عشقتها حد الجنون للكاتبة ( سها محمد )

الفصل السادس

ااااه كم اتشوق لان اصرخ بأعلى صوتي

مازن : قوليلى الأول يا ريناد هو انتى أخت دينا
ريناد : ايوة
مازن : طب كملي
ريناد : فتحنا الظرف لقينا فيه صور لايهم مع بنت في مناظر خليعة دينا اختي ما اتحملتش وقعت مني ما كنتش عارفة اعمل ايه فضلت اصرخ لحد ما الجيران اتلمو وطلبو الاسعاف وودونا المستشفى وطلع عندها ثقب في القلب ومخبية وخليتها يومين مش بتفوق وبعدين فاقت وطلبت تشوفني والدكتور قال ما ينفعش بس هي اصرت دخلتلها قالتلى خلى بالك من نفسك هتوحشيني قالتلي كدا بس وبعدين سمعت صوت الجهاز بيصفر والدكاترة دخلو يجرو وقالولى انها ماتت انا ما استوعبتش الكلمة عقلي رفض يصدق خليتني في غيبوبه أسبوع كامل وبعدين صحيت عالواقع المر ده مشيت مش عارفة اعمل ايه ولا اروح فين روحت الشقة ولميت هدومي ومشيت روحت ختلى سكن الطالبات في الجامعة بتاعتي وبقيت عايشة فيه ودورتلى على شغل والحمد لله ادينى عايشة

مازن : بس أيهم اخويا مش خانها ايهم هو رخرى اتبعتله ظرف فيه لاختك صور خليعة مع واحد ايهم اتعقد من البنات وبقى بيكرهم بقاله 3 سنين ما ضحكش ايهم هو رخرى ادمر وبقى جاد وعصبي
ريناد : انت بتقول ايه انت اكيد بتخرف
مازن : لا بقول الحقيقة هو دا اللي حصل
ريناد : يعنى إيه
مازن : يعنى دا كان ملعوب اتعمل فيهم حد كان قاصد يوقع بينهم حد كان بيكرهم حد دمرلهم حياتهم
ريناد : مين الحد ده مين نفسي اشوفه واقتله بايديا لانه السبب في موت اختى
مازن : بس دا مش كل اللي مخلى نفسيتك تعبانة كدا ومخليكي تلجأي لدكتور نفساني صح ولا أنا غلطان
ريناد : صح بس انت عرفت منين
مازن : من عنيكي لسه فيها كلام كتير ها احكي بقى ايه اللي حصل تاني
ريناد : وانا في سنه 2 صيدله السنه اللي فاتت اتعرفت على شاب في الكلية كنت فاكراه كويس عمل نفسه بيحبنى وجذبني ليه خلاني احبه لحد ما في يوم قالي تعالي اعرفك على مامتي انا ما كنتش موافقة فاتصل عليها وخلاني اكلمها علشان ارضى اروح معاه المهم روحت معاه خدني شقة لقيتها فاضية مش فيها حد قولتله فين مامتك ضحك وقالي انتي عبيطة انتي مصدقة ولا ايه قولتله مش هي كلمتني وقالتلي هاستناكي قالى دا واحد صاحبي بيعرف يقلد الأصوات خليته يكلمك المهم لقيته مطلع ورقتين عرفي وعايزني امضي عليهم انا رفضت قالى انتي حرة هاغتصبك من غير جواز ببص الناحية التانية لقيت طبق فاكهة عليه سكينة فعملت نفسي مسورقة فقعد يفوق فيا مش عرف راح المطبخ يجيب ميه قمت واخدة السكينة وروحت وراه وضربته في ضهره وخدت المفتاح وطلعت اجرى وبس ومن ساعتها مش عارفة عنه حاجة عايش ولا ميت ولا ايه اللي جراله ومن ساعتها وانا كل الناس خاينين بالنسبالي اذا كان بابا ولا ماما ولا خالتو ولا ايهم ولا اللي كنت فاكراه حبيبى ومن ساعتها قررت أعيش لوحدي ما اصدقش حد ولا اصاحب حد ولا اتكلم مع حد لحد ما تعبت ومعدتش قادرة اكمل فقولت الجأ لدكتور نفساني
مازن : ياه دا انتي حكايتك صعبة اوى المهم اللي عايزك تعرفيه ان ايهم مظلوم زي دينا بالظبط هما الاتنين اتظلمو وهما الاتنين مش خاينين
ريناد : ياه انت مش متخيل انا ارتحت ليه اولا انى حكيت ثانيا ان ايهم ما طلعش خاين
مازن : طب يلا اروحك الوقت اتأخر
ريناد : اوك يلا
================================================================
في بهو الفيلا حنين ورودى حاضنين بعض وبيعيطو والكل عمال يهدى فيهم
محمد : كفاية دلع بقى الله
أحمد : خد مراتك يا ايهم واطلع يلا على جناحك
محمد : خلى بالك منها يا ايهم وعايز كمان 9 شهور اسمع كلمة جدو
ايهم لم يرد وانما نظر ناحية رودى التي بدورها بصتله فهم متفقين عالزواج الصورى
أحمد : يلا يا حبايبي اطلعو ارتاحو في جناحكو
أيهم اخد رودى وطلع بيها الجناح وكان على دور كامل وكان مكون من غرفة نوم بها حمام وفيه صالة ومطبخ