقى اسيبك زمانك في الشغل باباي يا بيبى