عشقتها حد الجنون للكاتبة ( سها محمد )

الفصل الثامن

في جناح ايهم ورودى يذهب ايهم ليفتح الباب
فتح ايهم الباب لقى قدامه مازن ومعاه ريناد
ايهم اول ما شاف ريناد افتكر دينا وكان عايز يعيط بس مسك نفسه

ايهم مرحب بهم : اهلا اهلا اتفضلوا ايه النور ده
مازن : ميرسي ميرسي طول عمري منور والله
ايهم : انا ما باكلمكش انت يا غلس انا بكلم ريناد ها يا ريناد مش هتسلمي عليا ولا ايه
ريناد مدت ايدها وهو اول ما سلم عليها ريناد دموعها نزلت وعيطت جه ايهم واخدها في حضنه وقعد يطبطب عليها
ايهم وهو يطبطب عليها : انا اسف انا اسف يا عمري كل اللي حصلكو بسببي انا اسف اسف
ايهم وريناد لم يدركو ان اربعة من العيون مسلطة عليهم ويكادو يقتلونهم من شدة الغيرة أصحاب هذه العيون هما مازن و رودي
رودى بغيظ : اهلا يا ريناد هو انتى مش هتسلمي عليا هتسلمي على ايهم بس ولا ايه
ريناد : لا طبعا ودي تيجي برده
وسلمت عليها واحتضنتها وبعدين قعدو و رودى قدمتلهم حاجة يشربوها
ايهم : عاملة ايه يا ريناد
ريناد : كويسة الحمدلله
ايهم : دخلتي كلية ايه
ريناد : صيدله مع ساره في نفس السنه
ايهم : بجد طب دي حاجة كويسة اوى عاوزكو تبقو صحاب بقي
ريناد : ايوة ما هو مازن عرفنا على بعض امبارح وبقينا صحاب
ايهم مسك ايدها : انا عايزك تسامحيني على اللي حصلكو بسببي
ريناد : لا يا ايهم مش بسببك دا قسمة ونصيب وبعدين انت مريت بنفس اللي احنا مرينا بيه انت مالكش ذنب في اي حاجة انت اضحك عليك زينا بالظبط
ايهم : كان لازم اكون واثق فيها اكتر من كدا كان لازم اقف جامبكو في الوقت دا دا اكتر وقت انتو كنتو محتاجيني فيه
ريناد وهي تدمع : دينا هي كمان ما وثقتش فيك وصدقت انتو الاتنين ما كنتوش بتحبو بعض يا ايهم
ايهم : لا يا ريناد احنا كنا بنحب بعض
ريناد : انتو كنتو بتحبو بعض كاخوات او اصدقاء انما لو كنتو بتحبو بعض بجد ما كانش حصل اللي حصل
ايهم : انا مش عارف بس انا حبيتها المهم انا مش عايزك تزعلي نفسك انا هاعرف مين اللي عمل كدا وانتقم منه على اللي عمله وانتقم لموت دينا
ريناد : بص يا ايهم ربنا هو المنتقم الجبار وانت لسه في عز شبابك واهلك ومراتك محتاجينك سيب ربنا هو اللي ينتقم وابعد انت عن الموضوع ودا اكيد كان درس علشان تتعلم من غلطك وانك لازم تثق في اللي بتحبه حتى لو شوفته في حضن واحد غيرك تبقى واثق انه مش يعمل كدا وبدل ما تتهمه وتصدق اللي اتقال عليه تروح تسأله وتتأكد منه
ايهم : كلامك صح يا ريناد المهم انا مش عايزك تزعلي ولاتبقى وحيدة انتي من النهاردة هتيجي تعيشي هنا معانا انا مش هاطمن عليكي غير وانتي قصاد عيني
ريناد : لا يا ايهم مش هينفع
ايهم : مش هينفع ليه هو انتي مش بتعتبريني اخوكي الكبير
ريناد : ايوة بس
قاطعها ايهم : من غير بس اللي بقوله يتنفذ انتي من النهاردة هتيجي تعيشس هنا ومازن وساره هيبقو معاكي لحد ما ارجع من شهر العسل ولا ايه يا مازن
مازن بغيظ من ودهم مع بعض :  ايوة طبعا انت كلامك صح
رودى لم تعد تتحمل فهي متعودة ان ايهم ياخد باله منها هي لوحدها ويحبها هي ويدلعها هي
رودى بغيرة : ايوة طبعا حاكم انت قلبك طيب اوي وحنين اوي يا ايهم
ايهم مستغرب من طريقتها : مالك يا رودي
رودى مصطنعه اللامبالاه : مليش
مازن : ايه رأيكو نروح كلنا مطعم نتعشى سوا واحنا جايين ابقى اعدى انا وريناد نجيب حاجتها وننقلها هنا علشان تعيش هنا
ايهم : فكرة حلوة ايه رأيك يا رودى
رودى : مفيش مشكلة
ايهم : وانتي يا رينو
رودى : رينو
ايهم : اه انا كنت متعود ادلع ريناد كدا
ريناد : موافقة
رودى : عن اذنكو
ودخلت رودى من غير ما تسمع منهم اي كلمة
ايهم استغرب معاملتها دي وما اتوقعش ان دي تكون غيرة ابدا
اما ريناد فكانت محرجة من معاملة رودى لها
ريناد : طب يلا يا مازن ننرل نستناهم تحت على ما يلبسو
مازن : اوك يلا
ونزلو تحت وايهم اتجه الى الغرفة ليعرف ما بها رودى ايه اللي عصبها كدا هل فعل شيء اغضبها من غير قصد
================================================================
في غرفة ايهم و رودى