عشقتها حد الجنون للكاتبة ( سها محمد )

الفصل السابع عشر

اللهم صلي وسلم وبارك على سيدنا محمد وعلى آله وصحبه أجمعين عليه الصلاة والسلام

=======================================================

رودى : يلا يا عمو سعيد بسرعة

سعيد ( السواق) : يا بنتى احنا وخرى وانا خايف دا لو ايهم بيه عرف انى خرجتك دلوقت هيخرب بيتى

رودى : انت سواقي انا وتسمع كلامى انا

سعيد : طب يا بنتى انتى عايزانى اوديكى فين في الوقت المتأخر ده دا انتى عمرك ما عملتيها

رودى : بسرعة بس يا عمو سعيد احنا كدا هنضيع الطريق يلا سوق وانا هوصفلك الطريق واحنا ماشيين يلا بس بسرعة

سعيد : حاضر وربنا يستر بقى وايهم بيه ما يقطعش عيشى

رودى : ان شاء الله مش هيحصل حاجة انا اللي مسؤولة وحضرتك ملكش ذنب

سعيد : طب يا بنتى مش كان واجب نستأذن احمد بيه قبل ما نخرج دى الاصول برده

رودى : ادخل يمين الشارع اللى جاى هنبقى نقوله اما نروح

سعيد : انا مش عارف ازاى سمعت كلامك انتى ازاى تخرجى من غير ما تقولى لحد انتى غلطانة المرة دى يا رودى اتصلى بعمك احمد دلوقت وقوليله دا زمانه قلقان عليكى يا بنتى

رودى : عمو سعيد سيبنى اركز في الطريق وانا قولتلك اما اروح هبقى اقوله ادخل شمال

رودى كانت ماشية ورا عربية ايهم وكانت بتشوفها راحت فين وتوصف لسعيد الطريق من غير ما تقوله ان هما ماشيين ورا ايهم لانها عارفة انه لو عرف ما كانش هيسمع كلامها ويروح وراه

=============================================================

عند ايهم في العربية يرن هاتفه وهو سايق

ايهم : ابوة يا هادى بتتصل ليه في حاجة حصلت

هادى : ايوة في حاجة غريبة حصلت من شوية

ايهم : ايه اللى حصل

هادى : رودى خرجت من شوية وكانت مستعجلة

ايهم : خرجت راحت فين في الوقت المتأخر ده وخرجت لوحدها ولا معاها حد

هادى : هي خدت معاها عمو سعيد انا حاسس انها ماشية وراك

ايهم : ماشية ورايا ليه ايه اللى خلاك تحس كدا

هادى : اصلها كانت مستعجلة اوى واحساسى بيقولى انها كانت عاوزة تنهضك

ايهم : تصدق عربيتها ماشية ورايا اهه

هادى : ايه دا بجد طب وانت هتعمل ايه

ايهم : هعمل ايه هضطر اروح اسهر علشان تصدق انى بسهر بس ازاى عمو سعيد يسمع كلامها ويخرجها وخرى كدا

هادى : اكيد هى اللى اصرت عليه

ايهم : برده كان يتصل بيا يستأذنى الاول