عشقتها حد الجنون للكاتبة ( سها محمد )

الفصل الثامن والثلاثون

اللهم صلي وسلم وبارك على سيدنا محمد وعلى آله وصحبه أجمعين

=======================================================================

مازن دخل اوضة ريناد لقى ريناد مش موجودة ولقى الفستان على السرير وفوقه ورقة

مازن بصدمة : ايه ده

مازن خد الورقة اللي عالفستان يقراها
( انا اسفة يا مازن انا مكنتش عايزة الامور توصل بينا لكدا انا دخلت حياتك وكان هدفي الانتقام من والدك فيك زي ما دينا اختي دخلت حياة ايهم وكان هدفها الانتقام برده بس هي حبت ايهم وماتت بسببه وانا للأسف حبيتك بس دا ما يمنعش اني اكمل اللي بدأته انا كل حاجة كنت مرتبالها حتى لما جيتلك العيادة كنت قاصدة اجيلك وحكيتلك قصة خيالية علشان تعالجني بس انا مكنتش جاية اتعالج انا كنت جاية انتقم من والدك على اللي عمله في امي زمان فاكر لما قولتلك اني عايزة كتب الكتاب يكون مع الفرح بتبقى رومانسية اكتر انا فعلا كنت عايزاه يوم الفرح بس مش علشان رومانسية ولا حاجة لا علشان كنت عايزة اسيبك من غير ما يبقى رابطني بيك حاجة لكن للأسف ما عرفتش بس مش مشكلة المهم اني انتقمت منكو والفرح هيتلغي وهتتفضحو وما تحاولش توصلي لان كل المعلومات اللي انت عارفها عني كلها غلط وعلى فكرة اللي كان بيكلمني يوم ما ضربتني بالقلم كان دكتور نفساني علشان خيالك ما يوديكش اني كنت بخونك لا دا كان دكتور نفساني وكان بيحاول يرجعني عن اللي انا هعمله فيك بس انا مصممة اني اكسرك زي ما باباك كسر مامتي زمان واحب اقولك اني دلوقت ارتحت نفسيا بعد ما دمرتكو وابقى سلملي على انكل احمد الوداع يا زوجي العزيز )

مازن من الصدمة مش عارف يعمل ايه هو حاسس انه بيحلم او هي بتعمل فيه مقلب لكن مش مصدق ومش قادر يستوعب عقله رافض فكرة انها ممكن تعمل فيه كدا

ايهم طلع يشوف مازن اتأخر كدا ليه

ايهم : ايه يا مازن اتأخرت كدا ليه فين ريناد وايه الفستان ده هي لسه ما لبستش ولا ايه

مازن : ريناد هربت يا ايهم

ايهم : ايه هربت ازاي وليه

مازن : مش عارف مش عارف انا طلعت مغفل كانت جاية تنتقم مننا وانا ما قدرتش اكشفها

ايهم : اهدى بس كدا وفهمني ايه اللي حصل

مازن : روح الاول خلي هادي ياخد ساره ويمشي وخلي بابا كمان يروح لانه هو اللي هيسلمها لهادي وخلي طنط حنين كمان تروح هي ورودي علشان يبقو مع ساره وخليهم ما يستنوش ويدخلو القاعة

ايهم : مش لما افهم في ايه اكيد هيسألوني في ايه وانا مش هعرف اقولهم لاني مش عارف

مازن : وانا مش عايزهم يعرفو علشان الليلة بس تعدي على خير روح اعمل زي ما قولتلك بس وبعدها هبقى اقولك ايه اللي حصل