عشقتها حد الجنون للكاتبة ( سها محمد )

الفصل الثاني عشر

اللهم صلي وسلم وبارك على سيدنا محمد وعلى آله وصحبه أجمعين عليه أفضل الصلاة والسلام

=============================================

ايهم و رودي وصلو المستشفى لقوهم واقفين كلهم
فسأل نفسه : امال مين تعبان
جاءت اليه ساره وهي منهاره في العياط واحتضنته
ساره و هي تعيط : ايهم ماما يا ايهم بيقولو حالتها خطيرة
ايهم بصدمة : ماما ايه انتي بتقولي ايه
ثم تركها واتجه الى والده : بابا ماما مالها
احمد : عملت حادثة وهي جاية من عند خالتك وحالتها خطيرة
ايهم : طب الدكتور قال ايه
احمد : لسه ما خرجش من ساعة ما دخلت
هادى : اهدي يا ايهم ان شاء الله هتبقى كويسة

رودى و ساره و ريناد منهارين في العياط وحنين تحاول تهديتهم ولكن لا حياة لمن تنادى

محمد بيحاول يخفف عن احمد شوية ولكن احمد هيموت علي سلوى فهي حبيبة قلبه و رفيقة دربه

هادى بيهدي في مازن و ايهم وقاعد يقولهم ان هما لازم يبقو اقوياء علشان البنات وعلشان احمد

خرج الطبيب من الغرفة فجرو عليه كلهم
ايهم : طمني يا دكتور ماما عاملة ايه
مازن : قولنا ان فيها حاجة احنا ممكن نسفرها برة
الدكتور : البقاء لله يا جماعة ربنا يصبركو
ساره بصراخ : لااااااا
واغمى عليها وهادى هو اللي شالها وخدها يكشفو عليها وحنين راحت معاه
ايهم : انت بتقول ايه انت اكيد بتخرف
مازن : قول انك بتهزر قول الله يخليك
الدكتور : انتو مؤمنين و عارفين ان دا قدر ربنا
أحمد : عايز اشوفها عايز احضنها لاخر مرة
محمد : بلاش يا احمد انت مش هتستحمل
احمد : لا علشان خاطري
محمد : خلاص يا دكتور خليه يدخلها

احمد دخلها شال الغطا من على وشها و اول ما شافها رجليه ما استحملتهوش ووقع عالكرسي اللي جامب السرير

احمد بدموع : اااه يا سلوى هتسيبينى ازاي هعيش من غيرك ازاي دا انتي قلبي انتي عمري انتي روحي انتي عقلي انتي حياتي كلها هعيش بعدك لمين هعيش بعدك ليه انا مش مصدق انك خلاص مش هتكوني في حياتي انا عايز اموت انا لولا اني الانتحار حرام كنت انتحرت ولا اعيش من غيرك

الدكتور دخله وخلاه يطلع
اول ما احمد طلع ايهم حضنه وعيط واحمد هو كمان عيط ومازن راح عليهم حضنهم وعيط هو كمان
ريناد و رودى منهارين من العياط ولكن لا احد يهديهم

رودى بعياط : يعنى احنا مش هنشوف طنط سلوى تانى
محمد : اهدى يا رودى بطلي كلامك ده احنا عايزين نهديهم مش نزودها عليهم
رودى كانت منهاره ومحمد مش عارف يهديها ولا يهدى اخوه فقال لريناد تهديها وراح هو يهدي اخوه واولاده
واستمرو على الحال ده
================================================================

عند ساره فوقوها من الاغماء

ساره : ايه دا انا فين اه انا افتكرت فين ماما هو اللي حصل دا كان حقيقة ولا كنت بحلم
حنين : اهدي يا حبيبتي
ساره بصراخ : ماماااا ماماااا انتي فين يا ماما انا عايزة ماما هاتولي ماماا ااااااه
حنين خدتها في حضنها وساره ظلت تبكي و تصرخ في حضنها والدكتور جه واداها مهدئ
هادى : ربنا يكون في عونهم
حنين : قطعت بينا كلنا انا مش مصدقة لحد دلوقت ان احنا مش هنشوفها تاني
قعدت حنين تعيط وهادي يهدى فيها وبعدين خرجو يشوفوهم بره