عشقتها حد الجنون للكاتبة ( سها محمد )

الفصل الخامس والثلاثون

اللهم صلي وسلم وبارك على سيدنا محمد وعلى آله وصحبه أجمعين

========================================================================

رودى : ايه ده مش معقول

ايهم : ايه رأيك بقى

رودى : تحفة جميل عسل روعة كل حاجة حلوة

ايهم : ايه الأڤورة دي دا مكان عادي هنسهر فيه شوية ونمشي انا قولت انك هتنبهري بس مش للدرجادي

رودى : دا مكان عادي بالنسبالك علشان انت عادي تيجي فيه انما هو من قوانينه ان مفيش حد سنه اقل من 25 يدخله اه صحيح انا هدخل ازاي دلوقت

ايهم : هتدخلى معايا هو انا مش مكفيكي ولا ايه

رودى : لا طبعا بس هو عادي

ايهم : ايوة عادي هو من قوانينه ان اي كابلز يدخلو مع بعض او اي بنتين يدخلو مع بعض انما ما ينفعش اتنين ولاد يدخلو مع بعض وما ينفعش حد اقل من 25 بس انتي معايا وبيبقى في حفلة كل يوم فيه

رودى : طب حفلة مين النهاردة أنا عايزة حد بحبه

ايهم : لا احنا اخرنا نسهر شوية ناكل نشرب انما مكان الحفلة بيبقى فيها ناس كتير وانا خايف عليكي

رودى : لا بليز يا ايهم انا عمري ما حضرت حفلة من دول علشان خاطري انا عايزة احضر بليز بليز بليز

ايهم : خلاص كفاية زن تعالي اما اشوف الاول ايه النظام جوا

رودى بفرحة : ميرسي يا أحلى ايهومي في الدنيا

==========================================================================

عند هادي و ساره في مطعم هادي كان حاجزه كله ليه هو وساره وعامل جو رومانسي وشموع وورد

ساره : ايه الرومانسية دي كلها مش لايقة عليك

هادى بمزاح : انا مش عارف انتي مالك ومالي النهاردة كل اما اعمل حاجة حلوة تفصليني كدا وتحبطيني

ساره : الله ما انا بقول الحقيقة عايزني اكدب عليك يعني

هادي : الحقيقة يا كذوبة انتي تعالي نرقص سلو يلا

ساره : هتعرف ترقص بايد واحدة

هادي : ايوة يلا تعالي

هادي وساره كانو بيرقصو سلو على اغنية هادية

ساره : مازن وريناد مجوش ليه

هادي : ريناد مرهقة شوية

ساره : انت مش حاسس بحاجة غريبة في ريناد

هادي : مالها

ساره : بقالها فترة متغيرة ودايما حزينة

هادي : مش عارف انا ما لاحظتش حاجة زي كدا بس مازن كان قالي انهم متخانقين ممكن يكون علشان كدا