عشقتها حد الجنون للكاتبة ( سها محمد )

الفصل السادس عشر

اللهم صلي وسلم وبارك على سيدنا محمد وعلى آله وصحبه أجمعين عليه افضل الصلاة و السلام

===================≠≠=========≠======================

فى فيلا احمد الشناوى يدق جرس الباب

رودي راحت تفتح الباب لقت فى وشها روما

روما بدلع : هاى يا رودى اخبارك ايه

رودى باقتضاب : كويسة

روما : مش هتقوليلى اتفضلى هتخلينى برا كتير

رودى : لا طبعا اتفضلى

روما : ميرسى هو ايهومى فين

رودى : ايهومى!!! ايهومك فى الشغل عايزاه ليه

روما : مش انا اللي عايزاه دا هو اللي اتصل بيا وعزمنى على سهرة صباحى من بتاعت زمان وقالى اعدى عليه هيكون مستنينى بس هو وحش ليه اتأخر كدا انا كدا ازعل منه

رودى : لا والله اخس عليه ازاى يعمل كدا المتوحش

روما : صح انا عندى حق بس شكلك كدا مش مالية عنيه دا رجع تانى للسهر والشرب والبنات بعد ما كان بطلهم دا دينا الله يرحمها كانت اشطر منك عرفت تخليه يبطل دا كله اما اتعرف عليها انما انتى خلتيه يرجع للحاجات دى دا انتى خيبة اوى

رودى بخبث : وانتى بقى من البنات اللي بيكونو وقت الزنقة يعنى

روما : قصدك ايه بالكلام دا انتى بتلمحى لايه

رودى بدهاء : قصدى انك من البنات اللي اخرهم ان ايهم يسهر معاهم اما بقى اما يجى يتجوز عمره ما يفكر يتجوزها بيتجوز اللى زي واحدة تصونله بيته وشرفه حتى وهو مش موجود

روما : لا بقى انا ما اسمحلكيش انتى اتجاوزتى حدودك عالآخر

رودى : هو انا قولت حاجة غلط انا بقول اللى شايفاه قدامى ايهم كان مش معبرك وقت اما انا كنت حلوة معاه لكن دلوقت انا مش معبراه رجعلك تانى ولما اتصالح انا وهو هيرجع ما يعبركيش تانى ما انتى مركونة عالرف وقت ما يعوزك يلاقيكى بمزاجه انتى مالكيش شخصية

روما : وانتى ايه اللي مزعلك دلوقت اكيد مش زعلانة علشانى و عايزة مصلحتى

رودى : انا مش زعلانة ولا حاجة انا بس بعرفك ايه اللي بيحصل بفهمك الدور ماشى ازاى

روما : لا زعلانة واقولك انا انتى زعلانة ليه زعلانة علشان ايهم دلوقت مش معبرك انتى ومعايا انا دلوقت

رودى ضربتها بالقلم وكان ايهم داخل وشافها وهى بتضربها

ايهم بعصبية : رودى ايه اللي عملتيه ده انتى اتجننتى

رودى : انا برده اللى اتجننت ولا انت

ايهم : انتى ازاى تضربيها كدا