اللهم صلي وسلم وبارك على سيدنا محمد وعلى آله وصحبه أجمعين
=========================================================================
حنين بصراخ : بنتي
احمد : شيلها بسرعة يا مازن طلعها فوق
مازن شال رودى وكان طالع بيها فوق
حنين : لا وديها الفيلا عندي انا مش هطلعها فوق وايهم فوق
احمد : مش وقته الكلام ده يا حنين
حنين : لا وقته انت شوفته كان بيعاملها ازاي
احمد : انتي في ايه ولا ايه
حنين : خلاص حطها عالكنبة هنا نفوقها وبعدين اخدها معايا
احمد : اطلع بيها يا مازن
مازن سمع كلام باباه وطلع برودى اوضتها هي وايهم
ايهم بصدمة : رودى مالها يا مازن ايه اللي حصلها
حنين : انت السبب في كل اللي بيحصلها
احمد : هات بيرفيوم يا مازن نفوقها الاول
ايهم قعد جمبها ومسك ايديها وباسها : قومي يا قلبي انا اسف انا كنت بس بقسى عليكي شوية علشان ما تعمليش كدا تاني
مازن جاب البرفيوم وفوق رودى
رودى : اااه
ايهم : سلامتك يا قلبي
حنين : عاملة ايه يا قلب ماما
رودى : انا كويسة يا مامي ايه اللي حصل
احمد : اغمى عليكي يا حبيبتي
حنين : ان كنتي كويسة قومي يلا نمشي من هنا
ايهم : تمشو تروحو فين يا طنط
حنين : الفيلا عندي رودى هتيجي معايا
ايهم : تيجي معاكي ليه
حنين : هو ايه اللي ليه انت ما شوفتش نفسك كنت بتعاملها ازاي بنتي كانت هتروح مني بسببك انت المفروض كنت تطمنها مش تزعقلها كدا وكنت كمان هتطلقها انا بنتي مش لعبة في ايديك
رودى : خلاص يا ماما انا مش زعلانة
حنين : اسكتي انتي ويلا قومي
ايهم : انا مراتي مش ماشية من هنا هي قالتلك مش زعلانة حضرتك مكبرة الموضوع ليه احنا قادرين نحل مشاكلنا مع بعض من غير ما تمشي وتسيب البيت
حنين : لا هتمشي انا دايما كنت بقف معاك وكنت بطلعك مش غلطان لكن المرة دي انت غلطان وانا بنتي هتقعد في بيت باباها لحد ما تقدرها وتعرف قيمتها
ايهم : انتي ليه مش مقدرة موقفي انا شوفت موقف صعب على اي راجل يستحمله
حنين : والله دا شئ يخصك يلا يا رودى
أنت تقرأ
عشقتها حد الجنون للكاتبة ( سها محمد )
Romanceجاد دلوعة متعجرف طيبة يعتبرها اخته الصغيرة فهو يكبرها بسنين كتير ولكن القدر يلعب لعبته مع أيهم و رودى ويحول علاقتهم من اخوات الى ازواج الى وصية الى وريث الى غيرة الى حب الى اعتراف
