عشقتها حد الجنون للكاتبة ( سها محمد )

الفصل الخامس

فوق في غرفة رودى بالاعلي حيث ايهم كان يريد الحديث معاها

رودى : ها اتفضل قول بقى ايه الموضوع اللي عايز تكلمني فيه
أيهم : كنت عايز اقولك الحقيقة واني زي زيك مغصوب على الجواز
رودى : ازاي
أيهم : بابايا وباباكي هما اللي متفقين مع بعض وبعدين قالولنا
رودى : كان ممكن ترفض كنت تعمل اي حاجة
أيهم : ومين قالك إني ما رفضتش انا رفضت وبشدة بس في ظروف اجبرتني اني اوافق
رودى : ايه هي الظروف دى ممكن اعرفها
أيهم : بصي يا رودى مش وقته أكيد هتعرفي كل حاجة في وقتها بس النهاردة مش هينفع الناس تحت مستنية
رودى : يعني توعدني تحكليلي بكرة
أيهم : مش هينفع أنا ما اقدرش اوعدك بس اللي اعرفه ان الظروف هتعرفك كل حاجة في وقتها
رودى : طب احنا هيبقى وضعنا عامل ازاي
أيهم : هو دا المهم بصي يا ستى أنا وانتي طول عمرنا اخوات وهنفضل اخوات
رودى : بمعنى
أيهم : بمعنى ان مفيش حاجة هتتغير غير انك تنقلى من فيلتكو لفيلتنا بس وهنضطر ننام بس في اوضة واحدة علشان محدش يحس بحاجة انا مش عايز حد يعرف أي اتفاق بينا واحنا بعد مدة نعمل مش متفقين وننفصل بهدوء
رودى : يعنى انا وانت هنبقى اصحاب زي زمان
أيهم : ايوة طبعا انتي ما تعرفيش معزتك عندي قد ايه دا انتى بنتي يا بت انتي يا عبيطة
رودى : بجد إنا ريحتنى اوى يا ايهم انت مش عارف بكلامك دا انت طمنتني ازاي أنا بحبك اوي اوي يا ايهومي
وقامت بإحتضانه و شدد هو من احتضانها فكلامها هذا ريحه اشد الراحة
قاطع احتضانهم لبعض دخول مازن عليهم بدون استئذان
مازن : اوبس شكلي جيت في وقت مش مناسب مش كنتو تقفلو الباب بالمفتاح ولا تستنو اما تكتبو الكتاب
رودى ضحكت على كلامه أما أيهم فكان متغاظ ازاي يدخل كدا من غير استئذان
أيهم : طب خف علينا يا خفيف مش وقت تقل دمك مش ناقصينك
مازن : الحق عليا اني جاى اعرفكو ان المآذون وصل تحت علشان تكتبو الكتاب وتعلو الجواب وتبسو وتحضنو بعض براحتكو بقى عقبالى يارب اما ابوس واحضن كدا
شهقت رودي من كلامه أما أيهم كان يضحك عليه
أيهم : طب يلا هوينا بقى
مازن : لا انا قاعد علي قلبكو
أيهم بغيظ : مااازن
مازن : خلاص يا عم هأبارك بس لأحلى عروسه وانزل
واتجه ناحية رودى وحضنها وقالها
مازن : مبروك يا أحلى و أجمل و أرق عروسه في العالم كله
رودى : الله يبارك فيك يا مازن وعقبالك
أما أيهم فكان يفكر كيف تحضن أخوه كدا بس افتكر انها بتحضنه هو كمان لا لازم يغيرلها دا كله
مازن وهو يشير أمام أيهم : ايه يا عمنا سرحان في ايه
أيهم : مش سرحان ولا حاجة وبعدين مش المفروض الكلام اللي هو أجمل و أرق والكلام ده العريس هو اللي بيقوله
مازن : ما تقوله يا عم هو حد حاشك وبعدين يلا بقى علشان المآذون تحت من زمان واحنا اتأخرنا عليه يلا يا أيهم وانتي يا رودى خليكي هنا على ما عمو محمد يطلع يجيبك
أيهم اتجه ناحيتها وباس راسها وهمسلها في ودنها: عايز النهاردة يكون أحسن يوم بالنسبالك
رودى اومأت برأسها ايجاب وقالت : حاضر